• PFEZ (Errenta)
• Lan etekinak
• Pentsioak eta beste prestazioak
• Mutualistak

www.bizkaia.eus/guregida

Ohiko galderak Identifikazio zenbakia: 900010476

2023ko Errentaren zirriborroan jasoko al da 1979a baino lehen mutualitateetan kotizatu zuten pertsonei aplikatu beharreko murrizketa?

Bai, Bizkaiko Foru Ogasunak 2023ko errentaren zirriborroetan sartuko du PFEZri buruzko Foru Arauan aurreikusitako murrizketa, Auzitegi Gorenaren 255/2023 Epaian xedatutakoaren arabera.

• Eragindako pertsonei abisu bat agertuko zaie adierazpen-zirriborroan sartzean, eta jakinaraziko zaie pentsioari dagokion murrizketa aplikatu zaiola.
• Zergadun horiek guztiek behar bezala kalkulatuko dute 2023ko aitorpenean dagokien murrizketa, eta ez dute eskatu beharrik izango, ezta inolako izapiderik egin beharrik ere.
• Aitorpena aurkeztean, check bat izango du aurreko lau urteetako aitorpenak 2023ko errenta-aitorpenaren bidez berrikusteko eskatzeko, Aldundiak aldez aurretik prestatutako formulariora joan beharrik gabe

• Auzitegi Gorenaren epaiaren arabera, zeinek du murrizketarako eskubidea?

  Auzitegi Gorenaren 2023ko otsailaren 28ko 255/2023 Epaiak xedatzen du ezen Gizarte Segurantzak erretiroagatik edo baliaezintasunagatik ematen dituen pentsio publikoak, lan-mutualitateei 1978ko abenduaren 31ra arte egindako ekarpenetatik/kotizazioetatik eratorriak direnean, eta ez bazitzaien kenkaririk aplikatu ahal izan PFEZaren zerga-oinarrian, unean-unean indarrean egondako legeriaren arabera, %75ean sartu behar direla zerga horren zerga-oinarrian, kontuan harturik zazpigarren xedapen iragankorrean ezartzen duena Pertsona Fisikoen Errentaren gaineko Zergari buruzko abenduaren 5eko 13/2013 Foru Arauak.

   

  1978ko abenduaren 31ra arte egindako kotizazioetatik eratorritako zatiari dagokienez soilik sartuko da prestazioa %75ean. Kotizazioei pentsioaren zein parte dagokien zehazteko, arau proportzional bat aplikatu ahal izango da, kontuan harturik erreklamatzaileak zenbat egun kotizatu zuen mutualitatean –gehienez 1978ko abenduaren 31ra arte–, haren lan-bizitzako urte guztiekin alderatuta, salbu eta lan-bizitza Gizarte Segurantzaren pentsioa sortzeko kontuan hartzen den gehieneko aldia (35 urte normalean) baino luzeagoa bada; kasu horretan, atalase hori hartuko da kontuan pentsioa zerga-oinarrian ez sartzeko ehunekoa zehazteko.

   

• Zein daturekin aplikatu da murrizketa hori?

  Gizarte Segurantzaren Diruzaintza Nagusiaren Zuzendaritza Nagusiak Bizkaiko pentsiodunen 1979a baino lehenagoko Gizarte Segurantzako kotizazioei buruzko informazioa igorri dio Bizkaiko Foru Ogasunari.

  Informazio hori jaso ondoren, xedapen iragankor horretan xedatutakoa zuzenean aplikatuko zaie zergadun horien guztien pentsioei, 2023ko kanpainako errenta-aitorpenaren zirriborroak egitean. Zergadun horiek guztiek behar bezala kalkulatuko dute 2023ko aitorpenean dagokien murrizketa, eta ez dute eskatu beharrik izango, ezta inolako izapiderik egin beharrik ere

• Aurreko urteetako zuzenketak
  • Pertsona Fisikoen Errentaren gaineko Zergari buruzko abenduaren 5eko 13/2013 Foru Arauaren Zazpigarren Xedapen Iragankorraren arabera, Gizarte Segurantzaren erretiro- edo baliaezintasun-pentsio publikoa % 75ean txertatu behar duten zergadunek, Auzitegi Gorenaren otsailaren 28ko 255/2023 Epaian jasotako baldintzetan, 2023ko ekitaldiari dagokion Pertsona Fisikoen Errentaren gaineko Zergaren aitorpena aurkeztean preskribatu gabeko ekitaldiei dagozkien aitorpenak zuzentzeko eskatu ahal izango dute (errenta-zirriborroko "Aitorpena aurkeztu" pantailan prestatutako laukitxoan)
  • Zuzentzeko eskaerak 2024ko ekainaren 28tik aurrera sortuko ditu ondorioak.
  • Bizkaiko Foru Ogasunak aurreko ekitaldietako aitorpenak zuzentzeko prozesua hasiko du 2023ko errenta kanpaina amaitu ondoren

Itzuli