Ekintza aukeratu:

• Desgaitasuna duten pertsonak etxean eta/edo beren ingurunean mantentzeko programa berriak garatzea

  ×

  Desgaitasuna duten pertsonak etxean eta/edo beren ingurunean mantentzeko programa berriak garatzea

  Aurrerapen-maila:

  %90

  Desgaitasunaren hirugarren sektoreko erakundeekin lan bateratua garatzen ari da Aldundia, laguntza programak berrikusi eta eredu alternatiboak bilatzeko, gaur egungo eta etorkizuneko eskarira egokituko direnak, Gizarte Zerbitzuen Zorroari buruzko Dekretuan arautu denaren arabera.

  2017an hasitako gaixotasun mentalak dauzkaten pertsonek bizitza independentea izateko laguntza eta akonpainamendu programa finkatu da 2018ko ekitaldian, AVIFESen eskutik (70 pertsona artatu dira). Ildo berean, adimen-desgaitasuna duten pertsonekin Bizitza Independentearen ereduari jarraituz esperientzia zehatzak hasi dira (inplikatutako 3 pertsona). Programa hauei jarraipena emango zaie 2019. urtean eta kopurua areagotuko da.

  Ekintza hau baloratu

• Tutoretzapeko adingabeen egoitza-harreraren ordezko aukerak diseinatu eta zabaltzea

  ×

  Tutoretzapeko adingabeen egoitza-harreraren ordezko aukerak diseinatu eta zabaltzea

  Aurrerapen-maila:

  %75

  2014. urtean, Familia-harrera Profesionalizatuko Programa abiarazi zen, 2015/01/26tik 2016/01/25erako indarraldia zuen kontratu bat zela medio; haren bidez, jarduera batzuk egin ziren familia harrera-egile profesionalak programan sartzeko.

  Haurrak eta nerabeak babesteko sistema aldatu zuen uztailaren 28ko 26/2015 Legeak aldaketa batzuk ekarri zituen; besteak beste, besteren familian eginiko harrera espezializatua, harrera orokorra edo profesionalizatua bereizten ditu; beraz, harrera profesionalizatua espezializatuaren barruan dagoen azpimota bat da. Horrez gain, familia harrera-egileak erakunde publikoaren lan-harremana zuen ala ez kontuan hartuta bereizi ziren.

  Aldaketa horiek direla eta, ezinezkoa izan da harrera profesionalizatuko programaren hasierako ikuspegiarekin jarraitzea. Hala ere, 2018an zehar, epai irmoen bidez esparru juridikoa argitu da eta era positiboan balioztatu da 2019an martxan jarriko den harrera espezializatua. Aurrekoaren kalterik gabe, familia harrerak eta adopzioa helburu duten zaintzak egiten jarraituko da.

  Ekintza hau baloratu

• Adinekoentzat autonomia pertsonala sustatzeko zentro bat irekitzea Etxebarrin

  ×

  Adinekoentzat autonomia pertsonala sustatzeko zentro bat irekitzea Etxebarrin

  Aurrerapen-maila:

  %100

  Pertsona nagusien autonomia pertsonala sustatzeko zentro berriaren lanak, Etxebarrin, 2016an bukatu ziren.

  2017an Autonomia Pertsonala Sustatzeko Zentroaren eta Eguneko Zentroaren jarduera hasi zen.

  Programaren balorazioa eta eragina neurtzeko memoria bat egin da, oso emaitza onak izan dituena, batez ere, erabiltzaileen gogobetetzeagatik, hauengan izan duen eragin emozionalagatik eta ongizateagatik eta baita autonomia pertsonala sustatzeko beste baliabide batzuen aukera-kostuagatik.

  Zentroak 260 arreta plan egin ditu 2018an eta astean 130 pertsonak parte hartu dute bere jardueretan.

  Ekintza hau baloratu

• Adinekoentzat egoitza eta eguneko zentro bat irekitzea Zorrotzan

  ×

  Adinekoentzat egoitza eta eguneko zentro bat irekitzea Zorrotzan

  Aurrerapen-maila:

  %100

  2016ko irailean Zorrotzako eguneko zentro zaharra kokapen berrira lekualdatu zen, eta egoitza 2016ko urrian hasi zen erabiltzaileak jasotzen.

  2017an, eguneko zentro eta egoitzaren jardunaren lehenengo urtearen (lekualdatu ondoren) ebaluazio kualitatibo eta kuantitatiboa eduki ahal izateko beharrezko jarduerak garatu ziren.

  2018an, eguneko zentroak eta egoitzak normaltasunez funtzionatu dute, erabateko errendimendu eta okupazioarekin.

  Ekintza hau baloratu

• Zaintzaileen estatutua onartzea

  ×

  Zaintzaileen estatutua onartzea

  Aurrerapen-maila:

  %75

  Foru Dekretu batek Pertsona Zaintzaileen Estatutua arautuko du. Foru Dekretu honek zaintzaileak zaintzailetzat hartzen ditu eta zaintza lanak berdintasun gai izan daitezen aurrera egiteko erantzukizun publikoko zenbait neurri indartzera bideratuta dago. Ekimen berritzailea da, eta pertsona zaintzaileei zuzendutako laguntza, prestakuntza, informazioa, ergonomia eta segurtasun zerbitzu berriak eskaintzea aurreikusi du, baita atseden hartzeko programak indartzea ere.

  Testuinguru honetan, 2018ko irailean, zaintzaileak ergonomiarentzako laguntza teknikoen (GIZARTEK) onuraduntzat hartzen dituen Foru Dekretua publikatu da. Ildo beretik, gainerako arauzko garapenean lan egiten ari da.

  2018ko bigarren erdialdean, ZAINTZA ESKOLA programaren (zaintzaileentzako prestakuntza) lehenengo fasea pilotatu da Bizkaiko hiru eguneko zentrotan. Durangaldean, oinarrizko gizarte zerbitzuekin lankidetzan, pilotu bat burutzen ari da “kasuaren koordinazio” prozesua testatzeko, zaintzaileen osasuna zaintzearen ondorioen segimendua egiteaz gain.

  Ekintza hau baloratu

• Babesik gabe dauden Haurrei Laguntzeko III. Plana onartzea

  ×

  Babesik gabe dauden Haurrei Laguntzeko III. Plana onartzea

  Aurrerapen-maila:

  %100

  2016. urtean, Babesik gabe dauden Haurrei Laguntzeko III. Plana idazten amaitu zen , eta 2016ko abenduaren 22an onartu zuen Haurrak eta Nerabeak Babesteko Batzordeak.

  Jarduketa hau planaren onarpenarekin bukaturik, 2018ko lehenengo hiruhilabetean jarraipen txosten bat eraman da aurrera. Honen arabera, 2016 eta 2017.urteetarako finkatutako helburuen %75etik gora bete da. 2018an zehar, planarekin jarraitu da, urte honetako helburueri ekinez eta aurreko urte bietakoei jarraipena emanez.

  Ekintza hau baloratu

• Desgaitasuna duten Pertsonen Parte Hartzerako eta Bizi-kalitaterako II. Plana onartzea

  ×

  Desgaitasuna duten Pertsonen Parte Hartzerako eta Bizi-kalitaterako II. Plana onartzea

  Aurrerapen-maila:

  %100

  Desgaitasuna duten pertsonen parte hartzerako eta bizi kalitaterako planaren diseinua 2016ko lehen hiruhilekoan bukatu zen, eta Bizkaiko desgaitasunaren hirugarren sektoreko erakundeen parte hartzearekin prestatu da. 2016ko ekainean Aldundiaren webgunean argitaratu zen.

  Hedapenerako lau mahaiak lanean ari dira etengabe. Egindako lanaren eta mahaien parte hartze eta bilakaeraren balantze xehatua dago, eta etorkizunerako lanerako hainbat dokumentu adostea lortu da.

  Ekintza hau baloratu

• Babesgabe dauden adingabe eta haien familientzako familia-elkargune berria

  ×

  Babesgabe dauden adingabe eta haien familientzako familia-elkargune berria

  Aurrerapen-maila:

  %100

  Jarduketa hau lokal berri bat ematera bideratuta zegoen, Umeen Zerbitzuan babes espedientea daukaten pertsona adingabeen beharrizanen aurrean erantzuna emateko, familiekin ezarritako bisiten araubideari lotuta.

  Lokal berrietara aldatzea posible izan zen kontratu berri bat esleitzeari esker, 2015eko abenduan hasi zena bi urteko indarraldiarekin. Kontratuari jarraipena emateko, luzapena sinatu da, beste bi urteko indarraldiarekin.

  Ekintza honi esker itxaron zerrendarik ez egotea lortu da, bideratutako kasuen %100 estali ahal izateko; hala, helburu hori lortu da.

  Ekintza hau baloratu

• «Bizkaia, adin guztientzako lurraldea» estrategia zabaltzea

  ×

  «Bizkaia, adin guztientzako lurraldea» estrategia zabaltzea

  Aurrerapen-maila:

  %100

  2016an, 2017an eta 2018an, zahartze aktiborako baldintza onak sustatuz, Bizkaia adin guztietarako lurralde izan dadin laguntzen duten toki erakundeen proiektuei zuzendutako diru-laguntzen deialdi publikoa eta oinarri arautzaileak argitaratu dira. 2018an, Bizkaiak adin-ikuspegitik bere eraldaketan inplikaturiko 22 udalerri eta mankomunitate bat ditu (2017an baino 3 gehiago), Bizkaiko biztanleria osoaren % 62 dena.

  Gainera, Bizkaiko Zahartze Aktiboko Indizearen hirugarren neurketa egiteko UPV-EHUrekin lankidetza-hitzarmen bat sinatu da, 2019ko lehenengo hiruhilekoan entregatuko dena. Aurretiazko emaitzak 38,4 puntukoak dira, % 9,7ko aurrerapena 2014rekin alderatuta.

  Ekintza hau baloratu

• 0 eta 6 urte bitarteko haurrentzako arreta goiztiarra ituntzea

  ×

  0 eta 6 urte bitarteko haurrentzako arreta goiztiarra ituntzea

  Aurrerapen-maila:

  %90

  Arreta goiztiarra ituntzeko esparruan, 2016an Bizkaian zerbitzu horiek ematen dituzten zentroei baimentzeko baldintzen berri eman zitzaien Aldundiak antolatutako informazio jardunaldi batean. Bidenabar, Arreta Goiztiarreko Euskal Kontseiluan parte hartze aktiboa izan genuen, EAEn berau arautzeko dekretua aplikatzearen xehetasunak argitzeko.

  2017an arreta goiztiarra ituntzeko kontratua lurralde historikoko 49 zentrori esleitu zitzaien, eta zerbitzua ematea pixkanaka hartuko zuten haien gain. Arreta Goiztiarreko Zerbitzu Publikoak ematen duen zerbitzua arautzen duen Foru Dekretua Bizkaiko Aldizkari Ofizialean argitaratu zen 2017ko urriaren 31an.

  Testuinguru honetan, itundutako zentroekin komunikazio sendoa garatu da, esku-hartzea AGTaren (Arreta Goiztiarreki Balorazio Taldea) preskripzioaren arabera egokitzeko. 2018an baimendutako zentro guztietan lehenengo ikuskaritzak egin dira. Era berean, 2018ko otsailean, Arreta Goiztiarreko foru zerbitzua eskaintzen duten zentro guztien zerrenda duen eskuliburu bat argitaratu zen. 2018ko irailean, zentro berri bat ireki da eta, ondorioz, dagoeneko Bizkaiko eskualdeen % 100ari ematen zaio zerbitzu-estaldura.

  2.705 neska-mutil izan dira Bizkaiko arreta goiztiarreko zerbitzu publikoaren onuradun, zehazki, 1.890 mutil eta 815 neska.

  Ekintza hau baloratu