Ohiko galderak Identifikazio zenbakia: 900005569
Erregularizazio sistematikoa erregularizazio-aldian
Inbertsio-ondasunak eskuratzean edo inportatzean jasaten diren kuotak ondoko kasuan erregularizatu behar dira: baldin eta ondasuna eskuratzen jartzen denetik (edo erabiltzen edo jardunean jartzen denetik, geroago gertatzen bada) egutegiko hurrengo 4 urteetan (ondasuna lursaila edo eraikina izanez gero, 9 urte) kuota jasan den urtean aplikatutako kenkari-ehunekoaren eta urteko behin betiko kenkari-ehunekoaren artean dagoen diferentzia 10 puntu baino gehiagokoa bada.
Erregularizatzeko prozedura:
- Ondasuna erosi den urteko kenkaria hartzen da oinarritzat.
- Zenbateko horretatik hauxe kendu behar da: erregularizazioa egiten den urtean jasandako kuotari urte horretako behin betiko ehunekoa aplikatuz gero aplikatu behar litzatekeen kenkaria.
- Diferentzia 5ez zatitu behar da (ondasuna lursaila edo eraikina izanez gero, 10ez). Zatidura positiboa bada, sartu beharreko kopurua da; aldiz, negatiboa bada, ken daitekeen zenbatekoa da.
Beraz, ekitaldi bakoitzean honela egin behar da erregularizazioa, bidezkoa izanez gero:
[(kuota jasan den urteko hainbanaketa % - erregularizazioa egiten den urteko hainbanaketa %) x inbertsio-ondasuna eskuratzean jasandako BEZaren kuota] x 1/5 edo 1/10
- Kopuru positiboa = Sarrera osagarria
- Kopuru negatiboa = Kenkari osagarria
Informazio gehiago
Lotutako orrialdeak
Oharra
Galdera/Erantzun honek ez du ondore loteslerik Bizkaiko Foru Ogasunarentzat; informazio hutsa besterik ez da.