Kenketak etiketarekin egindako bilaketaren emaitza (190 erregistroak)
PFEZ (Errenta)
Lan etekinak
Lanean ari garenean
Atzerriko lanak : Beste kasu batzuk
Jarduera ekonomikoak
Kuotaren kenkariak eta kuota
Salmenta edo dohaintza:
Higiezinak : Salmentak: Irabaziaren edo galeraren kalkulua : Eskuraketaren balioa
Zer da ohiko etxebizitza : Higiezin kengarrien motak
- Hiri-plangintzan guztira 200m2 ezarri dira etxebizitza erabilerarako. 50m2 erabili nahi dira bulego edo estudiorako, eta gainerako 150 m2-ak etxebizitza erabilerarako. Zein da proposaturiko eragiketaren zerga-tratamendua?
- Pertsona batek etxea eraiki nahi du lur batean; horretarako, udalerriko hirigintza-arauen ondorioz, hektarea bateko lursaila erosi behar izan du. Jakin nahi du ohiko etxebizitzan inbertsioa egitearen ziozko kenkaria aplikatzeko eskubidea lur osora hedatzen den, edo higiezina eraikitzeko erabiltzen den lur-zatira bakarrik.
- Pertsona batek lurra eskuratzeko asmoa dauka, eta erosketa hipoteka mailegua eskatuta finantzatuko du. Lur horretan ohiko etxebizitza eraiki nahi du, baina ez daki eraikuntza legeak ezarritako lau urteko epean amaitu ahal izango duen, eta, beraz, bertan aurrefabrikaturiko etxebizitza instalatzeko aukera aztertzen ari da, harik eta behin betiko etxebizitza eraiki ahal izan arte. Bere jabetzako lurrean instalatzen duen aurrefabrikaturiko etxebizitza ohikoa izan daitekeen jakin nahi du, ohiko etxebizitzan inbertsioa egitearen ziozko kenkariaren ondoreetarako.
- Pertsona batek dohaintza baten ondorioz etxabea bereganatu zuen. Ondoren, lokal hori etxebizitza bihurtzeko Udaletxearen baimena lortu zuen. Horretarako bizitzeko baimena eman arte birgaitzeko obrak ordaintzeko helburuarekin 100.000 euroko “zubi-mailegu” bat eskatu zuen. Aipatutako zubi-mailegutik bere baliogabetzerainoko interesak bakarrik ordaindu dira, behin betiko maileguarengatik ordezkatzearen bidez. 55.000 euroko ordainketa egin zuen kontura, burututako lanengatik. Era berean, obra, notarioaren ordainsari, tasatzaile, erregistroari… dagozkiena bezalako ordainketa gehiago egin ditu. Kengarriak dira zubi-maileguko interesak?
- Etxebizitza bat, aparkalekuko bi plaza eta trasteleku bat erosteko kasu hipotetikoa azaldu da. Erosketa eskritura publikoen bitartez sinatu da, eta dokumentu horretan aipatutako lau elementuak eskualdatzeagatik prezio global bakarra agertzen da, ez da elementu bakoitzari dagokion zenbatekoa jasotzen duen desgloserik, independienteki zenbatutako finkak izan arren. Aparkalekuko plazengatik eta trastelekuagatik ordaindutako zenbatekoak ohiko etxebizitzan inbertsioagatik kenkaria izateko eskubidea ematen dion jakin nahi du.
- Ohiko etxebizitzaren zioz kengarria al da karabana eskuratzea bertan bizitzeko asmoz?
12 hilabeteko epean bizi behar da etxebizitzan
- Ba al dago epe mugarik etxebizitza bat ohiko etxebizitzatzat hartzeko eta, beraz, kengarria izateko?
- Kontsultagileak ohiko etxebizitza izango dena erosi du Castro Urdialesen. Hala eta guztiz ere, oraindik ezin du hura hartu, lana dela-eta Ortuellan bizi behar duelako, Bigarren Hezkuntzako Institutuari atxikiriko etxebizitza batean. Jakin nahi du ea aplika dezakeen ohiko etxebizitzaren inbertsioaren ziozko kenkaria, baita zein den Castro Urdialesko etxebizitzan bizi izaten hasten deneko data ere.
- Galdetzaileak pisu bat eskuratzeko asmoa du, eta bi edo hiru urte barru bere ohiko etxebizitza izango da; ordura arte alokairuan izango du. Ohiko etxebizitzan inbertsioagatik kenkaria aplikatzeko eskubidea pisua eskuratzen duen unetik edo soilik bertan instalatzen duen momentutik aplikatu dezakeen jakin nahi du.
- Nire ohiko etxebizitza izango den eta oraindik eraikitzen ari diren higiezina lortu dut, baina obrak egin behar ditut bertan. Kasu honetan, luzatzen da etxebizitza okupatzeko epea?
Etxebizitza gutxienez 3 urtez jarraian bizitzea
- Etxebizitzan 3 urtez bizitzeko epea ohiko etxebizitzatzat hartzeko eta, beraz, kengarria izateko. Noiztik zenbatu behar da epe hori? Eskrituren datatik hasita?
- PFEZaren araudiarekin bat etorriz, zein inguruabarrek gertatu beharko lukete etxebizitzak ohiko etxebizitza izateari eusteko, baldin eta saltzen bada edo bertan bizitzeari uzten bazaio beste barik PFEZko Foru Arauan ezarritako hiru urteak igaro baino lehen?
- Aitaren gaixotasuna nahikoa al da ohiko etxebizitzan hiru urtez jarraian bizitzearen salbuespena aplikatzeko kenkariaren ondorioetarako?
- Baldin eta pertsona batek etxebizitzaren %50 eskuratu badu urte batean eta beste erdia bost urte geroagoa eskuratu badu, noiztik zenbatu behar da ohiko etxebizitza izateko bete beharreko 3 urteko epea?
- Orain dela bi urte erosi nuen etxebizitza saltzekotan nago. Etxebizitza nire ohiko bizilekua izan da, eta saldu egin nahi dut dirua nire emaztegaiaren jabetzapeko ohiko etxebizitzan inbertitzeko; izan ere, urte honetan ezkonduko gara. Jakin nahi dut ea nire etxebizitzan hiru urtez bizi ez arren ohiko etxebizitzatzat har daitekeen eta ohiko etxebizitzaren berrinbertsioaren ziozko salbuespena balia dezakedan.
- Lana galtzeak justifikatzen al du ohiko etxebizitzan hiru urtez jarraian egoteko nahitaezko epea ez betetzea kenkariaren ondorioetarako?