- Bizkaia.Eus

Dibortziatu batek 35 urteko adinakoa eta seme batekin bere etxebizitzaren mailegua ordaintzen du, baita ezkontide ohiarena ere epaileak hala erabakita. Zein kenkari portzentaje eta zein mugarekin aplika daiteke? Banako aitorpena egiten du.

Kenkariaren mugak ohiko etxebizitzan

Galdetzailea honakoa azaltzen duen pertsona fisikoa da: bere Errenta-aitorpenetan jasandako atxikipenen zenbateko osoa itzul dakioke, ekitaldi batzuetan inbertitutako zenbatekoen osokoan ohiko etxebizitza-inbertsioaren ziozko kenkaria aplikatzeko beharrik gabe. Jakin nahi du ea ekitaldi bakoitzean inbertitutako kopuruaren zenbateko osoan kenkaria aplikatzea beharrezkoa den. Ezezkoa bada, aurreko ekitaldietan aurkeztutako autolikidazioak moldatzeko eska dezakeen jakin nahi du, zeinetan ordaindutako zenbatekoen osokoan kenkaria aplikatu zuen.
Pertsona batek jabetzan eskuratu zuen etxebizitza bat, erosketa hipoteka mailegu baten bitartez finantzatuz. Gero oso-osorik amortizatu zuen mailegu hori. Geroago etxebizitza erosi zuen 15.000 euroko kopurua kendu du, ohiko etxebizitzan egindako inbertsioa dela eta. Urte horretan etxebizitza kontu bat zabaltzea aurreikusita dauka eta horretan ekarpenak egitea, ohiko etxebizitza berria erosteko aurreztu nahian 6 urteak igaro baino lehenago. Bere asmoa da etxebizitza kontu horretan gordailututako kopuruaren gaineko kenkaria egitea. Era berean, gaur egun duen ohiko etxebizitza saltzea aurreikusita dauka, eta horren bitartez 150.000 euro inguruko ondare irabaziak izan nahi ditu. Bere asmoa da errenta horregatik zergarik ez ordaintzea eta ohiko etxebizitzan berriro inbertitzeagatiko salbuespenari heltzea, Pertsona Fisikoen Errentaren gaineko Zergaren Foru Arauan ezarritakoaren arabera. Jakin nahi du zein izango den etxebizitza kontura egindako ekarpenengatiko kenkarien eragina eta zein eragin izango duen berrinbertsioagatiko salbuespenak, betiere PFEZri buruzko Foro Arauan ohiko etxebizitzan inbertitzeagatik ezarritako 36.000 euroko mugaren gainean.
Etxebizitza-kreditu fiskala behin agortuta, ohiko etxebizitzaren berrinbertsio-salbuespenari hel dakioke?
Bada pertsona bat ohiko etxebizitza bat eta berau finantziatzeko mailegua duena. Mailegua osoki kitatzen du eta etxebizitza saltzen du, berrinbertsioaren ziozko salbuespenari helduz. Berrinbertsioaren ondorioz salbuetsitako irabaziek eragindako kopuruarekin, kreditu fiskala agortzen du. Eskualdatutako etxebizitzari dagokion bueltatutako maileguaren ziozko kenkaria egin daiteke?
Demagun, ohiko etxebizitzan inbertitzeari dagozkion kenkariak egin ostean, ohiko etxebizitza eskualdatzen dela eta berriz inbertitzen dela beste ohiko etxebizitza bat erostean lortutako zenbatekoa, etxebizitzarako kreditu fiskala agortuta berrinbertsioaren eraginez lortutako irabazi salbuetsiarekin.

Senar-emazte batzuk 2007an eskuratu zuten bere ohiko etxebizitza. Hau eskuratzeko mailegu bat harpidetu zuten. Etorkizunean ohiko etxebizitza berri bat eskuratzeko asmoa dute eta honen erosketarako etxebizitza-kontu bat ireki nahi dute. 1)- Posibleak dira oraingo ohiko etxebizitzaren maileguaren amortizazioan eta etxebizitza-kontuan gordailututako zenbatekoen ziozko kenkariak aplikatzea? 2)- Etxebizitza-kontuan egindako ekarpenaren ziozko kenkaria berehalakoa da? 3)- Zein ondorio izango luke 2007an eskuratutako etxebizitza besterentzeak ala ez besterentzeak?

Zein da etxebizitza kontuan aplikatuko den ziozko kenkaria?

Pertsona bat eta horren emaztea, irabazpidezko araubidean ezkonduta, etxebizitza baten titularrak dira, eta etxebizitza alabari dohaintzan emateko asmoa dute. Dohaintzaren eraginezko gastu guztiak alabaren kontura izango dira, eta hori etxebizitza horren hipoteka maileguaren ordezko zorduna izango da. Dohaintza-hartzailea, 2004tik, etxebizitza-kontu baten titularra da, eta bertako saldoa 24.000 €-koa da. Hauxe jakin nahi dute: 1) Ea alabak, eragiketa horren ondorioz, ohiko etxebizitzan inbertitzearen ziozko kenkaria aplikatu ahal izango duen. 2) Ea alabak etxebizitza-kontuko saldoa aipaturiko maileguaren amortizazioan inbertitu ahal duen, egindako kenkarietarako eskubidea galdu barik.

Etxebizitza kontu bateko saldoa ohiko etxebizitzaren birgaitze obretarako erabil daiteke?

Pertsona bat etxebizitza kontuko titularra da 2003. urtetik, beraz, Pertsona Fisikoen Errentaren gaineko Zergetan beharrezko kenketak egin ditu. Gaur egun, bere beharretara egokitzen den etxebizitza bat aurkitzea zaila egiten zaionez, justu gaineko atikoarekin duen komunikazioaren bidez bizitzen ari den etxebizitza handitzea pentsatu du. Atiko hau beste bizilagun batena da, zeinek agertutako alderdiari beste propietate baten eta 32.000 €ren truke emango dizkion. Behin aipatutako atikoren jabetza edukita, obra batzuk burutuko dira etxebizitzara lotu eta bizigarritasuna lortzeko egokitzearen helburuarekin (barneko eskailera baten eraikitzea, leihoen aldaketa, tarima jartzea, teilatua konpontzea, etab.). Era berean, arkitekto bat kontratatuko da obren kudeaketarako eta abokatu bat segregazio, anexio, finka berriaren erregistro eta atikoaren bizigarritasun berriarekin zerikusia duten tramiteak egiteko. Horrez gain, beheko solairutik bere pisura doan igogailu bat jartzea aurreikusten du, eraikinak ez duelako eta gainontzeko bizilagunek behar ez dutenez, ez dutelako ordaindu nahi.

PFEZ (Errenta)

Etxebizitza

Zenbateko kengarria eta tipoak

Etxebizitza kontua