Bizkaiko Foru Aldundia - Diputación Foral de Bizkaia

Harremana

Hizkuntzak

Español

English

logotipo Observatorio Violencia de Género en Bizkaia

BGIB BULETINA 46. zk., 2017 abendua

SAREAN

sarean

Toki-entitateetan lanean diharduten gizarte-zerbitzuetako profesionalek eta berdintasun-teknikariek beren ikuspegia azaldu dute Bizkaiko Lurralde Historikoan genero-indarkeriaren aurka ezarri diren zerbitzuen egoerari eta benetako esperientziei dagokienez.

M. ª Carmen Bastegietak eta Bermeoko Udaleko Gizarte Zerbitzuetako lantaldeak BGIB Buletinean plazaratu dute beren ikuspegia.

Gizarte Zerbitzuetako lantaldea osatzen duzuen aldetik izandako esperientzia oinarri hartuta, ezagutzen dituzuen zer ekimen nabarmenduko zenituzkete emakumeen aurkako indarkeriaren esparruan eraginkorrak izan direlako?

Lehenik eta behin, funtsezkoa da genero-indarkeriaren biktimei laguntzen dieten erakundeek eta profesionalek sarean egiten duten lana.

Bestalde, nabarmentzekoa da erkidegoan egiten diren sentsibilizazio-hitzaldien eta, oro har, prebentzio arloan egiten den lan guztiaren garrantzia. Esparru horretan, eta neurri zehatzei dagokienez, azpimarratzekoak dira emakumeak ahalduntzeko tailerrak.

Zuen ustez, arazo horri arreta emateko zer arlotan areagotu behar dira ahalegin publikoak eskubide-urratze horren kontra borrokatzeko?

Kezkatzen gaituzten arazoen artean, Administrazioan arlo horri buruzko prestakuntza espezifikoa zabaldu beharra dago, eta, zehazki, oinarrizko gizarte-zerbitzuetan eta Ertzaintzan prestakuntza espezifiko handiagoa behar da biktimei laguntzeko.

Era berean, beharrezkoa da oinarrizko gizarte-zerbitzuetako laguntza-taldeak indartzea diziplina anitzeko talde batekin.