saltatu edukira

Aldundiaren Logoa
 
 

Hemen zaude:

Informazioa

Berrinbertsioaren ziozko salbuespena

13/2013 Foru Araua 49. artikuluaren arabera, zergadunaren ohiko etxebizitza eskualdatzeagatik lortutako ondare irabaziak zergapetu gabe utzi ahal izango dira, betiere eskualdaketaren bidez lortutako zenbateko osoa ohizko beste etxebizitza bat erosteko berrinbertituz gero, arauek zehazten dituzten baldintzetan.

Beste inoren finantzaketa erabili bada, berrinbertsioa egin den edo ez erabakitzeko soilik, eskualdaketaren unean amortizatzeke dagoen maileguaren zenbatekoa eskualdaketaren zenbatekotik gutxitu ahalko da (47/2014 Foru Dekretuaren 49.1 artikulua).

Berrinbertsioa partziala izan ahal da. 47/2014 Foru Dekretuaren 49. artikuluak azaltzen duenez, berrinbertitutako zenbatekoa eskualdaketan jasotako guztia baino txikiagoa bada, berrinbertitutako zenbatekoari dagokion ondare-irabaziaren zati proportzionala soilik baztertuko da zergapetzetik.

Baldintza horietakoren bat bete ezean, salbuetsi gabeko irabaziaren zatia hura jaso den urteari egotzi beharko zaio, berandutza-interesa egokiekin.

Berrinbertsioaren ziozko kenkaria aplikatzeko, ohiko etxebizitzaren besterentzean lortutako kopuruak berrinbertitzeko epea, hiru urtekoa izango da ohiko etxebizitza 2018ko urtarrilaren 1etik 2020ko abenduaren 31ra bitartean eskualdatzen denean, eta ohiko etxebizitza 2018ko urtarrilaren 1etik 2020ko abenduaren 31ra bitartean erosi eta geroago aurreko ohiko etxebizitza eskualdatzen denean. Beste kasuetan bi urtekoa izango da.