TOPAKETAK BIZKAIAREKIN

Kaixo,

Aurreko agintaldian, konpromisoa hartu nuen bizkaitarrekin are Bizkaia hobeago bat lortzeko martxan jarri nahi genituen proiektu nagusien jarraipena egiteko. Horretarako, hamar udalerritan topaketak egin genituen, 650 pertsona bertaratu ziren eta 1.500 ekarpen eta proposamen jaso genituen.

Pandemiak eragindako legealdi honetan, topaketa horiek egiteko aukera atzeratu behar izan dugu, guztiontzako normalizazio eta segurtasun baldintzak betetzen zirela bermatzeko. Heldu da unea.

Izan ere, denboraldi zail honetan zehar Bizkaiak eta Aldundi honek ez dute atsedenik izan. Alderantziz. Hori dela eta, 2015. urtetik egiten ari garen bezalaxe, uste dugu ezinbestekoa dela kontatzen jarraitzea nola gauden, zer egiten ari garen eta hori nola egiten ari garen; ondo joan denaren berri ematea eta hain ondo ez doanaren aurrean erantzutea.

2022ko urritik 2023ko urtarrilera arte, lurraldean zehar ibiliko gara eta zortzi topaketa egingo ditugu. Horietan, egindakoaren berri emango dugu, eguneroko kudeaketaren berri, eta baita Bizkairako etorkizuneko planteamenduen eta proiektuen berri ere. Hitz egin eta, batez ere, entzun egingo ditugu bizkaitarren kezkak eta lehentasunak. Gaurkoak, noski, baina etorkizunari buruz dituztenak ere. Laburbilduz, elkarrekin ikasiko dugu eta, oroz gain, ezagutu egingo gara, hainbeste mugaren ostean.

Balantzea egiteko unea da, mahai gainean jartzeko denbora honetan zehar lortu duguna eta oraindik ere elkarrekin egiteko geratzen zaiguna.

Webgune honen bidez, aurreikusitako topaketak, Bizkaia Egiten Agintaldiko Planaren datuak eta horiek betetzen diren ezagutuko duzu.

Laster arte.