Eskaera Elektronikoa

Eskaera burutzeko Bizkaiko Egoitza Elektronikora sarbidea

Zer eskaintzen dun zerbitzuak?

Bizkaiko Foru Aldundiko Indarkeria Matxistatik Babesteko eta Familiei Laguntzeko Zerbitzuak ematen du zerbitzua, eta gurasoei edo haiekin bizi diren beste senide batzuei eraso egiten dieten nerabeen eta gazteen indarkeriari aurre egitea du helburu.

Zerbitzuaren barruan gurasoen aurkako indarkeria duten familiak sartuko dira. Seme-alaba batek, aita edo ama eta/edo beste senide batzuen kontra, boterea eta kontrola irabazteko, egindako egintza kaltegarriak joko dira horrelako indarkeriatzat. Abusua fisikoa, psikologikoa edo ekonomikoa izan daiteke:

Abusu fisikoa:

Kolpeak,bultzadak, gauzak botatzea, etab.

Abusu psikologiokoa:

Irainak, mehatxuak, laidoak, ihesak, amari, aitari edo beraien buruari min egiteko mehatxuak, etab.

Abusu ekonomikoa:

Lapurretan ibiltzea edo gauzak baimenik gabe hartzea, etxean edo ama edo aitaren gauzetan kalteak eragitea eta amak edo aitak lortu ezin dituzten gauzak eskatzea.

Zer eskaintzen du?

Honako hau da helburu nagusia: familian esku-hartze integral bat eginez egoera horiei aurre egitea, familiaren dinamikan finkatutako harreman mota hori aldatzeko eta beste mota bat, osasuntsuagoa eta onuragarriagoa, irakasteko, azken batean familia-harremanetan indarkeria desagertzearren.

Horretarako, familiari laguntza ematen zaio, familiaren dinamikari buruzko ebaluazio orokorra egiten da, bai eta zein familiako kide bakoitzari buruzkoa ere, esku-hartze orokor bat egiteko (maila indibidualean zein familian). Esku-hartze egituratua da, beste gizarte agente batzuekin koordinatuta egiten da, hezkuntza-arlokoa zein psikoterapeutikoa da. Esku hartze honetan, era berean, arazoaren oinarrian dagoen genero-ikuspegia ere landuko da.

Onuradunak

Honako hauek izango dira onuradunak: Bizkaiko Lurralde Historikoan bizi diren familiak, 10 eta 21 urte bitarteko seme-alabak badituzte eta seme-alaba horiek amaren edo aitaren kontra edo familia-guneko beste edozein kideren (neba-arrebak, ama edo aitaren bikotekidea, aiton-amonak…) aurka indarkeria erabiltzen badute.

Zerbitzuak laguntza emango du umea edo nerabea jatorrizko familiarekin bizi den kasuetan, zein umea edo nerabea bere familiarengandik aldi baterako edo era iraunkorrean bananduta dagoen kasuetan ere, banantze hori neurri judizial edo babes-neurri bat denean (harrera zentro edo familia batean egonda) edo, familiak hala erabaki duelako, beste pertsona batzuekin edo beste senide batzuekin bizi denean.

Onuradun izan daitezke ere seme-alabengandik erasoak jasaten dituzten adingabekoen aitak eta/edo amak edo tutoreak, adingabekoak lagunduta ez badatoz ere.

Nola hartu parte?

• Udaleko gizarte-zerbitzuek edo biktimei laguntzeko beste zerbitzu batzuek bideratzea, preskripzio teknikoaren bidez
• Norberaren ekimenez zuzeneko sarbidea 944 479 151 telefonora deituz, hitzordua emateko

Eskabide-inprimakiak eta preskripzio teknikoa Bizkaiko Foru Aldundiaren egoitza elektronikoan: Bizkaia.eus-Izapideen bilatzailea

Argibide gehiago

Bizkaiko Foru Aldundiko Enplegua, Gizarte Kohesioa eta Berdintasuna sustatzeko Saileko Indarkeria Matxistatik Babesteko eta Familiei Laguntzeko Zerbitzua.

• Teléfonoa: 94.406.6000
• Hobetzen zentroaren telefonoa: 94.4447.9151