Etiketaren araberako bilaketa berria egin
Etxebizitza etiketarekin egindako bilaketaren emaitza (191 erregistroak)
PFEZ (Errenta)
Irabaziak eta galerak (eskualdaketak)
Salmenta edo dohaintza:
Higiezinak : Ohiko etxebizitza : Zer da ohiko etxebizitza : 12 hilabeteko epean bizi behar da etxebizitzan
- Ba al dago epe mugarik etxebizitza bat ohiko etxebizitzatzat hartzeko eta, beraz, kengarria izateko?
- Kontsultagileak ohiko etxebizitza izango dena erosi du Castro Urdialesen. Hala eta guztiz ere, oraindik ezin du hura hartu, lana dela-eta Ortuellan bizi behar duelako, Bigarren Hezkuntzako Institutuari atxikiriko etxebizitza batean. Jakin nahi du ea aplika dezakeen ohiko etxebizitzaren inbertsioaren ziozko kenkaria, baita zein den Castro Urdialesko etxebizitzan bizi izaten hasten deneko data ere.
- Galdetzaileak pisu bat eskuratzeko asmoa du, eta bi edo hiru urte barru bere ohiko etxebizitza izango da; ordura arte alokairuan izango du. Ohiko etxebizitzan inbertsioagatik kenkaria aplikatzeko eskubidea pisua eskuratzen duen unetik edo soilik bertan instalatzen duen momentutik aplikatu dezakeen jakin nahi du.
- Nire ohiko etxebizitza izango den eta oraindik eraikitzen ari diren higiezina lortu dut, baina obrak egin behar ditut bertan. Kasu honetan, luzatzen da etxebizitza okupatzeko epea?
Etxebizitza gutxienez 3 urtez jarraian bizitzea
- Etxebizitzan 3 urtez bizitzeko epea ohiko etxebizitzatzat hartzeko eta, beraz, kengarria izateko. Noiztik zenbatu behar da epe hori? Eskrituren datatik hasita?
- PFEZaren araudiarekin bat etorriz, zein inguruabarrek gertatu beharko lukete etxebizitzak ohiko etxebizitza izateari eusteko, baldin eta saltzen bada edo bertan bizitzeari uzten bazaio beste barik PFEZko Foru Arauan ezarritako hiru urteak igaro baino lehen?
- Aitaren gaixotasuna nahikoa al da ohiko etxebizitzan hiru urtez jarraian bizitzearen salbuespena aplikatzeko kenkariaren ondorioetarako?
- Baldin eta pertsona batek etxebizitzaren %50 eskuratu badu urte batean eta beste erdia bost urte geroagoa eskuratu badu, noiztik zenbatu behar da ohiko etxebizitza izateko bete beharreko 3 urteko epea?
- Orain dela bi urte erosi nuen etxebizitza saltzekotan nago. Etxebizitza nire ohiko bizilekua izan da, eta saldu egin nahi dut dirua nire emaztegaiaren jabetzapeko ohiko etxebizitzan inbertitzeko; izan ere, urte honetan ezkonduko gara. Jakin nahi dut ea nire etxebizitzan hiru urtez bizi ez arren ohiko etxebizitzatzat har daitekeen eta ohiko etxebizitzaren berrinbertsioaren ziozko salbuespena balia dezakedan.
- Lana galtzeak justifikatzen al du ohiko etxebizitzan hiru urtez jarraian egoteko nahitaezko epea ez betetzea kenkariaren ondorioetarako?
- Etxebizitza erosi duen bikote bat da. Etxebizitzan bizi izaten hasi barik, saldu egin dute, lana dela-eta haien bat beste hiri batera joan delako bizi izatera. Etxebizitzan hiru urtez bizi izateko epearen legezko salbuespentzat har daiteke egoera hori?
- Zerga-betebeharpekoaren ohiko etxebizitza izateari buruzko froga ukaezina al da errolda-agiria?
- Pertsona batek bere etxebizitza errentatuko du ohiko etxebizitzatzat hartzeko eskatzen den hiru urteko epean bertan bizi izan ondoren. Jakin nahi du: - ea itzuli beharko lituzkeen etxebizitzan inbertitzearen zioz eginiko kenkarietako diru-kopuruak baldin eta etxebizitza errentan jartzen badu bertan hiru urtez bizi izan ondoren, eta - ea eskubidea izango lukeen etxebizitzan inbertitzearen ziozko kenkaria egiteko berriz ere bertan bizi izango balitz errenta aldia igarotakoan.
Jabetza osoa
- Izan dezake ohiko etxebizitzaren ziozko kenkaririk etxebizitza baten gozamendunak?
- Higiezin baten gaineko azalera-eskubidea lortu dut 75 urterako, eta, bertan, nire ohiko etxebizitza eraikiko dut; aldi horren amaieran azalera Udalaren jabetzara itzuliko da. Zer zenbatekotako kenkaria egin dezaket ohiko etxebizitzan egindako inbertsioagatik?
- Pertsona batek, bere egunean propietate soilaren % 50aren jabetza eta bere ohiko etxebizitza denaren % 100eko usufruktua eskuratu zituen. Orain, Eusko Jaurlaritzak birgaitze obratzat hartu dituen obra batzuk egin behar ditu. Mailegu batengatik ematen duen diru kopuruaren kenketa egin dezake?
- Senar-emazte batek seme-alabei dohaintzan eman zien euren ohiko etxebizitzaren jabetza soila eta eurentzat utzi zuten bizi osorako gozamena. Dohaintza gorabehera, dohaintza egin zutenek etxean bizitzen jarraitu zuten eta, beraz, hori da oraindik ere euren ohiko etxebizitza. Demagun dohaintza jaso duten seme-alabek gurasoengandik jaso zuten jabetza soila berriz gurasoei dohaintzan eman dietela eta gurasoek, erabateko jabaria finkatuta, etxebizitza hirugarren bati saltzen diotela. Eskualdatutako etxebizitza saltzaileen ohiko etxebizitza gisa hartzen da ohiko etxebizitzan berrinbertitzeari dagokion salbuespenaren eraginetarako?
- Babes ofizialeko etxebizitzetan, azalerako eskubidearen eskuratatzea ohiko etxebizitzaren erosketarekin pareka daiteke?
Etxebizitza bakarra familia-unitate bakoitzeko
Kasu bereziak
Etiketaren araberako bilaketa berria egin