Aplikazio honekin, Bizkaiko Foru Aldundiak herritarren eskura jartzen du Lurralde Historiko osoko plangintzari eragiten dioten hirigintza-informazioa eta alderdi sektorialei buruzko informazioa. Orientagarria da, eta ez loteslea. Honetan datza:

• Udalerriko lurzoruaren sailkapena eta kalifikazioa.
• Udalerri bakoitzean lehendik dauden eta plangintzak aurreikusten dituen bizitegi-erabilerako eta jarduera ekonomikoetarako lurzoruak, hiri-lurzoruko eta lurzoru urbanizagarriko eremuen mailan xehatuak eta plan berezira bidaliak, haien mugaketa grafikoarekin, gauzatze-mailarekin eta parametroekin:

  eraikigarritasuna, dentsitatea, azalera eraikia eta gehieneko etxebizitza kopurua, babes eta tasatutako etxebizitzen kopurua, eraikuntza bakoitzeko okupazioa, eraikuntza altuerak, espazio libreetarako eta ekipamenduetarako lurzorua…

• Udalerri bakoitzean indarrean dagoen plangintza, eremu zehatz bakoitzari eragiten diona zehaztuz, behin betiko onespen-datekin eta araudia Bizkaiko Aldizkari Ofizialean argitaratzen den egunekin.
• Gainjarritako baldintzatzaileak: kosta-lerroak, segurtasun-lerroak, kultura-ondarearen elementuak, urak har ditzakeen eremuak, ingurumen-alderdiak (biotopo babestuak, parke naturalak, BILak, HBBEak), etab.

Aplikazioa atzitu