saltatu edukira

Aldundiaren Logoa
 
 

Hemen zaude:

Gure Gida

Informazioa

Inportazioak eta esportazioak

Oro har, ondasun inportazioa da Batasunekoa ez den lurralde batetik (Kanariak, Zeuta eta Melilla barne) datorren ondasuna zergaren aplikazio-lurraldera (Penintsula eta Balear Uharteak) sartzea.

BEZaren arauan hauxe ezartzen da: “Ondasun inportazioak zergapetuta egongo dira, beren helburua eta inportatzailearen izaera edozein izanik ere".

Horregatik, Batasunaren barruko ondasun-eskuraketetan ez bezala, inportatzaileak ez dauka enpresaburua edo profesionala izan beharrik: norbanakoek egin dezakete zerga-egitate hau.

Esportazioa, oro har, gertatzeko ezinbestekoa da ondasuna zergaren aplikazio-lurraldetik irtetea xedea Batasunekoa ez den lurraldea (Kanariak, Zeuta eta Melilla barne) dela.

Esportazioak kargapeko eragiketak dira, baina salbuetsita daude; beraz, ondasun-ematea edo zerbitzugintza zerga-egitatea bada ere, zergaren arauak ezartzen du ez dagoela karga jasanarazi beharrik. Gainera, salbuespena erabatekoa da, hau da, eragiketa egiteak berekin dakar ondasun-eskuraketak edo zerbitzu-eskuraketak jasandako BEZaren karga kentzeko eskubidea.


Itzuli