Bizkaiko zubia

Bizkaiko zubia

Bizkaia Zubia eraikitzeko proiektua 1888ko urtarrilekoa da. Handik 2 urtera, 1890eko apirilaren 10ean hasi ziren obrak, mundu osoko “transbordadore-zubirik” zaharrena izango zena egiteko.

Alberto de Palaciok egin zuen proiektua, Ferdinand Arnodinekin lankidetzan. 1893ko uztailaren 28an izan zen inaugurazio ofiziala.

1902an, errege-erreginak Bizkaira etorri zirela-eta, argi elektrikoa jarri zuten zubian. Gerra Zibileko gorabeherek kalte egin zioten: fronte errepublikazaleak zubiko panela suntsitu zuen. 1941ean berreraiki zuten. 1998an bosgarren ontzixka inauguratu zuten, eta 1999an pasabidea egokitu zuten, jendeak zubiaren egitura barrutik ikusi ahal izan zezan. Bi lan horiek egitean, begirune osoz jokatu zuten, ingeniaritzako obra izugarri honen formak zaintzeko. 1983tik hona, gutxi gorabehera 650 milioi lagunek zeharkatu dute itsasadarra ontzixkan. Ontzixkak ibili duen bidea eginda, 31 aldiz emango genioke bira Lurrari. 2006ko uztailaren 13an, UNESCOk Munduko Ondarearen izendapena eman zion.

160 metroko ibiltokia, 50 metroko garaieran, zure ikustaldia bizipen sakona izan dadin.

Ordutegia

Sasoi baxua (azarotik martxora)

Astelehenak, igandeak eta jaiegunak: 10:00etatik 19:00etara

Sasoi altua (apiriletik urrira)

Astelehenetik ostegunera eta igandeak: 10:00etatik 20:00etara

Ostiralak, larunbatak eta jaiegunen bisperak: 10:00etatik 21:00etara

Argibide gehiago

Tarifak:

  • Orokorra audiogidarekin: 9€
  • Murriztua: 5,60€ (65 urte baino gehiagokoak, 5-16 urte tarteko umeak, gutxienez 20 pertsonako taldeak)
  • Doakoa: 5 urte baino txikiagoak
  • Beherapenak: familia ugariak, Bilbao Bizkaia Card, Euskal Kostaldeko Museo Sarea, Getxo Pass
  • Pasarelako sarrera guztiek ontxizko bidaia bat dute barne

Web orria: http://www.puente-colgante.com