Arau orokorrak

Arau orokorra ezarri da, hartzailea enpresaburua edo profesionala izatearen edo ez izatearen arabera eta hartzailearen edo zerbitzu-emailearen egoitza edo establezimendu iraunkorra edo helbidea edo ohiko bizilekua zerga aplikatzeko lurraldean (ZAL) badago.

Arau bereziak

Kasu honetan, emandako zerbitzu motaren arabera ezartzen da zerbitzuak egiteko tokia.

Itxiera klausula

Zerga aplikatzeko lurraldean (ZAL) emandakotzat joko dira baldin eta, ondorengo zerbitzuei aplikatu beharreko kokapenari buruzko arauen arabera, ez badira Erkidegoan, Karaniar Uhartetan, Ceuta edo Melillan, eginikotzat hartzen baina egiaz lurralde horretan erabiltzen edo ustiatzen badira.

• 69.Bi artikuluan zerrendaturiko zerbitzuak (patenteak, lizentziak, publizitatea, aholkularitza, etab.), inoren izenean eta pentzura diren bitartekotza zerbitzuetan, hartzailea enpresaburua edo profesionala denean.
• Garraiobideen errentamenduak eta elektronika, telekomunikazio, irrati eta telebista bidez emandakoak, hartzailea edozein delarik.

ALDAKETA:

Zerbitzuen kokapena: benetako erabilera edo ustiapenaren araua (BEZaren Legearen 70.Bi artikulua)

Indarrean jarri denetik, mugagabeko indarraldiarekin, 2023rako Estatuaren Aurrekontu Orokorren Legearen 73. artikuluak aldatu egin du benetako erabilera edo ustiapenaren arauaren aplikazioa; arau horrek aukera ematen du zerbitzu jakin batzuk zerga aplikatzen den Espainiako lurraldeko BEZaren pean daudela jotzeko —nahiz eta zerbitzuok Europako Erkidegotik kanpo egindakotzat jotzen diren zerga-egitatea gauzatu den tokiko arauen arabera—, baldin eta zerbitzuon benetako erabilera lurralde horretan egiten bada:

• Arauaren aplikazioa kendu egin da enpresaburuen arteko zerbitzu-prestazioetatik, kenkarirako eskubidea sortzen duten sektore eta jardueretan, Espainiako enpresen nazioarteko lehiakortasuna ez mugatzeko.
• Haren aplikazioari eutsi zaio eskubide hori sortzen ez duten sektoreetan, hala nola finantza-sektorean zein aseguruenean.
• Haren aplikazioa zabaldu egin da azken kontsumitzaileei egindako zerbitzu ukiezinen prestaziora, helmugan tributatzea bermatzeko. Adibidez, zergaren aplikazio-lurraldean ezarritako abokatu batek Europako Erkidegotik kanpoko egoiliarra den partikular bati emandako zerbitzuek Espainiako BEZaren arabera tributatzen dute zerbitzu horien benetako erabilera zergaren aplikazio-lurraldean egiten bada.