Texto del banner: zatoz eta parte hartu! Bilbo Metropolitarraren lurralde estrategiari buruzko foro tematikoak. ¡Ven y participa! Foros temáticos sobre la estrategia territorial de bilbao metropolitano

BILBO METROPOLITARRAREN LURRALDE-PLAN PARTZIALARI BURUZKO FORO TEMATIKOAK

Urtarrila eta otsaila bitartean izandako lau saio tematikotan, eremu funtzionaleko lurralde-antolamenduarekin lotutako interes handiko gaiak landu ziren (Paisaiak, Mugikortasuna, Hiri-eraldaketa eta Perspektiba berriak Euskara, Osasuna edo Generoa) eta elkarrizketa sustatu zen gai horien inguruan.

Foro horietan, herritar guztiei luzatu zitzaien parte hartzeko gonbidapena; alde batetik adituen aurkezpenak antolatu ziren, gaiak agertzeko eta testuinguruan jartzeko balio izan zutenak, eta, bestetik, saio dinamiko parte-hartzaileak egin ziren, bertaratutako guztien proposamenak eta iritziak jasotzeko.

Hala, hainbat arlotako ordezkarien presentzia izan zuten. Besteak beste, aipagarriak dira Amaia Apraiz, Ikusmira Ondareako eta Industri Ondare eta Herri Laneko Euskal Elkarteko (OIHLEE) kidea; Ander de la Fuente Arana, arkitekto doktorea eta UNESCO Cultural Landscapes and Heritage Katedrako kidea; Enrique Antolín, Soziologian doktorea eta Ekologistak Martxan elkarteko kidea; Iosu Ramírez, garraioen eta hiri-mugikortasunaren plangintzan eta modelizazioan espezializatutako LEBER aholkularitzako zuzendaria; Arantxa Quintana, arkitekto doktorea, HIKA arkitektura-estudioko bazkidea eta Euskal Herriko Arkitektoen Elkargo Ofizialeko (EHAEO) kidea; Fernando Hevia, hirigintzan espezializatutako arkitektoa eta Lurralde Antolamendu Jasangarrirako Betsaide Elkarteko lehendakaria; Patxi Cirarda, Bizkaiko osasun publikoko zuzendariordetzako osasunaren prebentziorako unitateko arduraduna; eta Unai Ferández de Betoño, EHUn doktorea eta «Lurraldea eta Hizkuntza: Eragin Linguistikoaren Ebaluazioa» graduondokoaren arduraduna.

Saioetan 100 pertsonak baino gehiagok hartu zuten parte, eta, batez beste, eremu funtzionaleko hainbat herritako 25 parte-hartzaile izan ziren saio bakoitzean. Landutako gaien inguruan hausnarketa interesgarriak sortu ziren. Halaber, paisaiari dagokionez, ondare- eta paisaia-elementuak testuinguruan jartzeko «ondarearen aldeko apustua zentzu zabalenean egitearen» garrantzia azpimarratu zen, bai eta aukera berriak bilatzerakoan berroneratze mantso eta berezkoak bultzatzeko beharra ere. Mugikortasunari eskainitako saioan, oinezkoen eta txirrindularien mugikortasuna hobetzeko beharra eta LPPak herrien arteko mugikortasunaren koordinazioan duen zeregin garrantzitsua azpimarratu ziren. Bestalde, lurzoru gehiago ez urbanizatzeko beharrari buruz hausnartu zen, eta berroneratze, birgaitze eta berritze kontzeptuak jorratu ziren, dagoeneko urbanizatuta dauden eremuak hobeto kudeatzeko baliabide gisa. Azkenik, lurraldearen antolakuntzak euskararen erabileran eta osasunaren sustapenean duen eraginari buruzko azken saioan, alde batetik, euskaraz hitz egiten duten pertsonak herri bakoitzean ongi banatzearen garrantziari buruz jardun zen hizkuntza erabili ahal izateko, eta «arnasguneak» aipatu ziren euskararen eguneroko erabilera dinamikoa nagusi izaten den erreferentziazko gune gisa. Osasunaren sustapenari dagokionez, ikusi zen badirela zenbait hirigintza-ezaugarri herritarrei bizi-kalitate hobea edo okerragoa ematen dietenak; besteak beste, inguruan dituzten eremu berdeen kopurua, eraikuntza-dentsitatea, garraiabide-aukerak eta abar.

Hementxe bertan aurkitu ditzakezue 4 saio tematikoei buruzko dokumentu guztiak; aktak eta hizlari bezala izan genituen zenbait pertsonen aurkezpenak.

Lehen Foro Tematikoa - Bilbo Metropolitarraren Paisaiak

• Akta
• Ander de la Fuente-ren aurkezpena
• Amaia Apraiz-en aurkezpena

Bigarren Foro Tematikoa - Bilbo Metropolitarraren Mugikortasun Eredua

• Akta
• Enrique Antolín-en aurkezpena

Hirugarren Foro Tematikoa - Integrazioa eta Biziberritzea Hiri-Eraldaketen Prozesuetan

• Akta
• Arantxa Quintana aurkezpena

Laugarren Foro Tematikoa - Lurralde-Antolamendurako Ikuspegi Berriak: Lurralde Inklusiboa, Euskara eta Osasuna

• Akta
• Helena Ortiz de Lejarazu-ren aurkezpena
• Patxi Cirarda-ren aurkezpena
• Unai Fernández de Betoño-ren aurkezpena

Fitxategi hauek ikusteko Adobe Reader doako programa behar duzu.