- Bizkaia.Eus

Familiaren etxebizitzaren finantziazioan kontribuzio gisako zenbatekoak ordaintzeko obligazioa ezarriko balitz epailearen erabakiz, ohiko etxebizitzaren ziozko kenkaria ezartzeko eskubidea sorraraziko lukete aipatutako zenbatekoek?

Galdetzailea honakoa azaltzen duen pertsona fisikoa da: bere Errenta-aitorpenetan jasandako atxikipenen zenbateko osoa itzul dakioke, ekitaldi batzuetan inbertitutako zenbatekoen osokoan ohiko etxebizitza-inbertsioaren ziozko kenkaria aplikatzeko beharrik gabe. Jakin nahi du ea ekitaldi bakoitzean inbertitutako kopuruaren zenbateko osoan kenkaria aplikatzea beharrezkoa den. Ezezkoa bada, aurreko ekitaldietan aurkeztutako autolikidazioak moldatzeko eska dezakeen jakin nahi du, zeinetan ordaindutako zenbatekoen osokoan kenkaria aplikatu zuen.
Pertsona batek jabetzan eskuratu zuen etxebizitza bat, erosketa hipoteka mailegu baten bitartez finantzatuz. Gero oso-osorik amortizatu zuen mailegu hori. Geroago etxebizitza erosi zuen 15.000 euroko kopurua kendu du, ohiko etxebizitzan egindako inbertsioa dela eta. Urte horretan etxebizitza kontu bat zabaltzea aurreikusita dauka eta horretan ekarpenak egitea, ohiko etxebizitza berria erosteko aurreztu nahian 6 urteak igaro baino lehenago. Bere asmoa da etxebizitza kontu horretan gordailututako kopuruaren gaineko kenkaria egitea. Era berean, gaur egun duen ohiko etxebizitza saltzea aurreikusita dauka, eta horren bitartez 150.000 euro inguruko ondare irabaziak izan nahi ditu. Bere asmoa da errenta horregatik zergarik ez ordaintzea eta ohiko etxebizitzan berriro inbertitzeagatiko salbuespenari heltzea, Pertsona Fisikoen Errentaren gaineko Zergaren Foru Arauan ezarritakoaren arabera. Jakin nahi du zein izango den etxebizitza kontura egindako ekarpenengatiko kenkarien eragina eta zein eragin izango duen berrinbertsioagatiko salbuespenak, betiere PFEZri buruzko Foro Arauan ohiko etxebizitzan inbertitzeagatik ezarritako 36.000 euroko mugaren gainean.
Etxebizitza-kreditu fiskala behin agortuta, ohiko etxebizitzaren berrinbertsio-salbuespenari hel dakioke?
Bada pertsona bat ohiko etxebizitza bat eta berau finantziatzeko mailegua duena. Mailegua osoki kitatzen du eta etxebizitza saltzen du, berrinbertsioaren ziozko salbuespenari helduz. Berrinbertsioaren ondorioz salbuetsitako irabaziek eragindako kopuruarekin, kreditu fiskala agortzen du. Eskualdatutako etxebizitzari dagokion bueltatutako maileguaren ziozko kenkaria egin daiteke?

Zein da etxebizitza kontuan aplikatuko den ziozko kenkaria?

Pertsona bat etxebizitza kontu baten titularra da 2004ko abendutik. Gaur egun kontu horren zenbatekoa erabili nahi du bere senarraren jabetzakoa %100ean den etxebizitza zamatzen duen hipoteka mailegua amortizatzeko; gainera, harekin “ondasunen banaketa”ko erregimenean ezkonduta dago eta horrelaxe egiaztatzen du notarioaren aurrean egindako agiri baten bidez. Jakin nahi du ea ulertuko litzatekeen etxebizitza eskuratzeko senarrak eskatutako hipoteka maileguaren amortizaziorako aplikatutako etxebizitza kontuaren saldoa ohiko etxebizitzaren erosketarako erabili dela, betiere kontuan hartuta ondasunen banaketako araubidean ezkonduta daudela.

Etxebizitza kontu bateko saldoa ohiko etxebizitzaren birgaitze obretarako erabil daiteke?

Pertsona bat etxebizitza kontuko titularra da 2003. urtetik, beraz, Pertsona Fisikoen Errentaren gaineko Zergetan beharrezko kenketak egin ditu. Gaur egun, bere beharretara egokitzen den etxebizitza bat aurkitzea zaila egiten zaionez, justu gaineko atikoarekin duen komunikazioaren bidez bizitzen ari den etxebizitza handitzea pentsatu du. Atiko hau beste bizilagun batena da, zeinek agertutako alderdiari beste propietate baten eta 32.000 €ren truke emango dizkion. Behin aipatutako atikoren jabetza edukita, obra batzuk burutuko dira etxebizitzara lotu eta bizigarritasuna lortzeko egokitzearen helburuarekin (barneko eskailera baten eraikitzea, leihoen aldaketa, tarima jartzea, teilatua konpontzea, etab.). Era berean, arkitekto bat kontratatuko da obren kudeaketarako eta abokatu bat segregazio, anexio, finka berriaren erregistro eta atikoaren bizigarritasun berriarekin zerikusia duten tramiteak egiteko. Horrez gain, beheko solairutik bere pisura doan igogailu bat jartzea aurreikusten du, eraikinak ez duelako eta gainontzeko bizilagunek behar ez dutenez, ez dutelako ordaindu nahi.

Pertsona batek 2000an lursail bat erosi zuen Bizkaiko udalerri batean, ohiko etxebizitza bat eraikitzeko asmoz. Etxebizitza kontu bat ireki zuen eta horren ondorioz kenkariak izan ditu aurreko ekitaldietan. Orain arazoak ditu eraikuntza lanei ekiteko eta ez daki zehazki lanak noiz hasiko diren. Indarreko arautegiaren aplikazioa dela-eta etxebizitza kontuaren indarraldia 6tik 8 urtera luzatu da. Jakin nahi du, arkitekto edo eraikuntza enpresa bati seinale bat ordaintzen badio etxebizitza kontua epea bukatu baino lehenago, ea ulertuko den etxebizitza kontu bati egindako ekarpenengatiko kenkariak ohiko etxebizitza erosteko erabili direla.

Etxebizitza kontu bat daukat 60.000 euroko saldo batekin; horietarik 50.000 eurok eman didate kenkarietarako eskubidea. Etxebizitza kontuaren 20.000 euro erabili nahi izanez gero ohiko etxebizitza erosteko edo birgaitzeko ez den helburu baterako, zenbat itzuli beharra daukat?

PFEZ (Errenta)

Etxebizitza

Zenbateko kengarria eta tipoak

Etxebizitza kontua