Ekintza aukeratu:

• Gizarte- eta hezkuntza-jarduerak antolatzea aisialdi-inguruneetan, haurren artean hizkuntza, kultura eta kirola sustatzeko

  ×

  Gizarte- eta hezkuntza-jarduerak antolatzea aisialdi-inguruneetan, haurren artean hizkuntza, kultura eta kirola sustatzeko

  Aurrerapen-maila:

  %100

  Urtero plazak eskaintzen dira udalekuetan, 7-13 urte bitarteko Bizkaiko umeentzat.

  2016an, guztira 1.593 plaza eskaini ziren, eta horietatik 80 hezkuntza behar bereziak dituzten pertsonentzat izan ziren, astebeteko eta 10 eguneko txandetan. Uztailaren 1etik abuztuaren 14ra izan ziren. Udalekuak 14 instalaziotan egin ziren (3, Araban; 4, Gipuzkoan; eta 7, Bizkaian).

  2017an, guztira 1.572 plaza eskaini ziren, eta horietatik 78 hezkuntza behar bereziak dituzten pertsonentzat izan ziren, astebeteko txandetan. 2017ko uztailaren 1etik abuztuaren 7ra izan ziren. Udalekuak 14 instalaziotan egin ziren (3, Araban; 4, Gipuzkoan; eta 7, Bizkaian).

  2018an, guztira 1.402 plaza eskaini dira, eta horietatik 70 hezkuntza behar bereziak dituzten pertsonentzat izan dira, astebeteko txandetan. 2018ko uztailaren 1etik 29ra izan dira. Udalekuak 17 instalaziotan egin dira (3, Araban; 5, Gipuzkoan; eta 9, Bizkaian).

  Ekintza hau baloratu

• Gaztedi Bizkaia 2020 legegintzaldiko plana

  ×

  Gaztedi Bizkaia 2020 legegintzaldiko plana

  Aurrerapen-maila:

  %75

  Gaztedi Bizkaia 2020 Legegintzaldiko dokumentua, Bizkaian gazte politikak garatzeko lan komunerako esparru estrategia ezartzen duena, 2016an onartu zen eta 2017ko eta 2018ko ekitaldietan exekutatu da.

  Foru dimentsioari dagokionez, 2016an, Gazteriaren Foru Batzordea eta gazteei zuzendutako ekintzen programazioa arautzen duen araudia onartu zen. Horren harira, bai 2017ko ekitaldirako eta baita 2018ko ekitaldirako ere, foru mailako jarduketa-plana onartu da, urtero 70 milioi euro eta 137 eta 120 ekintza izanik hurrenez hurren. Plan honen helburua lurraldeko gazteriaren baldintzak hobetzea da. Lurraldearen dimentsioari dagokionez, 2016an Udal Gaztedi toki erakundeak Gaztedi Bizkaia 2020an parte hartzeko erakunde gisa arautzen duen araudia onartu zen. Ordutik, bai 2017an zein 2018an, lurraldeko 98 toki erakunde ingururekin urte anitzeko lankidetza hitzarmenak sinatu dira Bizkaiko gazteei aukerak errazteko. Gazteen dimentsioari dagokionez, gazteen parte hartzea sustatzeko ekintzak garatu dira Euskadiko Gazteriaren Kontseiluarekin (EGK), enplegagarritasuna hobetzeko, boluntario izatea sustatzeko, desgaitasunen bat daukan kolektiboari eskainitako arreta hobetzeko eta bizitza ohitura osasuntsuak sustatzeko. Horrez gain, Bizkaian gazteriaren urtea garatzeko lankidetzak ere bideratu dira.

  Horrez gain, 2017an eta 2018an, GAZTE SAREGILEAK proiektua garatu da, “sarea egiten duten” gazteen proiektua. 2018an programa indartu egin da BBKren lankidetzari esker, 2 pertsona gehitu dira taldean eta 47 udalerrira, 40 ekitaldi pribatura, sare sozialetan 1.300 jarraitzaile berrira eta 1.400 gazteri baino gehiagori heldu da eta gazteen, erakundeen eta lurraldeko eragileen arteko 26 lankidetza-proiektu sortu dira. Pertsona gazteekin lan egin da baita ere Bizkaia Challenge programaren barruan Gazte Txartelaren diseinu parte hartzailean. Gainera, 2018an gazteek parte hartzeko Bizkaia Dreams&Lab foroa martxan jarri da, non Bizkaiko 251 pertsona gaztek parte hartu duen. Azkenik, gizarte berrikuntzako 7 proiektu finantzatu dira gazteriaren arloan.

  Ekintza hau baloratu

• Haur eta nerabeen arloan esku-hartzeko Bizkaia 2020 estrategia bultzatzea

  ×

  Haur eta nerabeen arloan esku-hartzeko Bizkaia 2020 estrategia bultzatzea

  Aurrerapen-maila:

  %100

  2016an zehar haur eta nerabeekin esku hartzeko estrategia sustatzen aurrera egin zen, zenbait jarduketaren bitartez; horrek ekarri zuen 2017an Bizkaiko Gizarte eta Hezkuntzako Estrategiaren txostena aurkeztu izana; honako hau zehaztu zen txosten horretan:

  • Bizkaiko Foru Aldundiaren misioa haur, nerabe eta gazteen gizarte eta hezkuntza politiken arloan koordinazioa, parte hartzea eta ikerkuntza sustatzea eta erraztea dela.
  • Errazteko lan hori zenbait esparrutan lehentasunez aplikatu behar dela, hain zuzen ere sarean lana sortzeko esparruan, prestatzaileen prestakuntzan eta gizarte eta hezkuntzaren arloan erreferentziazko jarduerak bilatzean.

  Ekintza hau baloratu