• Atxikipenak eta beste konturako ordainketa batzuk
• Epeak eta betebeharrak formalak
• Betebeharrak formalak

www.bizkaia.eus/guregida

Ohiko galderak Identifikazio zenbakia: 900010199

txikitzailearen eta konturako sarrera egin behar duenaren betebehar formalak.

1. Atxikipenak eta konturako sarrerak egin behar dituen subjektuak apirilaren, uztailaren, urriaren eta urtarrilaren lehenengo hogeita bost egun naturaletan aurkeztu beharko du 76 aurre-aurreko hiruhileko naturalarengatik beharrezko diren atxikipenen eta konturako sarreren aitorpena, eta haien zenbatekoa Bizkaiko Foru Aldundian sartu beharko du. Hala ere, aurreko paragrafoan aipatzen diren aitorpena eta sarrera —aurre-aurreko hilean atxikitako eta kontura sartutako zenbatekoei dagozkienak, alegia— hil bakoitzeko lehenengo hogeita bost egun naturaletan egin behar dira, baldin eta konturako sarrera egin behar duenak edo atxikitzaileak Balio Erantsiaren gaineko Zergari buruzko Erregelamenduaren 71. artikuluko 3. zenbakiko 1. eta 2. zpizenbakietan aipatutako inguruabarrak betetzen badituzte. Uztailari dagozkion aitorpena eta sarrera, salbuespen gisa, abuztuan eta irailaren lehenengo hogeita bost egun naturaletan zehar egingo dira. Atxikitzaileak edo konturako sarrera egin behar duenak aitorpen negatiboa aurkeztuko du, baldin eta, atxikipenaren edo konturako sarreraren pean dauden errentak ordaindu dituen arren, inolako atxikipenik edo konturako sarrerarik egin ez badu, errenta horien zenbatekoa dela-eta. Ez da aitorpen negatiborik aurkeztu beharko, aitorpenaren epealdian ez bada ordaindu atxikipenpeko edo konturako sarrerapeko errentarik. Aurreko paragrafoan xedatutakoa berdin aplikatuko zaie atxikipena edo konturako sarrera egin behar duten administrazio publikoei (Gizarte Segurantza barne), araudi honetako 81. artikuluko 1. idatz-zatiko a) eta c) paragrafoetan eta 2. idatz-zatiko c) paragrafoan aipatzen diren errentei lotutako atxikipenei eta konturako sarrerei dagokienez, baldin eta ekitaldia hasi baino lehen administrazio horiek onetsi duten azken urteko aurrekontua 6 milioi eurotik gorakoa bada. Hala ere, etekina Bizkaiko Foru Aldundiak ordaintzen badu, haren atxikipena eta sarrera zuzenean egingo dira.
2. Atxikitzaileak edo konturako sarrera egin behar duenak, urtarrilaren 1etik 31ra bitartean, aurre-aurreko urtean egindako atxikipen eta konturako sarreren urteko laburpena aurkeztu behar du.

    

   Halaber, laburpena telematikoki edo ordenagailuz zuzenean irakurtzeko moduko euskarrian aurkezten bada, epealdi berean aurkeztu behar da.

   ...

   Laburpen horietan, atxikitzailearen edo konturako sarrera egin behar duenaren identifikazio datuez gainera, hartzaileen zerrenda jar dadila eskatu ahal izango da, honako datu hauek izango dituena:

   1. Izen-abizenak.
   2. Identifikazio fiskaleko zenbakia.
   3. Bazkide, partaide edo onuradunaren zerga-egoitza, erakundea bada, edo ohiko bizilekua, pertsona fisikoa bada.
   4. Lortutako errenta, eta azaldu behar da zein den kontzeptuen identifikazioa, deskripzioa eta izaera, bai eta errenta horiek zein ekitalditan sortu ziren ere. Errenta horien barruan sartuta egongo dira, halaber, zenbatekoa dela-eta atxikipenaren edo konturako sarreraren pean ez dauden errentak, kargapetik salbuetsitako dietak eta salbuetsitako errentak.
   5. Zergari buruzko Foru Arauko 19. artikuluan, 20. artikuluan edo 39. artikuluko 3. idatzzatian ezarrita dagoenaren arabera aplikatutako integrazio-ehunekoak.
   6. Ordaintzaileak atxikipen-ehunekoa aplikatzerakoan kontuan hartu dituen inguruabar pertsonalak eta familiakoak. 77
   7. Egindako atxikipena edo egindako konturako sarrera.
   8. Ordaintzaileari itzulitako kopuruak, aurreko ekitaldietan sortutako errentetatik datozenak.
   9. Gizarte Segurantzari edo funtzionarioen derrigorrezko mutualitate orokorrei egindako kotizazioei dagozkien gastu kengarriak eta eskubide pasiboen murrizketak eta umezurtzen ikastetxe edo antzeko erakundeei egindako kotizazioak, bai eta zergadunek erakunde edo instituzioei ordaindutako zenbatekoak ere, erakunde edo instituzio horiek, indarrean dagoen araudiarekin bat, Gizarte Segurantzari dagozkion zenbait kontingentziaren prestazioak euren gain hartu badituzte, eta betiere etekinen ordaintzaileak horiek kendu baditu.

   Aurreko paragrafoetan ezarritako betebeharrak bete beharko dituzte, orobat, egoitza Espainian duten edo Espainian ordezkatuta dauden erakundeek, besteren kontura atxikipenpeko errentak ordaintzen badituzte edo baloreen errenten kobrantza kudeatzen badute edo haien gordailuzainak badira.

3. Atxikitzaileak edo konturako sarrera egin behar duenak ziurtagiria emango dio zergadunari. Bertan agertuko dira egindako atxikipenak edo konturako sarrerak, bai eta aurreko idatzzatian aipatutako urteko laburpenean zergadunari buruz jarri beharreko gainerako datuak ere. Ziurtagiri hori zergadunaren esku jarri behar da zerga honen autolikidazioa aurkezteko epea hasi baino lehen. Aurreko paragrafoetan ezarritako betebeharrak bete beharko dituzte, orobat, egoitza Espainian duten edo Espainian ordezkatuta dauden erakundeek, besteren kontura atxikipenpeko errentarik ordaintzen badute edo baloreen errenten kobrantza kudeatzen badute edo haien gordailuzainak badira.
4. Ordaintzaileek, errentak ordaintzen dituzten unean, egindako atxikipena edo konturako sarrera jakinarazi behar diete zergadunei, eta aplikatu dieten ehunekoa adierazi.
5. Artikulu honetan aipatutako aitorpenak eta ziurtagiriak Ogasun eta Finantzen foru diputatuak errenta mota bakoitzerako ezartzen dituen ereduetan, eran eta lekuan egingo dira; era berean, foru diputatu horrek aitorpenetan sartu beharreko datuak zehaztu ahalko ditu. Atxikitzaileak edo konturako sarrera egin behar duenak dagozkion aitorpenetako datu guztiak jarri beharko ditu.
6. Aitorpena eta konturako sarrera Ogasun eta Finantzen foru diputatuak ezartzen duen bezala egingo dira, eta berak ezartzen dituen lekuan eta epean. Ogasun eta Finantzen foru diputatuak, halaber, artikulu honetan aipatutako aitorpenak eta ziurtagiriak bide telematikoetatik zeintzuk kasu eta baldintzatan, nola, non eta noiz aurkeztu ezar dezake

Itzuli