Hemen zaude:
Gure Gida
Informazioa
Etiketaren araberako bilaketa berria egin
Kenketak etiketarekin egindako bilaketaren emaitza (190 erregistroak)
PFEZ (Errenta)
Irabaziak eta galerak (eskualdaketak)
Salmenta edo dohaintza:
Higiezinak : Ohiko etxebizitza : Zer da ohiko etxebizitza : Etxebizitza gutxienez 3 urtez jarraian bizitzea
- Zerga-betebeharpekoaren ohiko etxebizitza izateari buruzko froga ukaezina al da errolda-agiria?
- Lana galtzeak justifikatzen al du ohiko etxebizitzan hiru urtez jarraian egoteko nahitaezko epea ez betetzea kenkariaren ondorioetarako?
- Pertsona batek bere etxebizitza errentatuko du ohiko etxebizitzatzat hartzeko eskatzen den hiru urteko epean bertan bizi izan ondoren. Jakin nahi du: - ea itzuli beharko lituzkeen etxebizitzan inbertitzearen zioz eginiko kenkarietako diru-kopuruak baldin eta etxebizitza errentan jartzen badu bertan hiru urtez bizi izan ondoren, eta - ea eskubidea izango lukeen etxebizitzan inbertitzearen ziozko kenkaria egiteko berriz ere bertan bizi izango balitz errenta aldia igarotakoan.
- Etxebizitza erosi duen bikote bat da. Etxebizitzan bizi izaten hasi barik, saldu egin dute, lana dela-eta haien bat beste hiri batera joan delako bizi izatera. Etxebizitzan hiru urtez bizi izateko epearen legezko salbuespentzat har daiteke egoera hori?
Jabetza osoa
- Izan dezake ohiko etxebizitzaren ziozko kenkaririk etxebizitza baten gozamendunak?
- Higiezin baten gaineko azalera-eskubidea lortu dut 75 urterako, eta, bertan, nire ohiko etxebizitza eraikiko dut; aldi horren amaieran azalera Udalaren jabetzara itzuliko da. Zer zenbatekotako kenkaria egin dezaket ohiko etxebizitzan egindako inbertsioagatik?
- Pertsona batek, bere egunean propietate soilaren % 50aren jabetza eta bere ohiko etxebizitza denaren % 100eko usufruktua eskuratu zituen. Orain, Eusko Jaurlaritzak birgaitze obratzat hartu dituen obra batzuk egin behar ditu. Mailegu batengatik ematen duen diru kopuruaren kenketa egin dezake?
Etxebizitza bakarra familia-unitate bakoitzeko
Kasu bereziak
Bizkaitik kanpo etxebizitza
Zerga-kreditua eta etxebizitza ziozko kenkaria : Zerga-kredituarekiko erlazioa
- Pertsona batek jabetzan eskuratu zuen etxebizitza bat, erosketa hipoteka mailegu baten bitartez finantzatuz. Gero oso-osorik amortizatu zuen mailegu hori. Geroago etxebizitza erosi zuen 15.000 euroko kopurua kendu du, ohiko etxebizitzan egindako inbertsioa dela eta. Urte horretan etxebizitza kontu bat zabaltzea aurreikusita dauka eta horretan ekarpenak egitea, ohiko etxebizitza berria erosteko aurreztu nahian 6 urteak igaro baino lehenago. Bere asmoa da etxebizitza kontu horretan gordailututako kopuruaren gaineko kenkaria egitea. Era berean, gaur egun duen ohiko etxebizitza saltzea aurreikusita dauka, eta horren bitartez 150.000 euro inguruko ondare irabaziak izan nahi ditu. Bere asmoa da errenta horregatik zergarik ez ordaintzea eta ohiko etxebizitzan berriro inbertitzeagatiko salbuespenari heltzea, Pertsona Fisikoen Errentaren gaineko Zergaren Foru Arauan ezarritakoaren arabera. Jakin nahi du zein izango den etxebizitza kontura egindako ekarpenengatiko kenkarien eragina eta zein eragin izango duen berrinbertsioagatiko salbuespenak, betiere PFEZri buruzko Foro Arauan ohiko etxebizitzan inbertitzeagatik ezarritako 36.000 euroko mugaren gainean.
- Etxebizitza-kreditu fiskala behin agortuta, ohiko etxebizitzaren berrinbertsio-salbuespenari hel dakioke?
Etxebizitza
Ohiko etxebizitzaren kontzeptua
Higiezin kengarrien motak
- Hiri-plangintzan guztira 200m2 ezarri dira etxebizitza erabilerarako. 50m2 erabili nahi dira bulego edo estudiorako, eta gainerako 150 m2-ak etxebizitza erabilerarako. Zein da proposaturiko eragiketaren zerga-tratamendua?
- Pertsona batek etxea eraiki nahi du lur batean; horretarako, udalerriko hirigintza-arauen ondorioz, hektarea bateko lursaila erosi behar izan du. Jakin nahi du ohiko etxebizitzan inbertsioa egitearen ziozko kenkaria aplikatzeko eskubidea lur osora hedatzen den, edo higiezina eraikitzeko erabiltzen den lur-zatira bakarrik.
- Pertsona batek lurra eskuratzeko asmoa dauka, eta erosketa hipoteka mailegua eskatuta finantzatuko du. Lur horretan ohiko etxebizitza eraiki nahi du, baina ez daki eraikuntza legeak ezarritako lau urteko epean amaitu ahal izango duen, eta, beraz, bertan aurrefabrikaturiko etxebizitza instalatzeko aukera aztertzen ari da, harik eta behin betiko etxebizitza eraiki ahal izan arte. Bere jabetzako lurrean instalatzen duen aurrefabrikaturiko etxebizitza ohikoa izan daitekeen jakin nahi du, ohiko etxebizitzan inbertsioa egitearen ziozko kenkariaren ondoreetarako.
- Pertsona batek dohaintza baten ondorioz etxabea bereganatu zuen. Ondoren, lokal hori etxebizitza bihurtzeko Udaletxearen baimena lortu zuen. Horretarako bizitzeko baimena eman arte birgaitzeko obrak ordaintzeko helburuarekin 100.000 euroko “zubi-mailegu” bat eskatu zuen. Aipatutako zubi-mailegutik bere baliogabetzerainoko interesak bakarrik ordaindu dira, behin betiko maileguarengatik ordezkatzearen bidez. 55.000 euroko ordainketa egin zuen kontura, burututako lanengatik. Era berean, obra, notarioaren ordainsari, tasatzaile, erregistroari… dagozkiena bezalako ordainketa gehiago egin ditu. Kengarriak dira zubi-maileguko interesak?
- Etxebizitza bat, aparkalekuko bi plaza eta trasteleku bat erosteko kasu hipotetikoa azaldu da. Erosketa eskritura publikoen bitartez sinatu da, eta dokumentu horretan aipatutako lau elementuak eskualdatzeagatik prezio global bakarra agertzen da, ez da elementu bakoitzari dagokion zenbatekoa jasotzen duen desgloserik, independienteki zenbatutako finkak izan arren. Aparkalekuko plazengatik eta trastelekuagatik ordaindutako zenbatekoak ohiko etxebizitzan inbertsioagatik kenkaria izateko eskubidea ematen dion jakin nahi du.
12 hilabeteko epean bizi eta egon
- Ba al dago epe mugarik etxebizitza bat ohiko etxebizitzatzat hartzeko eta, beraz, kengarria izateko?
- Galdetzaileak pisu bat eskuratzeko asmoa du, eta bi edo hiru urte barru bere ohiko etxebizitza izango da; ordura arte alokairuan izango du. Ohiko etxebizitzan inbertsioagatik kenkaria aplikatzeko eskubidea pisua eskuratzen duen unetik edo soilik bertan instalatzen duen momentutik aplikatu dezakeen jakin nahi du.
- Kontsultagileak ohiko etxebizitza izango dena erosi du Castro Urdialesen. Hala eta guztiz ere, oraindik ezin du hura hartu, lana dela-eta Ortuellan bizi behar duelako, Bigarren Hezkuntzako Institutuari atxikiriko etxebizitza batean. Jakin nahi du ea aplika dezakeen ohiko etxebizitzaren inbertsioaren ziozko kenkaria, baita zein den Castro Urdialesko etxebizitzan bizi izaten hasten deneko data ere.
Etiketaren araberako bilaketa berria egin
