Ekintza aukeratu:

• Gardentasunaren Foru Araua prestatzea eta sustatzea

  ×

  Gardentasunaren Foru Araua prestatzea eta sustatzea

  Aurrerapen-maila:

  %100

  Bizkaiko Foru Aldundiaren araugintzako ekimen baten bidez, Batzar Nagusiek Bizkaiko Gardentasunaren Foru Araua onartu zuten, eta 2016ko otsailean sartu zen indarrean. Horren bitartez, abangoardiako araudi batez hornitu ziren bai Bizkaiko Foru Aldundia bai foru-sektore publikoko entitateak gardentasunaren arloan.

  Era berean, foru dekretu baten bitartez erregulatu dira Gardentasunaren arloko Erreklamazioen Batzorderako antolakuntza-, prozedura- eta funtzionamendu-arauak, eta Aldundiaren erabaki baten bidez, berriz, Gardentasunaren Atariaren zehaztasun teknikoak nahiz edukia eta informazio publikoaren eskaerak izapidetzeko eskumena izango dute unitateak.

  2016an, formalki eratu zen Gardentasunaren arloko Erreklamazioen Batzordea, eta, behin bere kide guztiak izendaturik, bere eginkizunetan dihardu. Horrenbestez, amaitutzat jo dira proiektu honi dagozkion jarduerak.

  Ekintza hau baloratu

• Jende guztiarentzako jardunaldiak antolatzea Aldundiaren eraikin nagusietan

  ×

  Jende guztiarentzako jardunaldiak antolatzea Aldundiaren eraikin nagusietan

  Aurrerapen-maila:

  %85

  2016an, 2017an eta 2018an, 700 lagunek baino gehiagok hartu dute parte toki hauetan egin diren ate irekien jardunaldietan:

  • Bizkaiko Fauna Basatia Sendatzeko Zentroa
  • Gorlizko foru abeletxea
  • Bizkaiko Foru Aldundiak Zallan duen upategi esperimentala
  • Euskalduna jauregia
  • Zallako Frutagintza estazioa
  • Peñaskaleko trafikoa kontrolatzeko zentroa
  • Bizkaiko Foru Aldundiaren Agiritegi Historikoa
  • Uriosteko (Ortuella) eta Artazako (Leioa) suhiltzaile-etxeak

  Ekintza hau baloratu

• Interes-gatazka eta bateraezintasunei buruzko foru arau bat prestatzea

  ×

  Interes-gatazka eta bateraezintasunei buruzko foru arau bat prestatzea

  Aurrerapen-maila:

  %100

  2016an eta 2017an zirriborro-testua eta aurreproiektua garatu ondoren, Batzar Nagusien 2018ko azaroaren 21eko osoko bilkuran, interesen gatazka eta bateraezintasunei buruzko Foru Araua onartu zen. Arau horrek foru-kargu publikoetan dihardutenen estatutua arautzen du, kargu horien funtzioak gidatu behar dituzten printzipio etikoak eta gobernu onekoak biltzen ditu, interes-gatazkak saihesteko eta identifikatzeko araudia ezartzen du, eta araudi hori indarrean jartzen denetik aplikagarriak diren bateraezintasun- eta zehapen-araubideak jasotzen ditu.

  Araudi horretako xedapenak Ahaldun Nagusiari, foru-diputatuei, Foru Administrazioko zuzendari nagusiei eta Foru Administrazioei lotuta edo haien menpe dauden erakundeetako zuzendari nagusiei edo kudeatzaileei aplikatzen zaizkie, eta, dioenez, indarrean jartzen denetik 3 hilabeteko epea dago foru-kargu publikoetarako aukeratu direnen katalogo bat onartzeko.

  Ekintza hau baloratu

• Bizkairako politika publikoak aztertzeko eta ebaluatzeko sistema jartzea martxan

  ×

  Bizkairako politika publikoak aztertzeko eta ebaluatzeko sistema jartzea martxan

  Aurrerapen-maila:

  %100

  2016tik Bizkaiko Foru Aldundiak politika publikoak aztertzeko hainbat ekimen jarri ditu martxan; besteak beste, honako hauek nabarmendu behar dira: lurraldeko adierazle-sistema garatzea, horren hirugarren txostena 2018an aurkeztu baita (testuinguruko adierazleak, gizarte- eta ekonomia-mailan), eta Bizkaia Goazen 2030 egitasmoaren jarraipen- eta ebaluazio-sistema, ezarritako informazio-metodologiaren arabera, egoeraren hirugarren txosten hau eginez.

  Gainera, urtero, kontu publikoak emateko prozesua abiarazi da, eskualdeko topaketen bidez. Hain zuzen ere 2018an, autobus bat ibili da bost hilabetez Bizkaiko udalerrietan barrena; guztira, 20.000 bisita inguru egin ditu, eta ehunka ekarpen egin dizkie BFAko proiektuei. Gainera, 2018an, kontuak emateko 14 topaketa sektorial egin ziren.

  Proiektu hau amaitutzat ematen da, politika publikoen segimendua eta ebaluazioa egiteko eredua jarri ahal izan baita martxan. Hala ere, Bizkaiko Foru Aldundiaren ustez, eredua bizirik dago eta etengabe hobetuz doa.

  Ekintza hau baloratu

• Herritarren parte-hartzerako eredu propioa diseinatzea

  ×

  Herritarren parte-hartzerako eredu propioa diseinatzea

  Aurrerapen-maila:

  %100

  Herritarrek parte hartzeko eredu propioa diseinatzeko esparruan existitzen diren parte hartzeko ekimenak aztertu dira, eta, ondoren, dokumentu bateratu batean jaso dira. Gainera, Gobernu Irekiko estrategia bat zehaztu da, eta horren barruan konpromiso zehatzak definitu dira herritarren parte-hartzearekin. Konpromiso horien barruan, orain arte aurreikusitako partaidetzako eta gobernu irekiko ekimen guztiak garatu dira. Halaber, Bizkaiko Foru Aldundiaren webguneak parte hartzeko atal bat dauka, eta hobetuz eta eguneratuz joan da 2017an eta 2018an.

  2016an, partaidetzako ekimenetako batzuk diseinatzen hasi ginen, eta 2017an eta 2018an haiek garatzen jarraitu eta berriak zehaztu ditugu. Hauek nabarmen daitezke:

  • Busturialdeako gazteekin batera diseinatzeko proiektu pilotu bat martxan jartzea.
  • Gazte Saregileak proiektua martxan jartzea eta finkatzea, harekin erlazionatutako partaidetzako hainbat ekimenen bidez.
  • Partaidetzako kontuak emateko bigarren fasea egitea, autobus ibiltari batekin eta 14 topaketa sektorialekin.
  • Bizkaiko partaidetzaren mapa argitaratzea.
  • BFArako Herri Partaidetzaren Plana prestatzea.
  • BFAren Gobernu Irekiko Planaren tarteko ebaluazioa egitea eta Euskadin Gobernu Irekiko proiektu bat abiaraztea, beste bi foru-aldundiekin, hiru hiriburuekin eta Eusko Jaurlaritzarekin batera.

  Nahiz eta herritarrek parte hartzeko eredua bizirik egon eta etengabe hobetzen aritu, ustez bete dira eredua bera martxan jartzeko helburuak. Eredu hori argitaratu zenetik dago martxan, eta ELGAk aitortuta dago.

  Ekintza hau baloratu

• Aldundiaren web-orria berregituratzea

  ×

  Aldundiaren web-orria berregituratzea

  Aurrerapen-maila:

  %80

  2016ko abenduan webgune berria sortzeko proiektuaren lehen fasea osatu zen. Lehen fase horretan aurreko webgunea aztertu zen, eta web-estrategia berria definitzeko abiapuntuaren diagnostikoa egin.

  2017an zehar, webgunearen atal berriak garatu ziren, Bizkaia.eus egitura berrira eta diseinu berrira egokituta. Sortu ziren orrien artean nabarmendu behar dira GeoBizkaia, Open Data, Gardentasuna edota Arreta Goiztiarra, baita beste orri batzuk ere.

  2018an, Bizkaiko Foru Aldundirako garrantzitsuak diren beste atal eta webgune batzuk garatzen jarraitu da, eta edukia atariaren diseinu berrira egokitu da. Horren haritik, nabarmentzekoa da partaidetzaren ataria aldatu dela, Bizkaia Gazteak proiektuak eta Bizkaiko turismoaren Visit Biscay egitasmoak webgune berria dutela, eta “kolesterolaren ibilbideak” atala argitaratu dela; beste webgune bat ere sortu da inbertsio-funtsen ingurukoa.

  Ekintza hau baloratu