Bizkaiko Foru Aldundiak bi lan-jardunaldi antolatu ditu 2026ko azaroaren 19an eta 20an, herritarrei arreta eskaintzeko zerbitzuetako arduradunei eta profesionalei zuzenduta. Jardunaldi hauen helburua esperientziak partekatzea, berrikuntza bultzatzea eta zerbitzu publikoaren kalitatea indartzea da. 

Zer aurkituko duzu jardunaldi hauetan?

Herritarrei arreta eskaintzeko erronka eta aukera nagusiei buruzko topaketa- eta hausnarketa-gunea, administrazio publikoen artean irtenbide posibleak partekatzeko aukera emango diguna. 

Ekimenaren helburua administrazio publikoen arteko lankidetzarako foro bat sortzea da, ikaskuntza partekatua eta gure zerbitzuen eraldaketa bultzatuko duten ideiak sortzea bultzatuz. 

Etengabeko aldaketa-testuinguru honetan zerbitzu publiko arinagoak, irisgarriagoak, berritzaileagoak, hurbilekoagoak, pertsonalizatuagoak eta pertsonengan zentratuagoak lortzeak guztion artean lankidetzan aritzea, esperimentatzea eta ikastea eskatzen du. 

Jardunaldi hauek horixe izan nahi dute, hain zuzen ere: zerbitzu publikoa emateko bokazio osoz gure lana eskaintzen dugun pertsona guztion artean herritarrei ematen zaien arreta nola eboluzionatu hausnartzeko esparrua. 

Landuko ditugun gaiak

Topaketetan zehar, besteak beste, honako gai hauek landuko dira:

• Arreta omnikanala.
• Arretan adimen artifiziala erabiltzea.
• Administrazioa sinplifikatzea eta zerbitzuak berriz diseinatzea.
• Irisgarritasuna, komunikazio argia eta irakurketa erraza.
• Herritarren gogobetetzea eta zerbitzuaren kalitatea neurtzea.
• Arretako langileen gaikuntza eta prestakuntza.
• Nola kudeatzen den arreta mistoko sistema, hitzorduekin eta hitzordurik gabe.
• Herritarraren esperientzia eta enplegatu publikoaren esperientzia.