Etiketaren araberako bilaketa berria egin
Etxebizitza etiketarekin egindako bilaketaren emaitza (191 erregistroak)
PFEZ (Errenta)
Etxebizitza
Zenbateko kengarria eta tipoak
Zein kopurutan aplika daitekeen kenkaria : Beste gastu batzuk
- Pertsona batek %34ko ezintasuna du. Horrez gain, eskaileran igogailua jartzeko 3.200 € ordaindu dituen eraikin bateko maizterra da. Kontzeptu honengatik kenketa egin daiteke? Gainontzeko bizilagunek kenketa egin dezakete?
- Nire ohiko etxebizitza izango den higiezina eskuratu dut, baina klausula etengarria dauka. Kengarriak ote dira niretzat higiezin hori erosteagatik ordaindu nituen zenbatekoak?
Ordaintzeko modua : Konturako ordainketak
- Galdetzaileak pasaden urtean, uztailean ohiko etxebizitza erosteko kontratu pribatua sinatu zuen enpresa eraikitzaile batekin. 30.000 €-ko nominaleko “zubi-mailegu” baten bidez finantziatu zuen. Honen interesak, urte honetan abuztuan etxebizitza eskrituratzean eskatuko den azken maileguarekin bertan behera geratu arte ordainduko dira. PFEZ-ean kenkaria aplikatzeko aukerarik dagoen jakin nahi du.
- Senar-emazte batzuek eraikitzen ari zen etxebizitza baten salerosketa-kontratua sinatu zuten. Urte batzuetan hainbat kopuru eman zizkioten sustatzaileari, eta haien araberako kenkariak aplikatu zituzten, ohiko etxebizitzan egindako inbertsioak ziren aldetik. Gero dibortziatu egin ziren eta salerosketa-kontratua suntsitzea erabaki zuten. Horren ondorioz enpresa sustatzaileari etxebizitzaren erosketaren kontura emandako 42.000 €-ak galdu zituzten.
- Pertsona batek etxebizitza bat saldu nahi du. Salmenta-prezioa hileka ordainduko litzateke 30 urtean, %2,7ko korritu-tasa aplikatuta. Kontratuan baldintza suntsiarazlea ezarri da; haren arabera erosleak ordaindu beharrekoa ordaindu ezean saltzaileak besterendutako higiezinaren jabetza berreskuratuko du. Gainera, saltzailea ordainketa geroratzen den aldian hiltzen bada, saltzaileek haren jaraunsleei ordaindu beharko dizkiete ordaindu gabeko zenbatekoak. Erosleak aplika dezake ohiko etxebizitzan inbertitzeagatiko kenkaria urte bakoitzean ordaintzen dituen kopuruengatik?
Mailegu bidezko ordainketa : Partikularren arteko maileguak
- Galdetzaileak eta bere emazteak ohiko etxebizitza berri baten eskuratzea eskrituratu nahi dute. Erosketa finantziatzeko 120.000 €-ko mailegu pertsonala eskatu diote kreditu erakunde bati eta, horrez gain, 60.000 €-ko mailegua ere eskatuko diote partikular bati (emaztearen gurasoei). Jakin nahi dute ea bi maileguak kengarriak izango diren.
- Pertsona batek hipoteka-mailegua eskatu zuen ohiko etxebizitza erosteko. Orain mailegu hori kitatu dezake eta norbanako baten mailegua lortu. Norbanakoen arteko maileguak sortzen du kenkaririk?
Enpresaren maileguak
Bankuaren maileguak
- Galdetzaileak bere ohiko etxebizitza izango denaren %75-eko titulartasun osoa eskuratuko du, gainontzeko %25 eskuratuko duen beste pertsonarekin batera. Salerosketa finantziatzeko etxebizitzaren zenbateko osoa den mailegua eskatuko dute. Mailegu honen titularrak bi eskuratzaileak izango dira eta higiezina eskuratuko duten proportzio berean egingo diote aurre maileguaren kuota-ordainketari. Ohiko etxebizitzan egindako inbertsioaren ziozko kenkari ezargarria ezagutu nahi du galdetzaileak, titularrak izan eta maileguaren kuotak ordaintzeari %50-aren bestelako ehuneko batean aurre egin arren, bi eskuratzaileak, erdibana, maileguaren titular moduan agertzen direlako
- Interesatuaren neska-lagunak etxebizitza berri bat eskuratu du Galdakaon. Bien ohiko egoitza izan arren, neska-laguna da jabe bakarra. Etxebizitza eskuratzeko hipoteka-mailegu bat eskatu da eta interesatua bertan azaltzen da abal-emaile gisa. Maileguaren kuotak biek daukaten kontu batean daude helbideratuta; beraz, mailegua %50-ean ordaintzen ari dira. Ezkontzeko asmoa dute eta foru-komunikazio erregimena aplikatuko da. Mutil-lagunak ordaintzen ari den mailegu-kuoten %50 kendu ahal du etxebizitza-inbertsioaren ziozko kenkari gisa?
- Irabazpidezko sozietatea 2009an likidatzearen ondorioz, ezkontideetariko bat senar-emazteek 2002an eskuraturiko ohiko etxebizitzaren adjudikazioduna izan da, eta beste ezkontideari konpentsazioa eman behar dio, gertaera horrek sortu duen gehiegizko adjudikazioagatik. Ordainketa horren zenbatekoa finantzatzeko, hipoteka mailegua eskatu du. Jakin nahi du ea ohiko etxebizitzaren ziozko kenkaririk aplikatu ahal duen, eskaturiko maileguaren zati nagusiari eta interesei dagokienez.
- 2011-02-16ko kontsulta. Zergaduna bananduta dago 2010eko otsailaren 10az gero bere gizon ohiarengandik; harekin ezkonduta egon zen irabazpidezko araubidean. Senar-emazte bien izenean dago biok oraindik ere titularrak direneko etxebizitza zergapetzen duen hipoteka mailegua, baina gaur egun emazteak egiten dio aurre maileguari dagozkion kuoten 100eko 100i. Gainera, berari esleitu zaio ezkontideen helbidearen erabilera. Ez behin-behineko neurrien autoan, ez dibortzioaren epaian, ez da ezarri ezer maileguaren ordainketari buruz. Jakin gura du ohiko etxebizitzan inbertitzearen ziozko kenkaria aplika dezakeen berak bakarrik ordaintzen duen maileguaren guztizko zenbatekoaren gainean.
- Bikote moduan inskribatuta ez daude pertsona bik etxebizitza bat erosi dute erdi bana. Bietako bat bakarrik ageri da mailegu-hartzaile moduan, finantza erakunde batek bere langileei emandako mailegu hobariduna da eta. Aplika dezakete kenkaria erdi bana (%50 bakoitzak)?
- Galdetzaileak eta bere emazteak ohiko etxebizitza eskuratzeko hipoteka-mailegua eskatu zuten. Mailegu honen titularrak familiako bost kideak dira eta ez, aipatutako biak bakarrik. Mailegari bakarrak ez izan arren, jakin nahi dute ea ohiko etxebizitzaren inbertsioaren ziozko kenkaria ezar diezaioketen banketxeari ordaindutako mailegu-kuoten osokoari.
- Bere ohiko etxebizitza saldu eta lortutako zenbatekoarekin eskatutako mailegua kitatzen duen zergadunak ohiko etxebizitza eskuratzearen ziozko kenkaria egin dezake?
- Kengarritzat har daiteke ohiko etxebizitza eskuratzeko dibisazko mailegua?
Subrogazioa eta Birfinantzatzea
- Kontsultagilearen alaba hipoteka-mailegu batekin kargatutako etxebizitza baten jabe da. Aipatutako etxebizitza kontsultagileari dohaintzan emateko asmoa dauka, eta, era berean, maileguan subrogatuko da. Hipoteka-mailegua dohaintza-hartzailearekin subrogatzen denetik, kengarriak dira korrituen eta amortizazioaren bidez egindako ordainketak?¿Kengarriak dira dohaintzaren eta maileguaren subrogazioaren gastuak?
- %80-ko lain izatedun baten arabera zati batez bakarrik kengarria den gure ohiko etxebizitza eskuratzeko mailegua bertan behera utz dezakegu eta mailegu berri bategatik ordezkatu?
- Galdetzaileak ohiko etxebizitzarako bere antzinako mailegua bertan behera utzi zuen eta beste banketxe batekoarekin berfinantziatu zuen. Berfinantziazioaren datan, aurreko mailegutik ordaintzeke zegoen saldoa 75.000 €-koa zen eta mailegu berriaren nominala 100.000 €-koa. Mailegu berriaren zioz kentzen jarrai dezake? Eta zein proportziotan?
- Nola sartu behar da ohiko etxebizitzagatiko kenkaria, hura eskuratzeko mailegua birfinantzatu bada?
Etiketaren araberako bilaketa berria egin