Ohiko galderak Identifikazio zenbakia: 900009961
Noiz erabili behar da Jaulkitako Fakturen Erregistro Liburuan dagoen "Araubide Berezia edo Garrantzia" eremuko "Lanbide-ogibidesarien edo industria-jabetzatik eratorritako eskubideen kobrantzak hirugarrenen kontura, egilearenak edo bazkideen, elkartekideen edo elkargokideen kontura, sozietateen, elkarteen, elkargo profesionalen edo kobrantza-eginkizun horiek betetzen dituzten beste erakunde batzuen kontura" 10. gakoa?
10. gakoa elkarteek, elkargo profesionalek edo SIIn sartutako beste erakunde batzuek soilik erabili behar dute, jabetza intelektualetik, egiletik edo bazkideen kontura kobratutako beste batzuetatik eratorritako ordainsari profesionalei edo eskubideei buruzko informazioa emateko. Kobrantza horiek ez dira faktura batean dokumentatzen, SIIn 10. gakoa duen fakturazio-erregistro gisa informatu behar dira. Faktura-zenbaki gisa, elkarteak edo elkargoak bazkideari egindako ordainketaren egiaztagiriari esleitutako zenbakia jasoko da, eta, emate-data gisa, elkarteak edo elkargoak kobratutakoa jasotzen duen data, kobratu duenaren kontura bazkidea kontrako alderdi gisa identifikatuz. Eragiketa honela erregistratuko da: "7., 14. eta beste artikulu batzuek lotu gabe", kontraprestazioaren zenbateko osoa adierazita.
Bazkideak emandako zerbitzua dokumentatzen duen faktura bazkidearen fakturen erregistro-liburuan erregistratu beharko da, faktura elkarteak, elkargo profesionalak edo elkartekidearen izenean beste erakunde batek jaulki duen kontuan hartu gabe.
10. gakoa EZ da erabiliko honako eragiketa hauetan:
- Elkarteak berak, elkargo profesionalak edo erakundeak bere bazkideei emandako zerbitzuak. 01 gakoarekin erregistratu beharko dira (beste gako espezifikoren bat dagoenean izan ezik).
- Elkarteak, elkargo profesionalak edo erakundeak bere bazkideek bezeroei emandako zerbitzuak berriro fakturatzea. Kasu horretan, elkartekideak elkarteari, elkargoari edo erakundeari emandako zerbitzuen faktura jaulki beharko du, eta hark bere izenean faktura egingo dio bezeroari. Bi fakturak 01 kodearekin erregistratuko dira (beste gako espezifikoren bat dagoenean izan ezik) elkartekidearen eta elkartearen, elkargoaren edo erakundearen erregistro-liburuan, hurrenez hurren.
Adibidea: Elkargo profesional batek 202X 12.100 euroko ordainsaria izango du urtarrilaren 11n, elkargokide batek emandako zerbitzu bati dagokiona. Elkargokidearen izenean elkargoak egindako faktura honetan dokumentatzen da zerbitzua:
- 1/202X-A zenbakiko faktura
- Jaulkipen data: 202Xko urtarrilaren 2a
- Zerga-oinarria: 10.000 euro
- Mota: % 21
- Kuota: 2.100 euro
- Ordainketaren egiaztagiriak honako zenbaki hau du: 5/202X
- Elkargoak HAAJLn erregistratzea:
- Faktura-zenbakia: 5/202X
- Fakturaren jaulkipen-data: 11-01-202X
- Kontrako datuak: IFZ eta elkargokidearen izena
- Guztira: 12.100 euro
- 10. gakoa
- Lotu gabeko eragiketa
- Elkargokideak HAAJLn erregistratzea:
- Faktura-zenbakia: 1/202X-A
- Fakturaren jaulkipen-data: 02-01-202X
- Kontrako datuak: IFZ eta zerbitzua ematen zaion bezeroaren izena
- Guztira: 12.100 euro
- 01. gakoa
- Eragiketa lotua eta ez salbuetsia
- Zerga-oinarria: 10.000 euro
- Mota: % 21
- Jasanarazitako kuota: 12.100 euro
Oharra
Galdera/Erantzun honek ez du ondore loteslerik Bizkaiko Foru Ogasunarentzat; informazio hutsa besterik ez da.