Ibilbidearen datuak

Ibilbidearen datuak

Ibilbideak Sondikako herrigunean eta bere ingurunean pasiarako erabiltzen diren hainbat ingurune zeharkatzen ditu. Udaletxetik jaisten da (ibilladiko gehieneko garaiera, 38m) Goronda Bekon zehar, jarraian Basozabal parkearen eta Txorisoloko espaloien ondotik igarotzen delarik, ibilaldia baldintza onetan luzatzeko aukera ematen duten inguruak biak. Zangroiz industriagunerako jeitsiera tokiko asfaltozko bide batean egiten da, bazterbide edo babesik gabea. Asua erreka gainditu (ibilbideko gutxieneko garaiera, 6m) eta espaloirik gabe Errotako bideari jarraitzen dio, N-637aren ondotik lehenengo eta Bilbo-Lezama trenbidearen ondotik geroago. Ibaiondo eta Izarzan barrena itzultzen da Basozabal aldera, Txorierri hiribideraino (BI-737). Bere espaloietan zehar egiten du ekialdera, Sondikatik irten eta Loiu Kirol Klubean bira egin ondoren Elotxelerritik itzulbidea hartu eta herrigunera Errementaritik sartuz. Goiri enparantzaren ondotik igaro, Goiri Erdikoan hegoalderantz bira egin eta Agirre Lehendakarian zehar abiapuntura itzultzen da.

• Ibilbidera sarbidea

  Ibilbideak Sondikako herrigunea zeharkatzen du, Zangroizetik eta Izartza ondotik pasatzen da, eta Larrondo Elotxelerrira (Loiu) iristen da.

• Ingurunea

  Gune ireki eta itzaltsuetan zehar nahiko laua den ibilbide honek Sondika eta Loiuko bizitegi-, industria-, landa- eta bide-inguruneak zeharkatzen ditu.

• Ibilbide alternatiboak

  Sondikak ibilbide gehiago osatzeko aukera zabala dauka. Horren erakusgarri da udalak seinaleztatu dituen hainbat ibilbide. Basozabalen azken urteetan egindako hazkundea oso hiritartua dagoen dentsitate bajuko ingurunea izanik, hautazko ibilbideak ibiltarien gustura osatzeko aukera ugari dago.