BEZaren zerga-egitatea dira ondasun-emateak eta zerbitzugintzak, Europar Batasunaren barruko ondasun-eskuraketak eta ondasunen inportazioak.

BEZari loturik egongo dira enpresariek edo profesionalek, euren enpresa- edo lanbide-jardueran aritzean, kostu bidez eta ohizko zein lantzean behingo izaeraz zergaren gune-eremuan gauzatzen dituzten ondasun-emateak eta zerbitzugintzak, baita gauzatzen dituzten entitateen euren bazkide, elkartu, kide edo partaideentzakoak izanik ere.

Enpresariek, profesionalek edo pertsona juridiko gisa ez diharduten pertsona juridikoek kostu bidez gauzatzen dituzten Europar Batasunaren barruko ondasun-eskuraketak, eskualdatzailea enpresari edo profesionala denean. Halaber, Zergari loturik egongo dira garraiobide berrien Europar Batasunaren barruko eskuraketak, 14. artikuluko bat eta bi idatz-zatiek lotzen ez dituzten pertsonek edo enpresaburu edo profesionala ez den beste edozein pertsonak (adibidez, partikularrak) kostu bidez gauzatzen dituztenak, eskualdatzailearen izaera edozein dela ere.

Ondasunen inportazioak, edozein erabileratarako egiten direla eta inportatzailearen izaera edozein dela ere.

Ondasun-emateen kontzeptu berriak sartzea:

• Europar Batasunaren barruko urruneko ondasun-salmentak (8.Hiru.1 artikulua)
• Hirugarren herrialde edo lurralde batzuetatik inportatutako ondasunen urruneko salmentak (8.Hiru.2 artikulua)
• Interfaze digital baten bidez emandako barne-emateak (8 bis artikulua)