Bizkaia repara

Lerratu gehiago erakusteko

Zer da Bizkaia Repara?

ticket

“Bizkaia repara” Bizkaiko Foru Aldundiko Ingurune Naturala eta Nekazaritza sustatzeko sailak sustatutako kanpaina da. Horren helburua da hondakinen sorrera prebenitzea eta kontsumo jasangarri eta arduratsuko eredu bat sustatzea, produktuen konponketa sustatuta.

Bonuak trukatzeko sistema batean oinarritzen da; sistema horrek 10 euroko deskontua eskaintzen die kontsumitzaileei, 20 euro edo gehiagoko konponketa-zerbitzuetan eta bigarren eskuko artikuluak erosteko, Bizkaiko establezimendu atxikietan.

Berritasun gisa, bonuak atxikitako establezimendu fisikoetan bigarren eskuko artikulu jakin batzuk erosteko ere erabiltzeko aukera dago; hartara, handitu egiten dira kontsumo jasangarrirako aukerak.

Norentzat izan daiteke onuragarria?

Atxikitako establezimendu batean balio-bizitza luzatzeko objektu bat konpontzen duen edozein pertsonarentzat.

Zertarako erabil daitezke Bizkaia Repara bonuak?

Bizkaia Repara bonuak atxikitako establezimenduetan erabil daitezke:

  • Erabilitako ondasunen txikizkako merkataritza (altzariak, jantziak eta/edo etxean erabiltzeko tresna arruntak)

  • Ehun-gaiak, osagarriak, oinetakoak eta larruzko gaiak

  • Altzariak eta mahaiko tresneria

  • Elektronika, etxetresna elektrikoak, etxea eta lorategia

  • Erlojuak eta bitxiak

  • Etxean erabiltzeko tresnak eta beste gauza pertsonal batzuk

Gaien zerrenda osoa(Lehio modala ireki)

Bonuei buruzko informazioa

  • Non lortu daitezke bonuak?

    Bonuak ez dira erosten; ordaintzerakoan eskatzen dira, kanpainan parte hartzen duen edozein establezimendutan.

    Establezimenduen zerrenda

  • Zenbat bonu erabil daitezke?

    16 urteko pertsona bakoitzak gehienez 10 euroko 5 bonu jaso ahal izango ditu. Konponketa-establezimenduek plataforma batean beteko dituzte pertsonaren identifikazio-datuak eta erosketa-txartelaren kopia bat erantsiko dute.

  • Bizkaia Reparako zenbat bonu jarriko dira salgai?

    Bizkaiko Foru Aldundiak 60.000,00 euro inbertituko ditu Bizkaia Reparako 6.000 bonu ateratzeko.

  • Noiztik nora erabili daitezke bonuak?

    Bizkaia Repara bonuak 2026eko azaroaren 5etik 2027eko otsailaren 5era arte truka daitezke.

Nola atxikitzen dira establezimenduak?

Baldintzak betetzen dituzten establezimenduek kanpainarekin bat egin ahal izango dute oinarriak BAOn argitaratu eta hurrengo egunetik 2026ko irailaren 6ra arte. Epea amaitu da.