X zergadunak etxebizitza bat du errentan emanda, erosi zuen 150.000 eurorengatik. Katastro-balioa: 21.000€ (%40a lurzoruari dagokio). Etxebizitzan instalatutako higiezinak erostearen kostua, 6.600 eurokoa da. Urteko diru-sarrerak alokairuagatik: 8.500€. Gastuak: Etxebizitza erosteko eskatu zen hipoteka-maileguaren interesak: 1.560€. OHZren ordainagiria: 170€. Komunitateko gastuak: 850€. Higiezinaren asegurua: 210€. Zer gastu ken ditzake X zergadunak errentan emandako etxebizitzagatik, baldin eta errentamenduaren xedea errentatzailearen ohiko etxebizitza bada?
Baliozko erantzuna indarrean dagoen arautegia egun honetatik aurrera aplikatuz: 2025/1/1
Errentan emandako etxebizitzei dagokienez, PFEZri buruzko 13/2013 Foru Arauaren 32.1. artikuluak hau xedatzen du:
Etxebizitzetatik datozen kapital higiezinaren etekinen kasuan, higiezin bakoitzeko lortutako etekin osoen %30ko hobaria aplikatuko da (hobaria %70koa da tenkatutako eremuetan alokairu berriak izanez gero, eta Bizigune edo ASAPen integratutako alokairuak). Era berean, kengarritzat hartuko da, etekinak sortzen dituzten ondasunak, eskubideak edo erabilera nahiz gozamen ahalmenak erosi, birgaitu edo hobetzeko inbertitu diren besteren kapitalen interesen zenbatekoa, bai eta gainerako finantzaketa gastuak ere; ez ordaintzeagatiko aseguru-primak ere kengarriak izango dira (gehienez 300 €).
Hobariaren eta gastuaren baturak ez du ekarriko, ondasun higiezin bakoitzerako, etekin garbi negatiborik”
Errentan emandako etxebizitzaren gastu kengarriak:
- Hipoteka-maileguaren interesak: 1.560.
- Hobaria: 8.500 %30= 2.550.
Baliozko erantzuna indarrean dagoen arautegia egun honetara arte aplikatuz: 2024/12/31
Errentan emandako etxebizitzei dagokienez, PFEZri buruzko 13/2013 Foru Arauaren 32.1. artikuluak hau xedatzen du:
"Etxebizitzetatik datozen kapital higiezinaren etekinen kasuan, higiezin bakoitzeko lortutako etekin osoen %20ko hobaria aplikatuko da. Era berean, kengarritzat hartuko da, etekinak sortzen dituzten ondasunak, eskubideak edo erabilera nahiz gozamen ahalmenak erosi, birgaitu edo hobetzeko inbertitu diren besteren kapitalen interesen zenbatekoa, bai eta gainerako finantzaketa gastuak ere.
Errentan emandako etxebizitzaren gastu kengarriak:
- Hipoteka-maileguaren interesak: 1.560.
- Hobaria: 8.500 %20= 1.700.
Loturak
- Arautegi aplikagarria egun honetatik: 2014/1/1. Abenduaren 29ko 6/2006 Foru Arauko 32. art.
- Arautegi aplikagarria egun honetatik: 2014/1/1. Abenduaren 5eko 13/2013 Foru Arauaren 32.1 artikulua
Informazio gehiago
Lotutako orrialdeak
Oharra
Galdera/Erantzun honek ez du ondore loteslerik Bizkaiko Foru Ogasunarentzat; informazio hutsa besterik ez da.