Etiketaren araberako bilaketa berria egin
Atzerritarra etiketarekin egindako bilaketaren emaitza (61 erregistroak)
Aitorpen informatiboak
720.Declaración de bienes y derechos en extranjero
Aitortu behar diren ondasun eta eskubideak
Ondasun higiezinak eta haien gaineko eskubideak
- Pertsona fisiko bat Frantzian kokatuta dagoen eta 380.000 euroko eskuraketa-balioa duen higiezin baten jabe da. Pertsona fisiko horrek Ondarearen gaineko Zergan jada aitortu du higiezin hori. Berriz ere aitortu behar al du 720 ereduan? Ez balu aitortuko, zigortua izan daiteke, 2/2005 Foru Arauaren, martxoaren 10ekoaren, Bizkaiko Lurralde Historikoko Zergei buruzkoaren, hogeita zazpigarren xedapen osagarrian aaurreikusitakoaren arabera? Eta 13/2013 Foru Arauaren, abenduaren 5ekoaren, Pertsona Fisikoen Errentaren Gaineko Zergari buruzkoaren, arabera?
- Ba al dago 720 ereduan atzerrian kokatutako ondasun higiezinen gaineko errentamendu-eskubideei buruzko informazioa emateko betebeharrik?
Ondasun higigarriak eta haien gaineko eskubideak
- 50.000 euroko muga gainditzen duen ala ez ezartzearen ondorioetarako, atzerrian kokatutako edo erregistratutako ondasun higigarrien edo horien gaineko eskubideen balioa ez da zehazten ondasun- edo eskubide-multzo (kontuak/baloreak, aseguruak eta errentak/higiezinak) bakoitzaren baterako balorazioa kontuan hartuta, gainerako ondasun eta eskubideekin gertatzen den bezala, baizik eta horietako bakoitzaren banakako balioa kontuan hartuta. Beraz, zein balio konputatu behar da aurreko aitorpen batean jarritako balorazioarekin alderatuta egon daitekeen gehikuntza 20.000 eurotik gorakoa den zehazteko?
- 720 ereduan informatu behar al da atzerrian kokatutako ukuiluetan dauden lasterketetarako odol garbiko zaldiei buruz?
- Atzerrian kokatutako edo erregistratutako ondasun higigarriei dagokienez, noiz aurkeztu beharko da berriz 720 ereduaren aitorpena, aurreko ekitaldi batean aurkeztu bada?
Beste informazio-betebeharrari buruzko galderak
- Egoitza Bizkaian daukan pertsona bat, sozietate ez egoiliar batzuen (bigarren maila) bazkide den sozietate ez egoiliar baten bazkidea (lehenengo maila) bada, zein informazio-betebehar dauka egoiliarrak erakunde ez egoiliarrei eta haien ondasunei dagokienez?
- Jabeen erkidego batek atzerrian kokatutako ondasunen eta eskubideen gainean informatu behar badu eta horiek haren kontabilitatean erregistraturik ez badaude legez ezarritako baldintzen arabera, erkideak beharturik al daude atzerrian kokatutako ondasunen eta eskubideen gainean informatzera, haien benetako titularrak direnez gero?
- Ondasunen erkidego batek atzerrian dituen ondasun eta eskubideen gainean informatu behar badu, erkideek ere aitortu behar izango dituzte?
Egoiliar ez den sozietatea
- Bizkaian bizi den pertsona batek, aldi berean konpainia ez-egoiliar batean parte hartzen duen sozietate egoiliar bateko bazkide zuzena edo zeharkako bazkidea denak, sozietate ez-egoiliarraren ekintzei buruzko eta bere ondarea osatzen duten aktiboei buruzko informazioa eman behar al du 720 aitorpen-ereduan?
- Kanpoan aktiboen jabea den sozietate instrumental atzerritar bateko bazkideak zer ondasuni buruz informatu behar du 720 aitorpen-ereduan?
Balorazioa
Esku dirua.
Betebeharra ez betearen Zehapenak
- 1. adibidea: 720 eredua ez da aurkeztu, hori egiteko betebeharra izan den arren, lau informazio-betebeharrak direla-eta [i) atzerrian kokatutako finantza-erakundeetako kontuak. ii) atzerrian gordailututako, kudeatutako edo lortutako balore, eskubide, aseguru eta errentak. iii) atzerrian kokatutako ondasun higiezinak eta horien gaineko eskubideak. iv) atzerrian kokatutako ondasun higigarriak eta horien gaineko eskubideak, edo atzerrian matrikulatuta edo atzerriko herrialdeetako erregistroetan jasota daudenak]. Beraz, zein da gutxieneko zehapena, aitorpenik ez aurkezteagatik? Eta 720 eredua informazio-betebeharretako bati bakarrik dagokionez aurkeztu behar bada, zein izango litzateke gutxieneko zehapena?
- 2. adibidea Zergapeko batek 720 eredua aurkeztu behar badu 205/2008 Foru Dekretuaren bidez onetsitako zerga betebehar formalen Araudiaren 53 bis artikulua araututa dagoen informazio-betebeharrarengatik, atzerrian kokatutako hainbat banku-kontu direla-eta, eta hurrengo taulan ageri diren hiru kontuei buruzko informazioa aurkeztean datu batzuk edo datu-multzo batzuk isiltzen baditu edo osatugabe, zehaztugabe edo datu faltsuekin aurkeztu baditu. Hurrengo taulan ageri dira 720 ereduan aitortu diren hiru kontuak. Datu zuzenak itzaleztaturik ageri dira eta "X" batekin falta direnak edo osatugabeak, zehaztugabeak edo faltsuak diren datuak edo datu-multzoak. Datuak edo datu-multzoak Sozietatearen izena (izena)+ helbidea Identifikazio osoa BKK Ireki edo eman zeneko data saldoa abenduaren 31n Batez besteko saldoa Azken hiruhilekoan 1. Kontua X 2. Kontua X 3. Kontua X Osatu gabe, zehaztu gabe edo datu faltsuekin aurkeztu dira hiru datu edo hiru datu-multzo, hiru kontu diferenteri buruz (hiru erregistro diferentetakoak). Zein izango litzateke gutxieneko zehapena? Eta adibidean planteatutako kasuari dagokion zehapena?
Etiketaren araberako bilaketa berria egin