Bizkaibuseko autobus guztiek dituzte doako 4G WiFia eta mugikor eta tabletentzako USB kargagailuak, entxufe normala baino karga-abiadura azkarragoa dutenak; autobusean duzun esperientziaz goza dezazun.

Bizkaiko Foru Aldundiak urtero garatu ohi du Bizkaibusen erabiltzaileak jasotako kalitatea neurtzeko plan zehatz bat.

Erabiltzaileak zerbitzuaren kalitateaz duen pertzepzioa aztertzera bideratutako ebaluazioaren zatia urtero egiten den inkesta baten bidez garatzen da.

Ikerketaren helburu nagusia da Bizkaibusen oraingo zerbitzua erabiltzen duten pertsonek zerbitzuaren kalitateaz eta asebetetzeaz duten informazioa jasotzea, zeintzuk diren zerbitzua hobetzeko dauden osagaiak zehaztu ahal izateko.

Erabilitako metodologia kuantitatiboa da, eta Bizkaibusen lineak erabiltzen dituzten 3000 pertsona ingururi elkarrizketa pertsonalak egiten zaizkie urtero.

Landa-lana urteko azken hiruhilekoan egiten da.

2024ko Zerbitzuaren kalitateari buruzko azterketa

Garraioak eta Mugikortasun Jasangarria Sustatzeko foru diputatuaren urtarrilaren 27ko 50/2022 Foru Aginduaren bidez, Bizkaiko Foru Aldundiak Bizkaibus Zerbitzuen Gidaliburuaren bertsio berria onartu du, eta 2002ko urtarrilaren 1etik indarrean dago.

Zerbitzuen Gidaliburuan araututako alderdietako bat zerbitzuaren irisgarritasun-baldintzei buruzkoa da, pertsona guztiek erosotasun- eta segurtasun-baldintza onenetan egin dezaten bidaia, eta, bereziki, mugikortasun urritua, komunikazio-zailtasunak edo edozein muga psikiko zein sentsorial (aldi baterako zein betiko) dituzten pertsonek.

Kapitulu horretan, besteak beste, xedatzen da mugikortasun urria duten pertsonek, gainerako erabiltzaileen aldean, lehentasuna dutela ibilgailuetan sartu eta irtetean, eta nahiago duten atea aukeratu ahal dutela. Era berean, ibilgailuetako ekipamendua zehazten da, eta, oro har, mugikortasun urriko pertsonentzat eta, bereziki, gurpil-aulkian doazenentzat erreserbatutako eserlekuen kopurua zehazten da; gainera, okupaziorako lehentasuna eta seinaleztapen-baldintzak arautzen dira.

Gogorarazi behar da mugikortasun urriko pertsonak direla gurpil-aulkian daudenak, haurrak dituztenak (baita haur-kotxean doazenak ere), haurdun daudenak, adinekoak eta desgaitasun fisiko, psikiko eta sentsoriala dutenak.

Irisgarritasuna Bizkaibus-en

Bizkaibusek maskota eramateko aukera ematen du, horrelako baldintzak betetzen badira. Animalia daraman erabiltzailearen ardura izango da gorabeherak edo kalteak eragoztea.

Honako hauek eraman ahal dira bidaietan:

• 8 kilotik beherako txakurrak eta katuak. Kaiola edo ontzi itxi batean eraman beharko dira.
• Desgaitasuna dutenentzako itsu-txakur, laguntza-txakur eta etxe-txakurrak.
• Segurtasuneko langileen txakurrak.

Honako hauekin ezin izango da bidaiatu:

• Beste edozein maskota motarekin.
• Animalia exotikoekin (narrastiak, armiarmak, intsektuak, e.a.).

Bizkaibusek iraunkortasunaren eta ingurumenaren aldeko apustu irmoa egin du eta, hortaz, Bizkaibusen flota guztiak gas kutsakorrak murriztearen harira Europak ezartzen dituen estandarrak betetzen ditu, zehazki, Euro VI Europako araudian ezarritakoa.

Gaur egun, Bizkaibusen flotak teknologia hibridodun eta elektrikodun autobusak ditu dagoeneko. Gure flota-berritzeek teknologia garbiagoen aldeko apustua egiten jarraituko dute, posible den tokietan.

Bizkaibusen flotan atmosferara isurtzen diren gas kutsakorren emisioa murrizten jarraitzeko konpromisoak mugiarazten gaitu.

Txosten hauetan, zehatz azaltzen da nola jardun duen Bizkaibus zerbitzuak 2020, 2021, 2022, 2023 eta 2024. urteetan, eta xeheki aipatzen dira zerbitzu horren jarduera definitzen duten adierazle nagusiak.

• 2024ko Bizkaibus Memoria
• 2023ko Bizkaibus Memoria
• 2022ko Bizkaibus Memoria
• 2021eko Bizkaibus Memoria
• 2020ko Bizkaibus Memoria

Diligentziatik Bizkaibusera