Ekintza aukeratu:

• Nazioarteko ekitaldiak erakartzea Bizkaira

  ×

  Nazioarteko ekitaldiak erakartzea Bizkaira

  Aurrerapen-maila:

  %90

  Bizkaia nazioarteko helmuga erakargarria bihurtzeko, lurraldea sustatzeko nazioarteko ekimenen erakargarritasun-politika bat diseinatzen hasi gara, eta hala, tamaina handiko ekimenak identifikatzen saiatu gara eta in-house nazioartekotzean lanean hasi gara, hau da, ekimen hauetara enpresetako CEOak edo presidenteak erakartzeko lana egiten da ondoren horiek lurraldean inbertitu ahal izateko.

  2016an zehar aurrerapenak egin ziren merkatua aztertzeari dagokionez, ondoren lurraldeko ardatz estrategikoekin bat datozen nazioarteko ekimenak aukeratzeko.

  2017an zehar nazioarteko erakundeetako hainbat ordezkarirekin bilerak egin ziren nazioarteko ekitaldi hauen programa prestatzen jarraitzeko. 2018koen artean, hauek nabarmendu behar dira:

  • World Football Submit championship
  • European Rugby Champions Cup
  • World’s Best Restaurants, “50 Best” gala
  • MTV / EMA 2018 gala

  Une honetan, ekitaldiak erakartzeko lanean ari gara.

  Ekintza hau baloratu

• Bizkaia Tourism Action Group taldearen sorrera

  ×

  Bizkaia Tourism Action Group taldearen sorrera

  Aurrerapen-maila:

  %90

  Bilbao Bizkaia Action Group (BBAG) taldea 2016an sortu zen, lurraldean turismoaren sektorea bultzatzeko Bizkaiko Foru Aldundiak sortutako lankidetza publiko-pribaturako tresna berri gisa.

  2017an zehar BBAG dinamizatzen eta lan egiten jarraitu zen; lau saio izan ziren, non Turismo Estrategia 2020 egitasmo berrian aurreikusitako jarduketak eztabaidatu eta adostu ziren.

  Bitartean, BBAGko 8 talde teknikoek planteamendu globalarekin lotutako 8 estrategia garatu zituzten, eta horien helburua betetze aldera 2018an egin beharreko jarduketak proposatu zituzten.

  2018an, beste 4 lantalde eratu dira, eta 12 lantaldeetako bakoitzak ekitaldi honetarako aurreikusitako jarduerak burutu ditu. Horrela, 157 kide baino gehiago 58 saiotan bildu dira urte osoan zehar (guztira, 505 bertaratze).

  Ekintza hau baloratu

• Bilbo-Bizkaia helmuga turistikoaren sustapena mundu

  ×

  Bilbo-Bizkaia helmuga turistikoaren sustapena mundu

  Aurrerapen-maila:

  %90

  2016an turismoaren kudeaketari buruzko azterketa sakona egin zen, baita sektore horrek Bizkaia lurraldera dakarren erronkari hurrengo urteetan aurre egiteko moduei buruzko azterketa ere. Horren ondoren, Bilbao-Bizkaiaren 2020 Turismo Estrategia berria aurkeztu zen 2017ko urtarrilean. Bilbao-Bizkaiaren turismo estrategia aurkeztu ondoren, lehentasunezko merkatuen azterketa egin zen; Bizkaiko Foru Aldundiaren jarduna horietara bideratu behar da, turismo-produktuen aukeraketaren bitartez.

  Estrategia honen barruan aurreko urteetako sustapen-ekintzen ildoari jarraituz, nabarmentzekoa da 2018an alemana darabilten merkatuetan eta Europako iparraldean gauzatu dela turismoa sustatzeko jarduera. Edonola ere, Estatuan, Frantzian, Erresuma Batuan, Italian, Herbehereetan eta AEBn jarraitu da lanean, sektoreko kontsumitzaile eta profesionalei zuzendutako ekitaldien bidez. Lehen aldiz, nazioarteko kanpaina digital bat ere antolatu da.

  Sustapen-ekitaldi nagusi hauetan hartu dugu parte 2016an, 2017an eta 2018an: Fitur (Madril), Matka (Helsinki), Top Résa (Paris), tailer propioak (Viena eta Stockholm), Foodies Festival (Edinburgo), Unbox (Berlin), Expovacaciones (Bilbao) eta Intur (Valladolid). 2018ko urritik abendura, kanpaina digitalak 6 hizkuntzatan kaleratu dira, Europako 13 hiritan eta, aurreikuspenen arabera, 100 milioi inpresio baino gehiago izan dituzte, 400.000 klik eta 30.000 harreman berri turismoko datu-basean.

  2017ko kopuruak gaindituz, 2018an sustapen-ekintza hau 750.000 kontsumitzailerengana eta turismoko 250.000 enpresatara iritsi da, 7.000 harreman baino gehiago sortuz Bilboren/Bizkaiaren eta lurraldeko sektore pribatuko enpresen artean.

  Ekintza hau baloratu

• Bizkaiko industria turistikoa bultzatzeko plana

  ×

  Bizkaiko industria turistikoa bultzatzeko plana

  Aurrerapen-maila:

  %90

  Bilbao-Bizkaia 2020 Turismo Estrategia berriak bi agertoki desberdinetan sustatu nahi du turismoa: marketina jatorrizko merkatuetan eta turismoa destinoan garatuz. Azken helburu horrekin Bilbao-Bizkaia destinoan turismoa garatzeko laguntzen deialdia egin da maiatzaren 30eko 76/2017 Foru Dekretuaren bitartez.

  Laguntzen programa horretan aurreikusitakoen artean daude, besteak beste, turismo destinoa kudeatzeko egitura indartzeko laguntza, lurraldeko turismo baliabideak balioan jartzea, destinoan turismo-fluxua mugiarazteko gai izango diren ekitaldi berriak sortzea, destinoan pertsona bisitariei eskainitako arreta hobetzea, turistei bideratutako eskaintza bisitagarria hedatzea, txangoak egiten dituztenentzat eskaintza bisitagarria bultzatzea, turismoaren sektorea profesionalizatzea prestakuntza praktikoaren eta topaketa profesionalen bitartez, baita proiektu berritzaile edota destinoko digitalizazioa sustatzen duten proiektuak sustatzea ere.

  2016 eta 2018 artean, Bilbon/Bizkaian turismo-jarduera sustatzeko 239 proiektu lagundu dira, destinoan turismoa garatuz. 2019ko martxoan argitaratuko den dekretuari esker, Bizkaiko industria turistikoa sustatzeko plan honetako helburuak beteko dira.

  Ekintza hau baloratu