Kontsultak Identifikazio zenbakia: 900007340
Bi BGAEetako bazkidea. Horietatik kobratu zuen erretiroagatiko prestazioa, kapital eran. Emaztea (61 urte), beste BGAE bateko kidea da eta ez du sarrerarik. Jakin nahi du ea murrizketa aplikatzen jarrai dezakeen emazteak kidea den BGAEetara egindako ekarpenengatik; ea emazteak BGAE horretatik kobratu ahal duen, kontuan hartuta BGAE horrek hamar urtetik beherako antzinatasuna duela; eta emazteak BGAEn eskubide ekonomiko batzuk erreskatatuz gero, ea senarrak bertan ekarpenak egiten eta ekarpen horiengatik murrizketak aplikatzen jarrai dezakeen.
Baliozko erantzuna indarrean dagoen arautegia egun honetara arte aplikatuz: 2024/12/31
Emaztearen ekarpenegatik murrizketa aplikatzen jarrai dezake agertutakoak, horretarako baldintzak betez gero eta emaztea erretiro egoerara igaroko den hurrengo zergaldira arte. Bigarren galderari dagokionez, ea emazteak BGAEtik kobratu ahal duen, kontuan hartuta BGAE horrek hamar urtetik beherako antzinatasuna duela, gai hori ez da zerga kontua, beraz, Ogasuneko Zuzendaritza Orokorrak ezin du iritzirik eman. Emazteak badu BGAEko eskubide ekonomikoen erreskate partziala egiteko eskubidea, baina kontsultagileak jarrai dezake murrizketa egiten emazteak BGAEri egindako ekarpenegatik, betiere, lehen esan bezala, emaztea erretiro egoeran ez badago.