Ekintza aukeratu:

• Europako funtsak erakartzea Aldundiak eta Bizkaiko udalek sustatutako programak kofinantzatzeko

  ×

  Europako funtsak erakartzea Aldundiak eta Bizkaiko udalek sustatutako programak kofinantzatzeko

  Aurrerapen-maila:

  %45

  Aldundiak EGEF (Eskualde Garapeneko Europako Funtsa) eta EGIF (Europako Gizarte Funtsa) funtsak kudeatzen ditu. Esparru honetan, 2016, 2017 eta 2018 urteetan, honako ekintza hauek gauzatu dira Europak kofinantzatutako proiektuekiko:

  • Kofinantzatutako proiektuen informazioa egiaztatu da, arauek zehazten dituzten baldintzak betetzen diren egiaztatzen hasi aurretik. Proiektu hauek berrikuntzaren, lehiakortasunaren, karbono gutxi kontsumitzen duen ekonomiaren eta gizarte berrikuntzaren arloen barruan egon dira.
  • Beharrezko egiaztapenak egin ondoren, proiektuei dagozkien karga masiboak egin dira proiektuak kudeatzeko plataforman.
  • Azkenik, Europako kofinantzaketa jaso aurretik, proiektuen gastuen ziurtapenak Europako Batzordeari aurkeztu zaizkio.
  • Ildo berean, kofinantzaketa jasotzeko hautagai gisa aurkeztutako proiektuen auditoretzak burutu dira.

  Ekintza hau baloratu

• Enpresa txiki eta ertainen berrikuntzarako laguntza programak

  ×

  Enpresa txiki eta ertainen berrikuntzarako laguntza programak

  Aurrerapen-maila:

  %75

  2016 eta 2018 artean, enpresa txiki eta ertainen berrikuntzarako programa hauek garatu dira:

  • Berrikuntza eta inbertsio aurreratua sustatzeko 2i Plana 2017an jaio zen eta plantilan gutxienez 6 langile eta gehienez 100 dituzten industrien eta industriari lotutako zerbitzuen sektoreko enpresei zuzenduta dago. Berritasun bat bada 2017an. Aurreko urteetan, berrikuntzaren eta hari lotutako inbertsioen bidez, enpresak merkatuan toki hobera eramateko diren proiektuak tinkotasunez bultzatzen duen laguntza integralen programa bat proposatzeko zeuden berrikuntza sustatzeko eta inbertsioari laguntzeko programen bidez lortutako esperientziatik abiatzen da 2i Plana. Abiarazi zenetik, 323 proiektuk jaso dute laguntza (aurreko programan 114 proiektu babestu ziren 2016an).
  • «Txekeo teknologikoak» 2016an sorturiko plan bat da eta teknologiaren aplikazioari lotutako arazo zehatzak konpontzeko txekeoak egiten laguntzen du. Aurreko planaren enpresa-mota berari zuzenduta dago. 2018an, Industria 4.0.an ere txekeoak egiten laguntzeko berritasuna barneratu du. Guztira, 85 proiektuk jaso dute laguntza.
  • Innobideak-Kudeabidek, plantillan gutxienez 5 langile eta gehienez 100 dituzten enpresetan kudeaketa hobetzeko proiektuak laguntzen dituenak, Kudeaketa Aurreratuaren Eredua hartzen du erreferentziatzat. Eusko Jaurlaritzak (SPRI) eta Foru Aldundiek batera kudeatzen duten programa da. 163 proiektuk jaso dute laguntza 2016tik.

  Programa hauen bidez, 93.220.178 euroko inbertsioa egin da.

  Ekintza hau baloratu

• Enpresa txiki eta ertainak nazioartekotzeko laguntza-programak

  ×

  Enpresa txiki eta ertainak nazioartekotzeko laguntza-programak

  Aurrerapen-maila:

  %75

  Jarduketak bi laguntza-programa ditu:

  • ETEak nazioartekotzeko programa; xedea da enpresei herrialde berri batean sartzeko laguntza ematea. Norgehiagoka bidez aukeratutako enpresek 24 hilabete dituzte aukeratutako merkatuan sartzeko behar diren ekintzak egiteko. 2016 eta 2018 artean, nazioartekotzerako 234 proiektu babestu dira guztira programa honen bidez (2018. urtean aurreikusitako 50 proiektuak 2018-2019ko aldian garatzen joango dira).
  • Nazioarteko Partzuergoak Sustatzeko Programa kanpora elkarrekin irteteko lankidetza-proiektu batean parte hartzen duten enpresei laguntza emateko da. Proiektu hauek irabazi-asmorik gabeko erakundeek koordinatzen dituzte, besteak beste, elkarteek, klusterrek edo garapenerako agentziek. Guztira, 2016tik, lankidetzarako 46 proiektu babestu dira, eta horietatik 15 (2018an hautatutakoak) 2018-2019ko aldian garatuko dira.

  Guztira, 2016 eta 2018 artean, lagundutako proiektuen inbertsioa ia 18 milioi eurokoa izan da, Bizkaian ETEn nazioartekotzea programa hauen bidez babesteko.

  Ekintza hau baloratu

• Enpresa txiki eta ertainetan inbertitzeko eta pertsona autonomoek inbertsioak egiteko laguntza programak

  ×

  Enpresa txiki eta ertainetan inbertitzeko eta pertsona autonomoek inbertsioak egiteko laguntza programak

  Aurrerapen-maila:

  %100

  Lerro honetan, 2 laguntza-programa sartzen ziren:

  • EETIFIL Inbertsio Aurreratuari Laguntzeko Plana.
  • LALF finantza-laguntzako plana, mikroenpresentzat eta autonomoentzat.

  2017an ez da argitaratu programa hauen deialdirik. EETIFIL programa barruan sar litezkeen proiektuak 2i Programara bideratu dira (2i Programa 1.4.06 ETEetan berrikuntza laguntzako programak izeneko proiektuaren barruan dago).

  Ekintza hau baloratu

• Inbertsioa erakartzea gure lurraldera

  ×

  Inbertsioa erakartzea gure lurraldera

  Aurrerapen-maila:

  %75

  2017an zehar, 7 funtsen sorkuntza definitu zen eta kudeatzaileekin negoziatu zen. Funts hauek 2018an gauzatu dira.

  Inbertsio gaietan Bizkaiko mugarri gisa, 2018. urtean Bizkaian finantza-ibilgailuak biltzen eta arautzen dituen Foru Araua onartu da. Foru Araua dela eta, 2018ko ekainaren 26an, Berrikuntza Funtsa aurkeztu zen. Era berean, Kapital Alternatiboko Funtsa Foru Arauaren arabera egokitu da eta bigarren fasean dago orain. Bestalde, gaur egun ETEntzako Azelerazio Funts baten garapenean parte hartzen ari da. Bilboko Burtsarekin eta finantza-bitartekaritzan erreferente diren beste aktoreekin batera, Bilbao Meeting Point sortu da, non Lurralde Historikotik kanpoko inbertitzaileekin bi saio burutu diren dagoeneko.

  Aurreko urteetan bezala, “Biscay Start up Bay”, nazioarteko ekintzailetza, multicorporate eta multilokalizazio Hub baten sorreran parte hartzen ari diren eragile guztiak koordinatzeko bilerak egin dira.

  Halaber, inbertsioak erakartzeko eta lurraldea sustatzeko helburuarekin, zenbait bidaia egin dira Madril, Londres, Dublin eta Edinburgora eragile inbertitzaileekin bilerak egiteko, eta zeharkako zenbait misio jaso dira baita ere. Era berean, bidaiak egin dira Boston eta Finlandiara, egon badauden ekintzailetzako Hub aurreratuenetako batzuekin kontaktuak ezartzeko. Bizkaian nazioarteko ekintzailetzako Hub baten sorkuntza kudeatzen ari da. Gainera, Bizkaira atzerriko zenbait inbertsio-funts erakartzeko lana egiten ari da.

  Ekintza hau baloratu

• «Doing Business In Biscay» programa martxan jartzea

  ×

  «Doing Business In Biscay» programa martxan jartzea

  Aurrerapen-maila:

  %50

  «Doing Business in Biscay» programa startup direlakoak, talentua eta nazioarteko entitateak erakarri eta lotzeko zerbitzu integral gisa ulertzen da. Programa horren bitartez nazioarteko nodoak sortu nahi dira, gure startup enpresak munduko puntako ekintzailetza ekosistemekin lotura izateko ahalegina egiteko.

  2016an “Doing Business in Biscay” salmenta koadernoak egin ziren, IKT sektorekoak eta energiaren sektorekoak. Horrez gain, baliozkotzeko prozesuan aurrera egin zen, sektoreko klusterrekin, eta webgunearen arkitektura eta betekizun funtzionalak zehaztu ziren. 2017an ekintzailetzako Hub-a definitu eta diseinatzean lan egin zen. Gainera, zuzeneko 5 misio bideratu ziren AEBetako Idaho eta Bostonera, Israelera, Helsinkira (Finlandia), eta Milanera (Italia). 2018an proposamenak balioztatzeko lan egin da lurraldeko hainbat enpresa eta eragilerekin, Aldundiak planteatutako balio proposamenak onarpena duen aztertuz. Zuzeneko 5 misio bideratu dira (bat San Frantziskora eta bi Bostonera, Estatu Batuetan, bat Tel Avivera eta beste bat Berlinera).

  Ekintza hau baloratu

• Enpresa multinazionalen I+G unitateak Bizkaira erakartzea

  ×

  Enpresa multinazionalen I+G unitateak Bizkaira erakartzea

  Aurrerapen-maila:

  %45

  Erabaki-zentroak atxikitzeko eta erakartzeko estrategia da eta Bizkaiko ekosistema berritzailea sustatu nahi du, ekintzailetza-zentro bat definituta eta sortuta. Zentro horrek Bizkaiko ekintzaileei laguntzeko eskaintza izan behar du eta espazio berritzaile bat eskaini behar du, inspiratzailea, talentua sustatu eta erakarri behar du eta nazioartekotzea izan behar du helburu.

  2016an, kontratatutako aholkularitza-enpresa baten bidez, zentro egokiak bete behar duen rola eta izan behar duen eredua definitzeko prozesua hasi zen, nazioarte mailako jardunbide egokienak erreferentziatzat hartuta.

  2017an nazioarte mailako erreferentziazko zentroekin harremanetan jartzeko prozesua hasi zen.

  2018an zehar, etorkizuneko zentroaren kokapena definitzeko lan egin da eta baita hau abiarazteko estrategian eta lurraldeko hainbat eragilek estrategia hori balioztatzeko prozesuan ere.

  Ekintza hau baloratu

• Crowdfunding plataforma publiko bat sortzea

  ×

  Crowdfunding plataforma publiko bat sortzea

  Aurrerapen-maila:

  %65

  Crowdfunding Bizkaia, SL. 2017ko azken hiruhilekoan eratu zen eta, horregatik, 2018ko lehenengo hiruhilekoan crowdfunding plataforma publikoa aurkeztu ahal izan da. Plataforma honen helburua enpresa-proiektuen lankidetza-finantzaketa erraztea da.

  2018an, alde batetik, plataformaren erabilgarritasunean eta enpresa-proiektuak antzemateko aurrerapausoak eman dira eta, bestetik, plataformaren bidez hedatzen diren enpresa-proiektuen inbertsioarekin lotutako plataformaren finantzazio-kudeaketa ahalbidetuko duen sistema baten garapenean eta balioztatzean aurrera egin da. Plataforma honen bidez proiektuak zabaltzeari esker, enpresen kapitalean partaidetzak eskuratzeko hiritarren ekarpenak lortu ahal izango dira.

  Crowdfunding plataforma bat abiarazteak, lehenik eta behin, lege-berme eta informatika-segurtasunari dagozkion berme guztiak edukitzea eskatzen du. Funtzionamendu egokia bermatuko duen ezinbesteko aurreko lan hori 2018an gauzatu da eta, beraz, 2019an plataforma honen bidez operatiboki funtzionatzen hasi ahalko da.

  Ekintza hau baloratu