Ekintzailetzarako eta kalitateko enplegu egonkorra sortzeko proiektu berritzaileak

Itzuli Enplegua orrira

Helburua

Ekintzailetzan eta enplegu egonkor eta kalitatezkoan eraldaketak sustatzen dituzten proiektu eta metodologia berritzaileentzako dirulaguntzen programa.

Pertsona eta erakunde onuradunak

  • Bizkaiko Lurralde Historikoko irabazi-asmorik gabeko elkarte, fundazio eta entitateak.
  • Euskal Autonomia Erkidegoko irabazi-asmorik gabeko unibertsitate-erakundeak.
  • Euskal Autonomia Erkidegoko Lanbide Heziketako ikastetxeen elkarteak eta Euskal Autonomia Erkidegoko irabazi-asmorik gabeko kluster-erakundeak

Diruz lagun daitezkeen ekintzak

1. Arloa: Proiektu eraldatzaileak

Ekintzailetzaren eta enplegu egonkorraren eta kalitatezkoaren arloan ideia berriak, egiteko modu berriak edo metodologia berritzailea dakartzaten proiektu esperimentalak diseinatu, garatu eta gauzatzeko dirulaguntzak emango dira, errealitate sozialei, teknologikoei, ekonomikoei eta ingurumenekoei erantzuna emanez.
Diruz lagun daitezkeen proiektuek lan-merkatuko eraldaketei erantzun beharko diete, gizarte-, teknologia-, ekonomia- eta ingurumen-errealitateetara egokitzeko.

2. Arloa: Finkatzea

Proiektua garatzeko dirulaguntza emango da, 2025ean gutxienez 5 hilabetez finkatzeko, eta 2026ko ekainaren 30a baino lehen amaitu beharko da.

Horretarako, ebaluazio bat, azterlan bat eta ekintza-plan bat aurkeztuko dira, diruz lagundutako proiektua sendotu ahal izateko. Diruz lagundutako proiektuaren ebaluazioa aurkeztuko litzateke, bideragarritasuna eta eraginkortasuna zehazteko. Proiektua hasierako azterlan batzuetan oinarrituko da, lortutako emaitzei eta egungo egoerari buruzko informazioa emateko, proiektua sendotzeko ekintza-plan bat egiteko beharrezko proiekzioak aurkezteko.

Dirulaguntzaren zenbatekoa

Erakunde eskatzaile bakoitzak gehienez ere 50.000 €-ko dirulaguntza jaso ahal izango du, guztira aurkeztutako diruz laguntzeko moduko ekintzengatik.

Araudia

Bizkaiko Foru Aldundiaren 50/2025 FORU DEKRETUA, maiatzaren 8koa, ekintzailetza eta enplegu egonkorreko eta kalitateko proiektu berritzaileak garatzeko dirulaguntzen oinarriak eta deialdi arautzaileak onartzen dituena, 2025eko ekitaldiko trantsizio hirukoitzerantz

Eskabideak aurkezteko epea

Eskabideak aurkezteko epea 2025ko uztailaren 9an hasiko da, 8:30etan, eta 2025ko uztailaren 23an bukatuko da, 13:30ean.

Bulego Birtuala: eskabide, justifikazio eta abarren aurkezpen telematikoa

Informazio gehiago nahi izanez gero:

CALL-CENTER

Erantsitako fitxategiak

Fitxategi hauek ikusteko doako programa behar duzu Adobe Reader