Ondare higikorren eskualdaketak
Orokorrean, higiezinen eta abereen eskualdaketak KOEren mendekoa daude eta %4 aplikatuko da, baita haien gaineko eskubideak eratu eta lagatzen direnean ere, salbu eta berme-eskubide errealak eratu eta lagatzen badira edo FA 1/2011ko artikulu 13 f) letran ezarritako kasuetako batean bagaude.
13. artikulua. Karga-tasa.
f) Ehuneko 0, baldin eta bi baldintza hauek betetzen badituzte:
1. Partikularrek enpresaburuei edo profesionalei honako ondasun hauek eskualdatzen dizkietenean:
- BEZri buruzko 7/1994 FAren eranskineko zazpigarren atalean jasotako berreskuratze-materialak.
- Txatar bihurtzeko ibilgailuak.
- Urrezko, platinozko, harribitxizko eta beste metal batzuetako objektuak.
2. Enpresaburuek edo profesionalek inguruabar hauek betetzen badituzte:
- Beren jarduera gauzatzean eskuratzen dituzte ondasunak edo eskubideak.
- Birsaltzaileak dira.
- Ezin dute aplikatu BEZari buruzko 7/1994 FAren IX. tituluko IV. kapituluan araututako araubide berezia.
Ondorio horietarako, enpresaburu edo profesional birsaltzailetzat hartuko da erosi edo inportatu dituzten ondasunak eman ohi dituen pertsona edo erakundea, ondoren saltzeko.
