Bizkaiko egoiliar bat hiltzen denean hark utzitako IBILGAILUAREN jaraunsle edota legatu-hartzaileek egin behar dituzten izapideak, jaraunsleak honakoak direnean: ezkontidea nahiz izatezko ezkontide inskribatua, aurrekoak eta/edo ondorengoak.

1. 650-V eredu betearen esteka:
2. Obligaziodunak:
  • Ohiko bizilekua Espainian duten zergadunak, hildakoak heriotza-egunean ohiko bizilekua Bizkaian bazuen.
  • Ohiko bizilekua Espainian duten zergadunak, hildakoak heriotza-egunean ohiko bizilekua atzerrian bazuen.
  • Ohiko bizilekua atzerrian duten zergadunak, hildakoak heriotza-egunean ohiko bizilekua edozein zuela ere, Espainiako lurraldean kokatutako ondasun eta eskubideen eskuraketetan, baldin eta ondasun-eskubideon balio handiena Euskadin badago eta baldin eta ondasun eta eskubide horietatik Bizkaian kokatuta daudenen, bertan erabil daitezkeenen edo bete beharrekoak direnen balioa handiagoa bada ondasun-eskubideok beste bi lurralde historikoetan duten balioa baino.
3. Aurkeztu beharreko eredua:

650- V  eredua, eskura dago Bizkaiko Foru Ogasunaren bulegoetan edo http://www.bizkaia.eus/ogasuna/ereduak/modelos.asp webgunean.
Badago eredu hori betetzeko laguntza programa bat ere, http://www.bizkaia.eus/ogasuna/software/programa_bilatzailea.asp webgunean.
 

4. Epea:

Urte 1, sortzapen-datatik aurrera (heriotza-data, salbuespenak salbuespen: testamentu-ahalordeak, oinordetza-itunak...)

5. Aurkezteko lekua eta modua:

AURREZ AURRE:

  • Bizkaiko Foru Ogasunaren Bilboko bulegoan. Basurtuko Kaputxinoen kalea, 4.
  • Basauri, Getxo eta Mungiako bulego deszentralizatuetan (sartu beharreko kuotarik gabeko autolikidazioak).
  • Hipoteka-barrutiko likidazio-bulegoak (jabetza-erregistroak), bakoitzari dagozkion udalerrien arabera.

Aurrez aurreko arreta hitzordua eskatuta bakarrik ematen da

6. Zer sartu behar den:

Matrikularen zenbakia, matrikulazio data, bastidorearen zenbakia, eta marka-modeloa-mota. Datu horiek ibilgailuaren zirkulazio baimenean ageri dira.

7. Ondasun eta eskubideen balorazioa:

Balio erreala (merkatuko balio normala) sortzapen-datan (heriotza-data, salbuespenak salbuespen: testamentu-ahalordeak, oinordetza-itunak...)

Esleitutako balioak, gutxienez, taula ofizialetan ezarritako garraiobidearen balioa izan behar du. (http://apli.bizkaia.net/apps/danok/GZIN/euskara/euMenu.asp)

8. Zerga oinarria:

Jaraunsle edo legatu-hartzaile bakoitzak jasotzen duenaren balio garbia, hau da, ondasunaren balio erreala, kengarriak diren kargak eta zorrak 650 ereduan hartuko baitira kontuan, hau da, ez dira kontuan hartuko 650V ereduan.

 
 
9. Murrizketarik ohikoenak:

Ibilgailua kontuan hartuko da 650 ereduaren bidez egiten den herentziazko masaren inbentarioan, eta, ondoren, murrizketak, kuota eta abar kalkulatuko dira. Beraz, ez dago guztizko murrizketarik 650V eredurako; murrizketa bakarra egongo da erabateko segidako (650 eredua).


 

10. Kuota:
  • Murrizketak aplikatu ondoren, likidazio-oinarria 0tik gorakoa denean, ordaindu beharreko kuota kalkulatu behar da.

  • Zergaren kuota osoa lortzeko, likidazio-oinarriari, tasari edo ahaidetasun-mailako taldeen arabera dagokion tarifa aplikatuko zaio.

Lerro zuzeneko ahaidetasuna odolkidetasunagatik edo adopzioagatik: % 1,5eko tasa finkoa aplikatuko da.

Gainerako ahaideei honako hau aplikatuko zaie:

-          I. tarifa (Beste ezkontidearen edo izatezko bikotekidearen, anai-arreben, odolkidetasunezko osaba-izeben, odolkidetasunezko iloben, aitaginarreben, suhien eta errainen eta abarren aurrekoak eta ondorengoak)

-          edo II tarifa (arrotzak eta lehengusuak, koinatuak, ezkon-osabak, iloba politikoak, etab.)

 

11. Aurkeztu beharreko agiriak (jatorrizkoak eta kopiak):

Orokorra:

  • Hildakoaren eta jaraunsleen edota legatu-hartzaileen NANa.
  • Heriotza-ziurtagiria.
  • Azken Nahien Erregistroaren ziurtagiria:
  • Jatorrizko testamentua eta kopia. Testamenturik egin gabe hil bada, notarioaren nabaritasun-akta edo jaraunsleak deklaratzeko auto judiziala.
  • Hildakoaren egoitza-ziurtagiria, hil aurreko 5 urteei dagokiena.

Ibilgailuak:

  • Zirkulazio-baimena eta ikuskapen teknikoaren txartela.

Itzuli