Ohiko galderak Identifikazio zenbakia: 900005593
Zein ibilgailuk dute matrikulazio zergaren salbuespena?
Salbuetsita egongo da honako garraiobideen lehenengo behin betiko matrikulazioa edo, hala badagokio, zirkulazioa edo erabilera Espainian:
- Taxi, autotaxi, edo autoturismoak diren ibilgailuak.
- Kontraprestazio bidez gidariei erakusteko jarduera gauzatzeko matrikulatuta dauden ibilgailuak.
- Alokairuko jardueretarako matrikulatu diren ibilgailuak.
- Matrikulazio berezia duten ibilgailuak (matrikula diplomatikoa besteak beste).
- Beste estatu kide batean matrikulatutako ibilgailuak, beste estatu kide batean ezarritako pertsonek edo erakundeek Espainian bizi den pertsona fisiko baten eskura jarri dituztenean.
Zerga Bereziei buruzko abenduaren 28ko 38/1992 Legearen 66.5. artikulua (413 KB)
Izapidetzea
576 eredua aurkeztu aurretik salbuespena eskatzeko edo atxikipenik ez izateko 05 eredua aurkeztu beharko da. Betetzeko 05 inprimakia : salbuesteko eskaria
05 ereduarekin batera aurkeztu beharreko dokumentazioa
- Taxiak, autotaxiak edo autoturismoak:
- Autotaxi edo autoturismoaren udaleko lizentzia (A edo B mota).
- Ibilgailuaren fitxa teknikoa.
- Altaren aitorpena edo azken ordainagiria Ekonomi Jardueren gaineko Zergan.
4 urte aurretik ibilgailua partikular bati saltzen baldin badio salbuespena galduko da eta matrikulazio zerga ordaindu beharko du 4 urtera arte geratzen den zati proportzionalean. Zerga salbuesteko eskubidea duen pertsona bati (beste taxilari bati) saltzen badio, ez du galduko salbuespenerako eskubidea.
- Gidatzen irakasteko jarduerari esklusiboki lotzeko matrikulatzen diren ibilgailuak.
- Ibilgailuaren fitxa teknikoa.
- Altaren aitorpena edo azken ordainagiria Ekonomi Jardueren gaineko Zergan.
- Aldaketa (aginte bikoitza) 2 urte egon behar da bere izenean
- Soilik alokairuko jardueretarako erabiltzeko matrikulatuta dauden ibilgailuak
- Ibilgailuaren fitxa teknikoa.
- Altaren aitorpena edo azken ordainagiria Ekonomi Jardueren gaineko Zergan.
- Administrazioaren baimena, gidari gabe ibilgailuak alokatzeko jarduera ahalbidetzen duena.
Oharra
Galdera/Erantzun honek ez du ondore loteslerik Bizkaiko Foru Ogasunarentzat; informazio hutsa besterik ez da.