Ondasun Higiezinen gaineko Zergaren subjektu pasiboak?
Zerga honen subjektu pasiboak hauek dira, zergadun gisa: pertsona fisikoak eta juridikoak, Zergei buruzko Foru Arauaren 34. artikuluko 3. zenbakian aipatutako erakundeak eta testamentu-ahalordea erabiltzearen zain dauden jaraunspenak, baldin eta zerga honen zerga-egitatea den eskubide baten titular badira.
Zerga honen zerga-egitatea hiri zein landa-ondasun higiezinen eta ezaugarri bereziko ondasun higiezinen gaineko eskubide hauen titulartasuna da
- Ondasun higiezinen edo haiek afektatuta dauden zerbitzu publikoen gaineko administrazio-emakida.
- Azalera-eskubide erreala.
- Gozamen-eskubide erreala.
- Jabetza-eskubidea.
Aurreko paragrafoan definitutako zerga-egitateetako bat gertatuz gero, bertan ezartzen den hurrenkeran, kasuan kasuko landa edo hiri-ondasun higiezina ez da egongo zenbaki horretako gainerako modalitateen kargapean.
4/2016 FORU ARAUA, maiatzaren 18koa, Ondasun Higiezinen gaineko Zergari Buruzkoa (66,9 KB)
Ohiko galderak
- Ekitaldi osoan ondasunaren jabea izan ez banaiz
- Ondasun baten eskualdaketa, nor da OHZ zerga ordaindu behar duena? eta eskrituraren arabera erosleak ordaindu beharko du?
- Ordainagiririk jasotzen ez badut, ordaindu behar al dut?
- Etxebizitza bat daukat alokairuan hartuta. OHZ ordaindu behar dut?
- OHZren Subjektu pasiboak
- Jabetza soila eta gozamena
- Hainbat subjektu pasibo badaude eta bakoitzak ondasun higiezin beraren gaineko eskubidea du