Ohiko galderak Identifikazio zenbakia: 900007316
Udal batek onartutako giza baliabideen plan estrategikoak jasota dauka kalte-ordainak ordaintzea erretiro aurreratuagatik eta langileak sinatu beharreko GSrekiko hitzarmen bereziari dagokion kostua bere gain gartzea. Zein da tratamendua PFEZn?
Baliozko erantzuna indarrean dagoen arautegia egun honetara arte aplikatuz: 2021/02/28
Kargu-uzteagatiko kalte-ordainak, Administrazio publikoen giza baliabideen plan estrategikoetan ezarritakoari jarraituz, eta Langileen Estatutuaren 51. artikuluan jasotako kausetariko batean oinarrituak, PFEZtik salbuetsita daude, zenbatekoak honako hauen gutxienekoa gainditzen ez badu:
- bidegabeko kaleratzeari buruzko lan-araudian ezarritako nahitaezko zenbatekoa eta
- 180. 000 €, nola ordaintzen diren kontuan hartu gabe.
Beste alde batetik, entitate enplegu-emaileak aipatu langileei ordaindutako kopuruak ere, Gizarte Segurantzarekin sinatu beharreko hitzarmen bereziaren kostuari aurre egiteko, lan etekinak dira jasotzaileentzat, eta kalte-ordainari ematen zaion zerga-tratamendu bera aplikatuko zaie. Errenta horiek sortzeko epealdia izango da jasotzaile bakoitzak dagokion erretiroa bete arte geratzen zaion urte kopurua.
Baliozko erantzuna indarrean dagoen arautegia egun honetatik aurrera aplikatuz: 2021/03/01
2021eko martxoaren 1etik aurrerako ondorioekin, Bizkaiko Lurralde Historikoaren Aurrekontu Orokorrei buruzko otsailaren 24ko 2/2021 Foru Arauak ezabatu egiten du administrazio publikoetako giza baliabideen plan estrategikoen salbuespena.
Loturak
Oharra
Galdera/Erantzun honek ez du ondore loteslerik Bizkaiko Foru Ogasunarentzat; informazio hutsa besterik ez da.