Bide-azpiegituren sareko atal batzuetako bidesarien zenbatekoak 2025ko eguneratzen dituen Bizkaiko Foru Aldundiaren foru dekretuak deskontu-mota hauek jasotzen ditu OBErekin ordaindutako joan-etorrietarako:

Ibilgailu eraginkorrenentzako deskontuak AP-8 Bizkaiko, MHSko eta Artxandako tuneletako tarifetan:

• % 100 elektrikoak diren ibilgailu arinak.
• Salgaiak garraiatzeko ibilgailu astunak.
  • Elektrikoak, hibridoak eta gasaren bidez propultsatuak, DGTren sailkapeneko «O» eta «ECO» egiaztagiria duten ibilgailuak.
  • Euro 6
  • Euro 5

Ibilgailu astunentzako deskontuak, erabilera-maiztasunaren arabera:

• MHSren tarifetan.
• AP-8ko tarifetan, AP-8 (Galdakao-Gipuzkoarekiko muga) eta AP-8 MHS (Bilbo-Santurtzi) autobideak konbinatuz erabiltzeagatik.

Ibilgailu eraginkorrenentzako deskontuak. Beharrezkoa da izena ematea Interbiak-en webgunean

% 100 elektrikoak diren ibilgailu arinak

• Horretarako egiaztatuta dauden ibilgailu arin eta guztiz elektriko direnek AP-8 autobidearen Bizkaiko tartean, Metropoliaren Hegoaldeko Saihesbidean eta Artxandako tuneletan egindako bidaia guztietan ateratzen den tarifaren zenbatekoaren %25 deskontua ezartzen da, betiere OBE identifikazio- eta ordainketa-bide gisa erabiltzen badute, doikuntza hilero eta hilabetea igarota OBE gailuari lotutako kontuan ordaindu ahal izateko.
• Deskontua aplikatuko da ibilgailua arina eta % 100 elektrikoa dela egiaztatzen duen dokumentazioa osorik eta behar bezala jaso eta hurrengo hilabetetik aurrera.

Salgaiak garraiatzeko ibilgailu astunak eta eraginkorrak.

• Salgaiak errepidez garraiatzeko soilik erabiltzen diren ibilgailu astunek egiten dituzten ibilbide guztietan, tarifaren zenbatekoaren gaineko deskontuak ezartzen dira, betiere identifikazio- eta ordainketa-bide gisa OBE erabiltzen badute. Horrela, egokitzapena hilero eta hilabetea igarotakoan ordaindu ahal izango da, OBE gailuari lotutako kontuan.

  % 25eko deskontua lortzeko aukera duten ibilgailu motak:

  • Elektrikoak
  • Hibridoak
  • Gasarekin propultsatzen direnak (Ibilgailu horiek soilik salgaiak garraiatzeko erabiltzen badira eta haien gehieneko masa baimendua —atoi edo erdiatoiena barne, halakorik izanez gero— 7,5 tonatik gorakoa ez bada, betiere ibilgailuaren titular edo errentari den enpresaren ustiapen-zentrotik 50 kilometroko erradioan egiten bada garraioa.)
  • DGTren sailkapeneko "O" eta "ECO" etiketa duten ibilgailuak

  % 20ko deskontua lortzeko aukera duten ibilgailu motak:

  • Euro 6 sailkapena duten ibilgailuak

  % 15eko deskontua lortzeko aukera duten ibilgailu motak:

  • Euro 5 sailkapena duten ibilgailuak

Ibilgailu astunentzako deskontuak, erabilera-maiztasunaren arabera (ez da beharrezkoa izena ematea; automatikoa da OBE detektatzen delako)

Konbinatua: AP-8 eta MHS

Ordainsariaren gaineko % 13, honako bidaia hauetan: AP-8an (Galdakao-Gipuzkoako muga eta MHSko Bilbo-Santurtzi tartea konbinatuta) egutegiko hilean 20 bidaia edo gehiago eta noranzko bakarrean ibilgailu astunek egiten dituzten bidaien gainean, baldin eta egun berean azpiegitura bietan identifikatzeko eta ordaintzeko OBE edo VIAT erabiltzen badute (0 tarifako tarteak alde batera utzita). Aurreko guztia betez gero, deskontua ordainlekutik pasatzen den lehenengo alditik aplikatzen da.

Konbinatua: MHS eta AP-68

Ordainsariaren gaineko % 13, honako bidaia hauetan: AP-8an (Metropoliaren Hegoaldeko Saihesbideko Bilbo-Santurtzi tartea eta Bilbo-Zaragoza AP-68 autobidea konbinatuta) egutegiko hilean 20 bidaia edo gehiago eta noranzko bakarrean ibilgailu astunek egiten dituzten bidaien gainean, baldin eta egun berean azpiegitura bietan identifikatzeko eta ordaintzeko OBE gailua erabiltzen badute (0 tarifako tarteak alde batera utzita). Aurreko guztia betez gero, deskontua ordainlekutik pasatzen den lehenengo alditik aplikatzen da.