Web Errenta: nola funtzionatzen du aitorpen-sistema?
- Apirilaren 10etik aurrera gutun bat jasoko duzu (eskura izango duzu egoitza elektronikoan), informazio honekin:
- Zure aitorpenaren zirriborroari buruzko informazioa
Ogasun eta Finantza Sailak, Bizkaiko Foru Aldundiaren egoitza elektronikoaren bidez, aitorpenaren zirriborro bat jarriko du zure eskura. Zirriborro horrek, hala badagokio, itzuli edo ordaindu beharreko emaitza bat jasoko du, eskura dituen datu edo aurrekarietan oinarrituta.
- Bak gakoa aktibatzeko kode batZure aitorpenaren zirriborroa Bizkaiko Foru Aldundiaren egoitza elektronikoan kontsultatzeko, identifikazio elektronikorako bitarteko bat behar duzu. Bat ere ez baduzu, zure Bak gakoa erraz aktiba dezakezu bidali dizugun aktibazio-kodea erabiliz.
- Bak Zer da?
- Bak gakoak Bizkaiko Foru Aldundiaren egoitza elektronikoan identifikatzeko eta izapideak internet bidez egin ahal izateko balio du.
- Zure Bak gakoa zure NAN edo AIZ zenbakia eta pasahitza da.
- Nola aktibatzen du nire Bak?
- Hauek beharko dituzu:
- Sartu www.bizkaia.eus/eu/errenta-Bizkaia helbidea
- Gutun honen hasieran agertzen den aktibazio-kodea
- Zure NAN edo AIZ gertu izatea, baliozkotasun-datari buruz galdetuko dizugu eta.
- Zure pasahitza jasoko duzun telefono mugikorra
- Hauek beharko dituzu:
- Ez dut jaso Bak aktibazio-kodea gutunean
- Gutunean ez baduzu jaso Bak gakoa aktibatzeko kodea, jada baduzu Bak edo BakQ
Pasahitza gogoratzen ez baduzu, "Pasahitza ahaztu zaizu?" Aukeratik berreskura dezakezu.
Sartu Pasahitza berrezarri
- Gutunean ez baduzu jaso Bak gakoa aktibatzeko kodea, jada baduzu Bak edo BakQ
- ¿Puedes poner el teléfono de tu hijo/a o el email de otra persona?
Bak aktibatzean, sistemak kontrolatzen du ez dela mugikorraren eta emailaren zenbaki bera erabili (biak batera).
Hau da, Kepak 44444444 mugikorraren zenbakia eta kepa@bizkaia.eus. posta badu. Keparen aitak, Pedrok, bere mugikorra jartzen badu, 5555555, eta kepa@bizkaia.eus semearen posta, sistemak onartu egiten du.
Mugikorra jarri eta postarik jartzen ez baduzu, baina mugikorra lehendik bazegoen, sistemak ez dio uzten. Mugikorra lehendik bazegoen, baina beste posta elektroniko bat jartzen baduzu (aurretik ez dagoena), horretarako aukera ematen du.
Jarri duzun posta gaizki badago, gero egoitzan sartu eta aldatu egin dezakezu.
GOMENDATZEN DIZUGU hobe dela Pedrok bere seme Kepari R gakoa ematea.
- Bak Zer da?
- Ordezkaritza-kode bat
- Zure zirriborroaren berri ematen dizugun gutun berean, gako bat erantsi dizugu, zure ordezkaritza hirugarren pertsona bati eman ahal izateko.
- Ordezkaritza egiaztatutzat joko da, aitorpen zirriborroa izapidetzeko, ordezkaritza-gakoa haren titularra ez den beste pertsona batek sartzen duenean.
- Ordezkaritza-gakoak 5 urteko balioa izango du, lehen aldiz erabiltzen denetik, haren bidez ordezkaritza eman zaion pertsonarentzat, eta aldi horretan pertsona horrek zergadunaren ordezkari gisa jarduteko erabili ahal izango du, eman zitzaion zergaldiari dagokionez.
- Ordezkaritza-gako berri bat edo ordezkaritza-gakoa desaktibatzea eskatu ahal izango duzu; haren babesean emandako ordezkaritza ezeztatzea ekarriko du.
- Nork jasoko du gutuna errentaren zirriborroaren datuekin?
Helbide fiskala Bizkaian duten eta Foru Ogasunean alta emanda dauden pertsona guztiak.
Aurreko urtean aitorpenik aurkeztu ez dutenak ere bai?
Bai.
Gurasoak deduzitu ditzaketen ondorengoak?
- Adin txikiko ondorengoek ez dute Bak aktibatzeko gakorik jasoko, haien gurasoak beraien legezko ordezkariak direlako.
- Adin nagusikoek informazio guztia jasoko dute (errentaren zirriborroa eta Bak gakoa aktibatzeko gakoa barne), baina aitorpena aurkeztea komeni zaien ala ez egiaztatzea gomendatzen diegu, kontuan hartuta aitorpena aurkezten badute gurasoek ezin dutela ondorengo ahaideengatiko kenkaria aplikatu aitorpenetan.
Hildakoak?
- Ezkontide edo izatezko bikotea bizirik badago:
- Gutun bat jasoko du hildakoaren Errentaren zirriborroaren datuekin.
- Hildakoaren errentaren zirriborroan sar daiteke webgunean, bere gako propioarekin (alargunarena), besterik adierazi ezean haren ordezkaria delako.
- Zerga-administrazioaren aurrean hirugarren bati bere ordezkaritza ematen badio, hildako zergadunari dagokionez ere ordezkaritza hori eman zaiola ulertuko da, berariaz kontrakoa adierazten ez bada.
- Ezkontide edo izatezko bikotea bizirik ez badago:
- Hildakoaren etxera gutun bat bidaliko da zirriborroaren datuekin (ez da bidaliko aktibatzeko edo ordezkatzeko gakorik).
- Hildakoaren ondorengoek Bizkaiko Foru Aldundiaren egoitza elektonikoan ordezkari direla egiaztatu behar dute, "Zerga arloko oinordekoen eta legezko ordezkarien erregistroa" izapidean.
Bizkaiko Foru Ogasunaren datu-baseetan alta emanda ez dauden pertsonak?
- Errentaren webgunean sartu beharko dute sinadura elektroniko batekin, eta zirriborroan sartuko dira. Zirriborroak ez du datu ekonomikorik izango. Datu pertsonal, familiar eta ekonomiko guztiak bete beharko dituzte.
- Sartzean eta aitorpena aurkeztean, Foru Ogasunean alta emango da, ez da beharrezkoa aldez aurretik alta ematea.
Eska dezakezu bidalitako gutunen kopia bat?
- Telefonoz eska dezakezu Bak gakoa aktibatzeko beste gako bat edo beste ordezkaritza-gako bat (lehen emandakoa baliogabetuko duena).
Zergatik daude gutun mota desberdinak?
- Bizkaiko Foru Ogasunak bidaliko dituen gutunak pertsonalizatuak izango dira eta zergadun bakoitzaren berariazko egoera identifikatuko dute.
- Aitorpena Bizkaiko Foru Aldundiaren egoitza elektronikoan egin behar duzu
- Aitorpena aurkezteko rentaweb (ordenagailua) edo app (mugikorra edo tableta) aplikazioa dituzu.
Aitorpena egiteko ez da beharrezkoa izango inolako programarik deskargatzea eta instalatzea; izan ere, Foru Ogasunak apirilaren 10etik aurrera jarriko du deskarga eskatzen ez duen errentaren web-aplikazioa.
Gailu mugikorretarako Renta Bizkaia Errenta aplikazioa ere jarriko du eskuragarri. Horren bidez, zirriborroaren informazioa berrikusi ahal izango da, oinarrizko datu batzuk aldatu, eta aitorpena aurkeztu.
Errenta-aitorpena egoitza elektronikoaren bidez bakarrik aurkeztu ahal izango da.
Web errenta aplikazioan (ordenagailua) zure errentari buruzko eragiketa guztiak egin ahal izango dituzu (zirriborroan egindako edozein aldaketa barne)
Aplikazioan (mugikorra edo tableta) honako hauek egin ahal izango ditu:- Zure datu fiskalak bistaratu.
- Aitorpena aurkeztu.
- Dokumentazioa erantsi.
- Zerga-esleipena aldatu (eliza katolikoa/beste helburu sozial batzuk).
- Helbideratze-kontua aldatu.
- Ezkontidearen edo izatezko bikotekidearen R gakoa bakarrik sartu ahal izango da, ez familia-unitatetik kanpoko beste pertsona batena.
Ez da eskuragarri egongo Pertsona Fisikoen Errentaren gaineko Zergaren autolikidazioaren 100 eredua.
Nola sartu naiteke Rentaweb aplikazioan?
Hiru modu daude errenta web aplikazioan sartzeko:
- Egoitzako prozeduren katalogoa: errrenta 2024 izapidea bilatuz.
- 2024ko errenta eta ondarea bannerra, Aldundiaren egoitza elektronikoan eskuragarri.
- Errenta 2024 informazio orria apirilaren 10etik aurrera. Apurka-apurka informazioa gehituz joango da.
Aitorpena aurkeztu aurretik, webgunean gordetzen al dira aldatzen dituzun datuak?
Aplikazioan sartzen diren datuak grabatuta geratzen dira. Aitorpena zenbait egunetan egin dezakezu. Aldaketa bakoitza gordeta geratuko da eta datu guztiak dituzunean aitorpena aurkez dezakezu.
- Ordenagailurik ez duten eta ordenagailurik eskuratu ezin duten pertsona guztiek egin beharko lukete gutuna jasotzen dutenean?
Honako hau egin dezakete:
- App mugikorra erabili.
- 94 608 3000 telefonora deitu aitorpena egiteko.
- Aurrez aurreko arretarako hitzordua eskatu
- Ordezkaritza-gakoa (R gakoa) aitorpena egiten lagun ahal dien pertsona bati eman.
- Zirriborroak itzuli beharreko emaitzarik badu, zirriborroan inolako aldaketarik ez egitea. Ekainaren 30ean, isilbidezko aurkezpena egin dela ulertuko da, eta egun horren ondorengo 7 egun balioduneko epean itzuliko da.
- Zure aitorpenean nola erantsi dezakezu dokumentazioa?
- Rentaweb aplikaziotik:
- Aitorpenaren kapitulu bakoitzean.
- Aitorpepenaren laburpenean, goiko aldean, erantsi ikonoa sakatuta.
- adierazpena aurkeztera zoazenean
- Renta Bizkaia Errenta APPtik.
- Aitorpena aurkeztu ondoren, zure espedienteari dokumentazioa erantsi ahal diozu egoitza elektronikoan.
- Rentaweb aplikaziotik:
- Aurkezteko epea: 2025eko apirilaren 10etik ekainaren 30era bitartean
- Zure aitorpenaren zirriborroak itzuli beharreko emaitza badu
- Aitorpena berariaz aurkezten baduzuEkintzaren bat egin duzu, webgunean, telefonoz, zure aitorpena berariz aurkeztuz.Behin-behineko likidazioa egingo da, eta itzuli beharreko zenbatekoa ordainduko da aitorpena aurkeztu eta hurrengo zazpi egun naturaleko epean, salbu eta zerga-administrazioaren esku dauden datuen eta aurkeztutako aitorpenean jasotako datuen artean desadostasuna dagoenean.
- Aitorpena aurkezten ez baduzu eta zirriborroan aldaketarik egiten ez baduzu ekainaren 30era arte, egun hori barneKasu gehienetan, zure aitorpena ekainaren 30ean aurkeztuko da automatikoki, behin-behineko likidazioa sortuko da eta hurrengo egunetan jasoko duzu diru-sarrera.Zirriborroaren aurkezpen automatikoa edozein unetan atzera bota dezakezu zirriborrotik bertatik edo Errenta Bizkaia Errenta APParen bidez.Hala ere, itzuli beharreko emaitza izan arren, aitorpena espresuki aurkeztu beharko da 2023ko aldian aitorpena espresuki aurkeztu denean edo itzulketaren zenbatekoa 300 eurotik gorakoa denean (zergadunak, edo horietako batek, baterako aitorpenaren kasuan, zergaren sortzapen-datan 65 urte edo gehiago dituenean izan ezik).
- Zirriborroan aldaketaren bat egin baduzu edo berariaz uko egin badiozu
Zure aitorpenaren emaitzari eragiten dion aldaketa bat egin duzu edo adierazpena isilbidez aurkezteari uko egiten diozu:
Aitorpena berariaz aurkeztu beharko duzu, eta, hala badagokio, zerga likidatzeko behar diren datuak eta dokumentazioa aldatu eta/edo aurkeztu beharko dituzu, Bizkaiko Foru Aldundiaren egoitza elektronikoaren bidez.
Aitorpenik aurkezten ez baduzu aurreko lerrokadan deskribatutako inguruabarrak gertatzen direnean, errenta aurkeztu ez duzula ulertuko da.
- Noiz ez da automatikoki aurkeztuko zirriborroa ekainaren 30ean?
Ez dira automatikoki aurkeztuko, besteak beste, honako kasu hauetan:
- Ogasunean ez badago zure banku-kontuari buruzko daturik.
- Zure jarduera ekonomikoarekin lotutako eragiketa ekonomikoen erregistro-liburua epe barruan aurkeztu ez baduzu, Eragiketa Ekonomikoen Erregistro-Liburua (EEEL/140 eredua).
- Errentak eratxikitzeko araubidea aplikatzeko baldintzak betetzen badira eta jarduera ekonomikoetakoei ondare-irabaziak edo etekinik gabeak badaude, bai eta jarduera ekonomikoen etekinak jasota badaude eta (EEEL) 140 eta 184 ereduak epean aurkeztu ez badituzu ere.
- 2023. aldian aitorpena espresuki aurkeztu bada, edo itzulketaren zenbatekoa 300 eurotik gorakoa bada (zergadunak, edo horietako batek, baterako aitorpenaren kasuan, zergaren sortzapen-datan 65 urte edo gehiago dituenean izan ezik), itzuli beharreko emaitza izan arren, espresuki aurkeztu beharko da aitorpena.
- Zure aitorpenaren zirriborroak ordaindu beharreko emaitza badu
- Aitorpena berariaz aurkeztu behar duzu
Berariazko adostasuna eman behar duzu rentaweb aplikazioan (ordenagailua) edo errenta-aplikazioan (mugikorra edo tableta) eskuragarri dagoen errenta-aplikazioan, aitorpenak aurkezteko borondatezko epea amaitu baino lehen.
Telefonoz ere baiezta dezakezu zure zirriborroa (94 608 3000)
Egiten ez baduzu, zure aitorpena ez aurkeztutzat joko da.
- Aitorpena aurkeztu ondoren, behin-behineko likidazio bat sortuko da
Behin-behineko likidazioa egingo da:
- Aurkeztutako aitorpenaren datu eta emaitza berberekin.
- Zergadunaren eskura jarriko da Bizkaiko Foru Aldundiaren egoitza elektronikoan.
- Egoitzan eskuragarri jartzen den unetik aurrera jakinarazpena egin dela ulertuko da.
- Dena den, zerga-betebeharra ondoren egiaztatu ahal izango da, behin-behineko likidazioak berrikusteko prozeduren, egiaztapen mugatuen edo ikuskapen-prozeduretako baten bidez.
- Nola egin dezakezu ordainketa?
Nola egin dezakezu ordainketa?
- Ordainketa helbideratzeko eskatzea.
- Eskabidea aurkezteko unean egiten da.
- Zure kontuan 2025ko uztailaren 4an zordunduko da, edo hurrengo hiru egun baliodunetan aitorpena aurkezteko borondatezko epea amaitu ondore.
- Aitorpena aurkezteko borondatezko epea amaitu eta hurrengo 3 egun balioduneko epea amaitu baino lehen, hau da, 2025ko uztailaren 3ra arte, egun hori barne.
- Egoitza elektronikoan eskura izango duzun behin-behineko likidazioaren zenbatekoa ordaintzea,
- Edo atzerapena eskatzea.
- Ordainketa BIZUM bidez ere egin ahal izango da.
- Ordainketa helbideratzeko eskatzea.
- Ordainketa zatikatu dezakezu
Bi epetan zatitu daiteke:
- Lehenengoa, zenbatekoaren % 60koa, uztailaren 4an zordunduko da zure kontuan, edo gehienez ere 7 egun balioduneko epean, aitorpena aurkezteko borondatezko epea amaitu eta hurrengo egunetik zenbatzen hasita.
- Bigarrena, gainerako 100eko 40koa, aitorpena aurkeztu behar den urte bereko azaroaren 11 baino lehen.
Ordainketaren zatikapen horri heltzeko, beharrezkoa izango da ordainketa Bizkaiko Foru Ogasunaren entitate laguntzaileetako batean helbideratuta egotea.
Zorra 100 €-tik gorakoa bada, zure errenta-zirriborroan ordainketa automatikoki zatikatuta agertuko da, eta txikiagoa bada, berariaz adierazi beharko duzu.
100 €-tik gorako zenbatekoen kasuan, ordainketa zatikatu nahi ez baduzu, berariaz adierazi beharko duzu.
- Zure zirriborroak datu ekonomikorik ez badu edo zure zerga-egoera islatzen ez badu
- Zure datuak aldatu eta/edo aurkeztu behar dituzu
Ogasun eta Finantza Sailak eskura jarritako aitorpenaren zirriborroak ez badu zure zerga-egoera jasotzen edo datu ekonomikorik ez badu, zerga likidatzeko beharrezkoak diren datuak eta dokumentazioa aldatu eta/edo aurkeztu beharko dituzu.
- Eta epez kanpo aurkezten baduzu?
Aitorpena bide beretik aurkeztu behar duzu (errentaren webgunea 2020ko eta ondorengo errentak aurkezteko modu bakarra da).
2019ko eta aurreko autolikidazioak aurkezteko, orain arte erabili dituzun mekanismoak erabili behar dituzu (laguntza-programak edo webgunean eskuragarri dagoen 100 eredua).
- Aurkezpenerako laguntza
Aurkezpena SEDE ELEKTRONIKOAREN bidez bakarrik egingo da.
Laguntza jaso dezakezu:- Telematikoki, laguntza-gida eta -bideoen bidez.
- Telefonikoa, deklarazioaren aurkezpenean lagunduko dizu, lekualdatu beharrik gabe.
- Kanal presentziala Bizkaiko Foru Ogasunaren bulegoetan, kanpaina osoan zehar eta aldez aurretik hitzordua eskatuta.
Hitzordua 94 608 300 telefonoan eska dezakezu, edo www.bizkaia.eus/renta web orrian.
- Zure aitorpenaren zirriborroak itzuli beharreko emaitza badu
- Ordezkaritza
- Hirugarren baten ordezkaritza-gakoa
- Apirilaren hasieran, gutun bat jasoko duzu zure errenta-zirriborroaren informazioarekin. Gako bat ere izango du ordezkaritza hirugarren pertsona bati eman ahal izateko.
- Beste ordezkaritza-gako bat ere lor dezakezu hemendik: www.bizkaia.eus/renta
- Ordezkaritza egiaztatutzat joko da, aitorpenaren zirriborroa izapidetzeko, ordezkaritza-gakoa titularra ez den beste pertsona batek sartzen duenean.
- Ordezkaritza eman zaion pertsonaren kasuan, Ordezkaritza-gakoak 5 urteko balioa izango du, lehenengo aldiz erabiltzen denetik; denbora horretan , pertsona horrek zergadunaren ordezkari gisa erabili ahal izango du, gakoa eman zen zergaldia dela eta egin beharreko jarduketak egiteko.
- Ordezkaritza gakoa jaso ez baduzu, horretarako ezartzen diren bideetatik eskatu ahal izango duzu.
Atzera bota dezaket nire aurkezpen-gakoa?
- Edozein unetan eska dezakezu zure ordezkaritza-gakoa desaktibatzea. Zure ordezkaritza-gakoa beste pertsona bati eman badiozu eta, ondoren, ezeztatu egiten baduzu, ezabatu egingo duzu zure izenean 24. errenta eta ondarearen edozein izapide egiteko emandako baimena.
- Ondorengoak
Familia-unitate bateko kide diren zergadun adingabeen kasuan, legezko ordezkaritza ofizioz inskribatuko da ahalordetzeen erregistro elektroniko orokorrean, bi gurasoen alde, edo guraso bakarraren alde, baldin eta guraso bakarra badute. Hori guztia, kontrako froga fede-emailerik ez badago.
- Aitorpena aurkeztu ondorengo jarduketak
- Egoitza elektronikoan egin behar dira (ez Errentaren webgunean)
Zein dira egoitzatik Web Errentari dagokionez egin daitezkeen bigarren jarduerak?
Aitorpena aurkeztu ondoren, izapideen katalogotik honako hau egin daiteke:
- Zerga-dokumentazioa aurkeztea
- Ordezko aitorpena aurkeztea (aitorpena aurkeztu eta hurrengo eguneko 23:59ak arte.)
- Zerga-errekerimenduari erantzutea
- Zerga arloko berraztertzeko errekurtsoa jartzea
- Deklarazioa zuzentzeko idazkia
- Zuzenketa-idazkia, zergak ordaintzeko aukera aldatuta (kanpaina amaitzean)
- Geroratzea eskatzea
- Ordaintzeko modua aldatzea
Web errentaren programaren bidez bigarren jarduera beste pertsona baten izenean egiteko, nahikoa al da "R" ordezkaritza-gakoa?
- Bai, interesdunak hirugarren pertsona baten R gakoa sartu duenean, ordezkaritza bati alta ematen zaio errenta-espedienterako; beraz, espediente horretara eta dagozkion bigarren jarduketetara sartzeko aukera izango du.
Zirriborroa onartzen baduzu eta geroago (kanpainan zehar) ohartzen bazara akatsak daudela, nola egin dezakezu akats horiek zuzentzeko beharrezko aldaketak?
- Onartutako aitorpenerako zuzentze-idazkia aurkeztu ahal izango duzu. Idazki hori preskripzio-epeko edozein unetan aurkeztu ahal izango da.
Ordaitzeko zirriborroa apirilaren hasieran berretsi bada, ezeztatzeko aukera duzu?
- EZ, aitorpena zuzentzeko idazkia aurkeztu behar duzu egoitza elektronikoan.
Zure aitorpenaren ordezko aitorpena egin dezakezu? Zenbat? Bakarra, bat baino gehiago?
- Aitorpena aurkeztu eta hurrengo eguneko 23:59ra arte egiten badu bakarrik.
- Ondoren, zuzenketak zuzentze-idazkiaren bidez egin beharko dituzu egoitza elektronikoan.
- Aitorpena aurkeztu eta hurrengo eguneko 23:59ra arte aurkeztu ahal izango duzu ordezko aitorpen bat edo gehiago. Edozein motatako datuak aldatu ahal izango dituzu, identifikazio-datuak edo datu ekonomikoak. Ordezko zenbait aitorpen aurkezten badituzu, aurkeztutako azkena soilik hartuko da kontuan.
Telefonoz egindako aldaketen dokumentazioa aurkezteko epea dago? Dokumentazio hori fisikoki Ogasunean aurkeztu daiteke ordenagailurik ez badaukat?
- Edozein motatako eragiketa, errenta, gastu, sarrera, murriztapen eta kenkarien frogagiri eta egiaztagiriak gorde behar dituzu, preskripzio-epean zehar, iraungitze-epean zehar edo, hala dagokionean, beren-beregi adierazitako epen zehar, eta zerga-administrazioari erakutsi beharko dizkiozu, horretarako errekerimendua egiten bazaizu. Dena den, aitorpena aurkezteko orduan aurkeztu ahal izango dituzu, edo, ondoren, Bizkaiko Foru Aldundiaren egoitza elektronikoaren bidez.
- Aldatu daiteke hasieran hautatutako tributazio-modalitate bateratua edo banakakoa?
-
Noiz aukeratzen da zergak batera ordaintzea?
-
Aitorpena aurkeztean aukeratzen da, eta aurkeztu eta hurrengo eguneko 23:59ra arte alda daiteke, ordezko aitorpen baten bidez.
-
- Nork aukera dezake baterako tributazioa?
- Aitorpena aurkezten duen familia-unitateko lehen kideak egin beharko du baterako tributazioaren aukera, eta familia-unitateko kide den beste ezkontidearen edo izatezko bikotekidearen ordezkaritza-gakoa izan beharko du, aitorpena behin betiko aurkeztu ondoren (* ordezko aitorpena aurkezteko epea igarota), eta izango da aldatu aitorpena egiteko borondatezko epean(PFEZren FAren 97.4 art).
- Zuzendu al daiteke aukera?
- Deklarazioa aurkeztu ondoren, aukera hori behin bakarrik aldatu ahal izango da, zuzenketa-idazki bat aurkeztuz; hori hala izango da, non eta zerga-administrazioak ez duen egiten tributu-betebeharraren elementu guztiak edo batzuk aitortu, erregularizatu, egiaztatu, ikuskatu, berretsi edo likidatzeko edozein ekintza, zergapekoak haren ezagutza formala duelarik.
- Zuzenketa-idazkia aurkeztuko duen ezkontideak edo izatezko bikotekideak familia-unitateko beste ezkontidearen edo izatezko bikotekidearen ordezkaritza-gakoa izan beharko du.
- Zuzenketa-idazki bat aurkezteak ez du esan nahi, inola ere, epez kanpoko aitorpenagatiko errekargua aplikatuko denik, baldin eta idazki horren xedea aurretik gauzatutako tributazio-aukera aldatzea bada.
- Baterako tributazioaren aldeko aukera duen aitorpenaren zirriborroa aldatzea
- Zerga-administrazioak zergadunaren eskura baterako tributazioaren aldeko aukera proposatzen duen aitorpen-zirriborro bat jartzen badu, edozein ezkontidek edo izatezko bikoteko kidek uko egin ahal izango dio aukera horri, familia-unitateko kide den beste ezkontidearen edo izatezko bikotekidearen ordezkaritza-gakoa eduki beharrik gabe. Egoera hori gertatzen denean, Zerga Administrazioak aukeraren aldaketa jakinaraziko dio familia-unitateko kide den beste ezkontideari edo izatezko bikotekideari.
- Dirua sartzeko edo itzultzeko epeak
- Zuzenketa-idazkia aurkeztearen ondorioz behin-behineko likidazio berri bat ematen denean, honela jokatuko da:
- Behin-behineko likidazioa ordaindu beharrekoa bada, likidazio horren ondoriozko zorra hilabeteko epean ordaindu beharko da, jakinarazpena egiten den egunetik zenbatzen hasita.
- Behin-behineko likidazioa itzuli behar denean, zerga-administrazioak dagokion zenbatekoa ordainduko du, Bizkaiko Lurralde Historikoko Zergei buruzko Foru Arau Orokorraren 30. artikuluan aurreikusitako moduan (epea sei hilabetetik gorakoa bada, berandutze-interesa ordaindu beharko da).
- Zuzenketa-idazkia aurkeztearen ondorioz behin-behineko likidazio berri bat ematen denean, honela jokatuko da:
-
- Zure espedientera sartzea eta jakinarazpenakZer ikus dezakezu web errentako zure espedientean?
- Espedientearen jakinarazpenak/komunikazioak
- Wen errentako bigarren jarduketak: Ogasun Sailak Web Errenta izapidetzeko definitutako balizko jarduerak.
- Espedienteari buruz egiteke dagoen edozein errekerimendu.
- Espedientearen dokumentazioa, herritarrek edo Ogasun-Sailak aurkeztu duten kontuan hartu gabe.
Nortzuk dira espedientean interesdunak?- Banakako errenta-aitorpen batean, aitortzailea izango da interesduna.
- Baterako errenta-aitorpen batean, familia-unitateko kideak espedientearen interesdunak izango dira.
Zein egoeratan dago nire errenta?- "Nire espedienteak" atalera jo behar duzu, zure errenta-espedientea identifikatu ondoren xehetasunetara sartu eta haren egoera ikusi ahal izateko.
Jakinarazpenak
- Aitorpena aurkeztu ondoren, BFAren jakinarazpenak edo errekerimenduak webgunean edo postaz jasotzen dira?
- Web-errentari buruzko jakinarazpenak bide elektronikoz jasoko dira, eta eskuragarri egongo dira egoitzako jakinarazpenen atalean eta errenta-espedientean.
- Nola jakin dezakezu errenta-jakinarazpen bat duzula?
- Egoitza elektronikoaren jakinarazpenen atalean sartuta. Ogasun Sailean eman duzun posta elektronikora ere iristen da abisua.
- Pertsona hori ordezkari baten bidez aritu bada, lehenengoak zein bigarrenak jasoko dute abisua.
- Paperean bidaltzen diren jakinarazpenak ere egoitzan daude?
- Bai, errenta-kanpainaren hasieran etxera bidaltzen den gutuna egoitza elektronikoan duzu eskuragarri. Web errentarekin lotutako gainerako jakinarazpenak elektronikoak baino ez dira izango.
- Zure posta-kontua gogoratzen ez baduzu, nola berreskuratu dezakezu?
- Egoitza elektronikoaren "nire datuak" atalean sartuta.
- Noiz ulertzen da errenta-jakinarazpen bat irakurrita dagoela?
- Jakinarazpena egindakotzat joko da egoitzan sartzen zarenean eta jakinarazpenaren edukia eskuratzen duzunean. Jakinarazpena eskura jarri eta hogei egun natural igarotakoan ez baduzu onartu, ez dela onartu ulertuko da, eta, beraz, ondorio guztietarako jakinarazi dela.
- Sartu beharreko errenten behin-behineko likidazioak, zure aitorpenean jasotakoak ez badira, egoitzan eskuragarri jartzen diren unean bertan jakinarazi direla ulertuko da.
- Joan zaitezke Ogasunera Web errentari buruzko jakinarazpen bat jasotzera?
- Errenta-gutunak eta Web errentatik eratorritako jakinarazpenak ez dira aurrez aurre bikoiztuko.
- Aitorpena aurkeztearekin eta zerga honen likidazioarekin lotutako prozedurei buruzko jakinarazpenak bitarteko elektronikoak erabiliz egingo dira, Bizkaiko Foru Aldundiaren egoitza elektronikoaren bidez, egoitza elektroniko horretan agertuz.
- Gutuna iritsi ez bazaizu, zure helbide fiskalera bidaliko dizugu BAKaren aktibazio-kodea, errentaren webgunean sartu ahal izateko. Ordezkaritza-gako bat ere bidali ahal dizugu, zure izenean beste pertsona bat sar dadin.