Ekintza aukeratu:

• 3i programa martxan jartzea

  ×

  3i programa martxan jartzea

  Aurrerapen-maila:

  %75

  Enpresen berrikuntzarako, nazioartekotzerako eta inbertsiorako laguntza integrala emateko 3i programa 2016an jaio zen eta orain arte izandako hiru edizioetan bere helburua mantendu du, hau da, lehiakortasuna hobetzeko haien jarduketa estrategikoetan enpresak laguntzea. Horretarako jarduketek 3 arloetatik (berrikuntza, nazioartekotzea edo inbertsioa), gutxienez, 2 bete behar dituzte eta enpresak Bizkaian duen zentro batean garatu behar dira.

  199/2015 Foru Dekretuan dago araututa, zenbait laguntza-kategoria barruko merkatuarekin bateragarritzat jotzen dituen 2014ko ekainaren 17ko 651/2014/EE Erregelamenduarekin bat etorrita.

  2018an, 5,1 milioi euro erabili dira 14 proiektu babesteko. Proiektu hauen inbertsioa 28 milioi eurokoa izan da eta 122 enplegu sortuko dutela uste da.

  2018an egindako babesak aintzat hartuz, 41 proiektu babestu dira guztira 2016tik, 69 milioi euroko inbertsioa eta 320 pertsonarentzako aurreikusitako enplegu sorrera dakarrena. 2018an proiektu hauetako batzuk bukatu dira eta programaren eragina neurtzeko ebaluazio bat hasi da.

  Ekintza hau baloratu

• Elkarlanean programa martxan jartzea

  ×

  Elkarlanean programa martxan jartzea

  Aurrerapen-maila:

  %75

  Lehiakortasunerako eta lankidetzan sortutako berrikuntzarako Elkarlanean programak lankidetzan egindako berrikuntza proiektuen garapena hartzen du, hazkuntza estrategia gisa. Estrategia horretan funtsezkoa da horrelako proiektu motak sustatzen saiatzen ari diren bitarteko eragile guztien konplizitatea lortzea. Ildo horretan, 2015etik hainbat topaketa izan dira bitarteko hainbat eragilerekin (enpresa-erakundeak, tokiko garapenerako agentziak eta klusterrak) horrelakok proiektuen sustapena koordinatzeko.

  Enpresen arteko lankidetzaren kultura bultzatzeko, laguntza-arlo berria sortu zen 2017an bitarteko erakundeen arteko baterako jarduketetarako, modu proaktiboan Bizkaiko enpresen arteko lankidetza proiektuak sustatzeko eta sentsibilizazio lana egiteko bideratuta. Hala, hainbat organismoren arteko topagunerako mahai bat sortzea bultzatu zen, enpresen arteko lankidetzaren kultura sustatzeko sinergiak bilatzearren.

  Horrela, Elkarlanean programaren deialdien bidez, 2016 eta 2018 bitartean, 58 proiektu babestu dira guztira. Proiektu hauetan 132 enpresak parte hartu dute eta egindako inbertsioa 3.471.539 €-koa izan da.

  Ekintza hau baloratu

• Energy Intelligence Center zentroa sortzea, energiaren sektorea eta haren balio-katea Bizkaian finkatzen laguntzeko

  ×

  Energy Intelligence Center zentroa sortzea, energiaren sektorea eta haren balio-katea Bizkaian finkatzen laguntzeko

  Aurrerapen-maila:

  %60

  2016. urtean 20 proiektu berritzailetik gora identifikatu ostean, 2017. urtean zehar Oil & Gas (O&G)-eko esparruan full scaleko makinen espezifikazioak amaitu egin ziren, baita laborategien ekipamenduarenak ere. Zenbatetsi egin zen ekipamenduen kostua eta aurreikusitako erabilera-maila. Zerbitzu teknologikoen esplotazio kontua egin zen, erabilera konpromisoak finkatu ondoren, zentroen esplotazio kontratua esleitu ahal izateko.

  2018an zehar, teknologikoak ez diren zerbitzuen espezifikazioak ere garatu dira, ekipamenduen espezifikazioak bukatu dira eta Meatzaldea/Ezkerraldea Teknologia Parkeko sarbideen, hirigintzaren, eraikinen eta ekipamenduen finantzaziorako erakundeen arteko hitzarmenak eta EIC Oil & Gas-eko sustatzaileak diren enpresekin behin betiko hitzarmenak zehaztu dira baita ere.

  Mugikortasun Jasangarriari (MJ) eta Energia Elektrikoaren Garraioari eta Banatzeari (G&B) lotutako esparruetan, 2016an hasitako proiektuen definizioarekin jarraitzen da.

  Ekintza hau baloratu

• AIC eta haren III. fasea sendotzea, automozioaren sektorea eta haren balio-katea Bizkaian finkatzeko

  ×

  AIC eta haren III. fasea sendotzea, automozioaren sektorea eta haren balio-katea Bizkaian finkatzeko

  Aurrerapen-maila:

  %80

  AIC-Automotive Intelligence Center-ek azpiegitura modernoak ditu enpresek modu pribatiboan egin ditzaten beren jarduerak eta, aldi berean, gune komunak partekatzeko modua izan dezaten proiektuetan tartean diren bazkideekin elkarlanean.

  AICren II. fasea (eraikin nagusiari atxikitako eraikina) eta III. Fasea (prestakuntzari dedikatua) funtzionamendu betean ari dira, okupazio portzentaje handiarekin eta trebakuntzako eta elkarlanean eginiko proiektuetako jarduera handiarekin.

  2018an, zentroaren III. Fasean AIC Smart Factory izenekoa sartzeko lan egin da, Industria 4.0arekin loturiko ekipamendu osagarriak hartzeko.

  AICaren egungo okupazio- eta jarduera-maila dela eta, hau IV. fase batean hedatzeko aukera mahaigaineratu da, automozioaren arloko teknologia gainerakorrei eta erronkei zuzenduta legokeena: digitalizazio industriala, e-mobility, konektatutako ibilgailua, ibilgailu elektrikoa...

  Ekintza hau baloratu

• Fabrikazio Aurreratuko Zentroa abian jartzea eta sendotzea, aeronautikaren sektorea eta haren balio-katea Bizkaian finkatzeko

  ×

  Fabrikazio Aurreratuko Zentroa abian jartzea eta sendotzea, aeronautikaren sektorea eta haren balio-katea Bizkaian finkatzeko

  Aurrerapen-maila:

  %100

  Fabrikazio Aeronautiko Aurreratuko Zentroa (CFAA) Bizkaiko Foru Aldundiak, SPRIk, Aeronautikako Fabrikazio Aurreratuetarako Tekniken Garapenerako Enpresa Elkarteak (AIE), Bizkaiko Teknologia Parkeak eta UPV/EHUk elkarrekin batera sustatu duten ekimena da.

  2016an, Bizkaiko Teknologia Parkeko 202 eraikina atontzeko lanak egin ziren, Zamudion. Halaber, zentroko makina gehienak eskuratzeko lizitazioa egin zen eta makina nagusietariko 4 instalatu ziren.

  2017an, makinak jaso eta ekipamendu eta osagarri txikiak erosi ziren. Zentroa 2017ko azaroaren 15ean hasi zen martxan ofizialki.

  Zentroaren jarduera 2017an hasi zen eta 2018an 58 proiektu finantzatu dira eta dagoeneko beste 45 abian dira. Bazkide diren enpresa kopurua 67 da dagoeneko eta zentroan 34 pertsonak egiten dute lan.

  Ekintza hau baloratu

• IKTen arloko Bizkaiko aukera-hobiei buruzko lantaldea sortzea

  ×

  IKTen arloko Bizkaiko aukera-hobiei buruzko lantaldea sortzea

  Aurrerapen-maila:

  %100

  Lan-talde bat osatu zen 2016an Gaia elkartearekin. Negozio-aukera berri batzuk identifikatu ziren eta hainbat enpresa pribatu parte hartzen ari ziren aukera horiek errealitate bihurtzeko.

  Ekintza hau baloratu

• Enpresa txiki eta ertainetan inbertitzeko eta pertsona autonomoek inbertsioak egiteko laguntza programak

  ×

  Enpresa txiki eta ertainetan inbertitzeko eta pertsona autonomoek inbertsioak egiteko laguntza programak

  Aurrerapen-maila:

  %100

  Lerro honetan, 2 laguntza-programa sartzen ziren:

  • EETIFIL Inbertsio Aurreratuari Laguntzeko Plana.
  • LALF finantza-laguntzako plana, mikroenpresentzat eta autonomoentzat.

  2017an ez da argitaratu programa hauen deialdirik. EETIFIL programa barruan sar litezkeen proiektuak 2i Programara bideratu dira (2i Programa 1.4.06 ETEetan berrikuntza laguntzako programak izeneko proiektuaren barruan dago).

  Ekintza hau baloratu

• Nagusi Intelligence Center-en garapena

  ×

  Nagusi Intelligence Center-en garapena

  Aurrerapen-maila:

  %75

  Nagusi Intelligence Center aliantza publiko-pribatu bat da, eta eragile publiko eta pribatuak aktibatu nahi ditu pertsona nagusiei eta bizi kalitateari lotutako sektore ekonomikoa erakarri eta garatzea posible egiteko.

  2016tik Bizkaiko Foru Aldundiak Europako kofinantzaketa duen zahartzeko proiektu teknologikoak laguntzeko AAL (Active & Assisted Living) deialdian parte hartzen du. 2016tik 2018rako deialdietan, Bizkaiko erakundeen parte hartzea duten 7 proiektuetarako diru laguntza lortu da.

  2018ko irailean, Bilboko Udaletxearen eta Eusko Jaurlaritzaren elkarlana eta sustapena duen “Silver Economy-aren garapen estrategia” publikoki aditzera eman zen. Estrategia honen helburua zahartzearen eta bizi-kalitatearen inguruko ekonomia-garapena sustatzea da. “Nagusi Intelligence Center”-a Bilbon egongo da eta Estrategiaren eragilea izango da. Inplikaturiko eragile publiko eta sozioekonomikoen elkarlan eta parte-hartzearen esparruen formalizazioan lan egiten ari da.

  Gai honen ildotik, aipagarria da 2018ko irailaren 22tik 28ra Bizkaia Silver Week-a antolatu dela, Bizkaian 1.000 pertsona, enpresa eta nazioarteko erakunde baino gehiago bildu dituena, ile urdindunen ekonomiari buruz eztabaidatu eta arlo honetan izandako aurrerapenak partekatzeko xedearekin.

  Ekintza hau baloratu

• Tokiko merkataritza garatzeko programa

  ×

  Tokiko merkataritza garatzeko programa

  Aurrerapen-maila:

  %75

  Tokiko merkataritza garatzeko programaren bidez, 2016., 2017. eta 2018. urteetan, Bizkaiko zenbait merkatarien elkarterekin bilerak eta hitzarmenak egin dira. Hauen helburua izan da, alde batetik, sektorearen egoera eta beharrak ezagutzea eta, bestetik, tokiko merkataritza dinamizatzea eta merkatarien artean prestakuntza- eta sentsibilizazio-ekintzak garatzea. Ekintza hauekin lortu nahi izan diren helburuak hauek dira: enpresa-kudeaketa hobetzea, haien jardueran marketin eta merkataritza digitala sartzea, negozioen jasangarritasuna sustatzea eta enpresen eskualdaketa erraztea. Gainera, tokiko merkataritza sustatzeko eta merkataritza-aldeak suspertzeko jarduerak lagundu dira. Honek sektoretik bertatik planteatutako zenbait ekimen babestea ahalbidetu du. Jarduera horien bidez, Bizkaiko komertzio txikia berpiztea eta lehiakorragoa izatea lortu nahi da.

  Horiek horrela, 2016 eta 2018 bitartean, programa honek lagundutako 251 dinamizazio eta prestakuntza proiektu burutu dira merkataritzaren arloan, eta baita tokiko merkataritzan kontsumoa sustatzera zuzendutako 20 ekintza ere. Guztira, 3.873 merkatarik parte hartu dute programa honetan, aipaturiko eremuen inguruko prestakuntza jasoz.

  Ekintza hau baloratu