Ekintza aukeratu:

• Bizkaiko sorkuntza-lantegien eta kultura adierazpenen mapa egitea

  ×

  Bizkaiko sorkuntza-lantegien eta kultura adierazpenen mapa egitea

  Aurrerapen-maila:

  %100

  2016an, arlo honetan lehendik dauden dokumentazioa eta lanak aztertu ziren; azterlanaren kontzeptua eta jarduera-esparrua mugatu ziren, eta sorkuntza-lantegien eta kultura adierazpenen maparen egitura orokorra diseinatu ziren.

  Horren osagarri, landa-lan bat egin da: galdera sorta bat diseinatu da eta inkestak egin zaizkie sektoreko 30 eragileri. Lan horri esker, sektoreko erakunde erreferenteak identifikatu dira eta, ondoren, informazioa kontrastatzeko lan bat egin da sektoreko 10 eragile nagusiekin.

  Txosten batean jaso da eginiko lan guztien azken emaitza.

  Ekintza hau baloratu

• Bizkaiko Kultur Txartela programa

  ×

  Bizkaiko Kultur Txartela programa

  Aurrerapen-maila:

  %100

  Bizkaiko Kultur Txartela programa produktu kulturalen, horiek dituzten euskarri guztietan, kontsumoa pizteko eta sustatzeko ekimena da. Ondore horretarako 2016ko abenduaren eta 2017ko urtarrilaren artean garatu zen kanpainan 3 motako bonu plazaratu ziren euskaraz, gaztelaniaz eta atzerriko hizkuntzaz eginiko kultura-produktuak eta zuzeneko ikuskizunetarako sarrerak erosteko. Bonuen prezioa 32, 28 eta 24 euro izan zen, hurrenez hurren. Bonuak argitaratu eta lau egunetara agortu ziren.

  Nahiz eta ezarri zen konpromisoa 2016-2017an deialdi bakarra argitaratzea izan zen, lehenengo edizioak izan zuen arrakastaren ondorioz, 2018an kanpaina hau berriro garatu da 2017ko abenduaren eta 2018koaren artean. Kanpaina honetan berriz ere bonu guztiak agortu dira eta aurreko edizioak baino eragin handiagoa izan du.

  2018ko kanpainak salmentetan izan zuen eragina 4,05koa izan zen, hau da, programa honetan inbertitutako euro bakoitzeko establezimenduek halako laukoa baino gehiago saldu zuten.

  Ekintza hau baloratu

• Meatzaritzaren Kultura eta Ingurumen Parkea, Abanton

  ×

  Meatzaritzaren Kultura eta Ingurumen Parkea, Abanton

  Aurrerapen-maila:

  %100

  Proiektu honetan, erabilera bateraturako eraikin bat egin da, bertan kokatzeko Euskal Herriko Meatzaritzaren Kultura eta Ingurumen Parkearen Interpretazio Zentroa.

  Horretarako, Peñas Negras Ingurumenaren lnterpretazio Zentroa Euskal Herriko Meatzaritzaren Kultura eta Ingurumen Parkearekin integratu da; eta Corta eraikinean behar diren instalazioak eta erakusketa-materiala jarri dira erabilera bateratu horretarako; horrez gainera, Bizkaiko Meatzaldeko Biotopo Babestuari dagokion ingurumen-interpretazioa ere integratu da.

  Proiektu bateratu bat da: Bizkaiko Foru Aldundiak, Eusko Jaurlaritzak, Abanto-Zierbenako Udalak eta Euskal Herriko Meatzaritzaren Museoaren Fundazioak hartzen dute parte.

  Guztira 2016 eta 2017.urteetan museoak 32.180 bisitari erakarri ditu, oraindik 2018ko datuak argitaratzeke daudelarik.

  Ekintza hau baloratu

• Bilboko Udalarekin batera Euskal Museoa eraberritzeko proiektua gauzatzea

  ×

  Bilboko Udalarekin batera Euskal Museoa eraberritzeko proiektua gauzatzea

  Aurrerapen-maila:

  %100

  Euskal Museoa eraberritzeko proiektua helburu hauekin planteatu da: euskal kulturaren erreferente bilakatzea, nazioarteko sare bat sortzea, beste museo-eskaintza batzuen jarduera sendotzea eta balore publiko jasangarriaren eragile dinamizatzaile eta sortzailea izaten jarraitzea. Ildo beretik, Museoa guztiz eraberritzeko helburuarekin, 2016an Mikeldia duen barne-patioan esku-hartzea egin zen eta klaustroko patioa ixteko proiektua idatzi zen. Horrez gain, eraberritze proiektuaren planifikazioa 2018ko bukaera arte egin zen eta, planifikazio hori betez, 2017an eta 2018an honako jarduerak egin dira:

  • Klaustroa egikaritzeko ideien lehiaketa baten deialdia egin da eta exekuzio-proiektua idaztea. Gainera, obra gauzatzeko lehiaketa lizitatu da, dagoeneko bukatuta dagoelarik.
  • Kanpoko materialen biltegi bat gaitu da, museoak okupatzen duen higiezinaren erakusketa-ahalmena handitzeko.
  • Euskal Museoaren plan museologikoa idatzi da eta orain kontraste fasean dago.

  Orain arte planifikatu diren museoaren eraberritze integrala egiteko proiektuko helburuak % 100ean bete dira. Edozelan ere, txosten hau idazten ari denean, proiektu arkitektonikoa eta museografikoa idazteko kontrataziorako lehiaketa publikorako pleguak idazten ari dira. Lehiaketa 2019ko lehenengo hiruhilekoan argitaratuko dela aurreikusten da.

  Ekintza hau baloratu

• Tribisburuko nekropoliaren balioa ezagutaraztea

  ×

  Tribisburuko nekropoliaren balioa ezagutaraztea

  Aurrerapen-maila:

  %100

  2016an zehar berritasun bezala txertatu zen Tribisburu proiektura egindako bisiten programa, Busturialdea-Urdaibai eskualdeko ibilbide historikoaren esparruan.

  2017an zehar Tribisburuko nekropolia Busturialdea-Urdaibai eskualdean bisitatu ahal izan den eta bisitak dituen lekuetako bat izan zen.

  2018an, kokalekuari buruzko ezagutza gehiago eskuratzeko xedearekin kronologia-epe horretan adituak diren arkeologoek Tribisburuko aztarnategian ikerketa-lanekin jarraitu dute.

  Horren harira, ikerketatik lortutako ezagutzak sozializatzeko helburuarekin, bisita gidatuak eskaini dira.

  Ekintza hau baloratu

• Bizkaiko memoria historikoa kontserbatzen laguntzea

  ×

  Bizkaiko memoria historikoa kontserbatzen laguntzea

  Aurrerapen-maila:

  %100

  Euskara eta Kultura Sailak Bizkaiko memoria historikoari buruzko bere ikerketa-ildoak garatu ditu, bai diru-laguntzen bitartez, baita zuzenean ere. Memoria historikoak Bizkaiko museoen eta Foru Liburutegiko eta Maria Diaz de Haro 11n dagoen Ondareko erakusketa-geletako programazioan izan du tokia.

  Era berean, eta kontuan hartuz ezagutza historikoa dibulgatzea oinarrizkoa dela, foru-sarearen barne dauden museoek memoriari lotutako jarduera eta erakusketak programatu dituzte. Horren harira, Gernika-Lumoko Museo de la Paz - Bakearen Museoak aurrera eramandako lana eta azken gerra zibilean italiarren paperari buruzko Euskal Museoak egindako erakusketa oso aipagarriak dira.

  Horrekin batera, Gogora Institutuarekin eta Bizkaia eta Arabako Udaletxeekin Burdin Hesiaren kontserbaziorako eta hedapenerako lankidetza-protokolo bat sinatu da.

  Azkenik, Ondarearen Europako Urtea dela eta, eta Udaletxeekin eta kultura-eragileekin lankidetzan, jarduera anitz eta ezberdinak dituen programa bat kudeatu da. Honen helburu nagusia lurraldearen memoria biztanlerian sozializatzea da.

  Ekintza hau baloratu