Ohiko galderak Identifikazio zenbakia: 900005264
Zertan datza konpentsazioa NAAren araubide berezian?
Konpentsazioa kobratzeko eskubidea ematen duten eragiketak.
- Bere ustiapenetan lortutako produktu naturalak beste enpresari edo profesional batzuei ematea. Konpentsazio hori kobratzeko eskubidetik salbuetsita egongo dira honakoak:
- Araubide horretara atxikitako beste enpresari batzuei saltzen dietenean.
- Beren-beregi kenkaria aplikatzeko eskubidetik salbuetsita dauden eragiketak gauzatzen dituzten enpresari edo profesionalei saltzen dietenean.
- Batasunaren barruko produktu naturalen emate salbuetsiak, enpresari edo profesional modura jarduten ez duen pertsona juridiko bati.
- Araubide berezian bildutako zerbitzu osagarriak eskaintzea enpresari edo profesionalei.
Hartzailea ere NAAren araubide berezira atxikita badago, ez da konpentsazioa aplikatuko.
Goren mugako konpentsazioaren zenbatekoa.
- Nekazaritza eta basozaintzako jardueretan %12 aplikatzen da.
- Abeltzaintza eta arrantzako jardueretan %10,5 aplikatzen da.
- Produktuen edo zerbitzuen salmenta-prezioari aplikatzen zaizkio adierazitako ehunekoak. Zeharkako zergak eta gastu osagarri eta gehigarriak (komisioak, garraio sariak, aseguruak, interesak eta abar, esaterako) ez dira kontuan hartzen.
Konpentsazioak itzultzera behartuta daudenak
- Arau orokor gisa, ondasunen eskuratzailea edo zerbitzuen hartzailea.
- Bizkaiko Foru Ogasuna, Batasunaren barruko esportazioengatik edo emateengatik eta zergaren aplikazio-lurraldetik kanpo kokatutako hartzaileei eskainitako zerbitzuengatik.
Betekizun formala: ordainagiria
Konpentsazio hori kobratzeko, hartzaileak ordainagiria eman beharko du, NAAren araubide berezira atxikitako subjektu pasiboak sinatu beharrekoa. Kopia bat eman beharko dio azken horri.
Honako datuak agertu beharko dira ordainagirian:
- Seriea eta zenbakia: zenbakiak hurrenkeran jarri behar dira.
- Igorlearen eta hartzailearen izena eta bi abizenak edo sozietatearen izena, IFZ eta egoitza.
- Emandako ondasunen edo eskainitako zerbitzuen deskribapena, eta eragiketen tokiak eta egunak.
- Ondasunen edo zerbitzuen prezioa.
- Aplikatutako konpentsazioaren ehunekoa.
- Konpentsazioaren zenbatekoa.
- Nekazaritza, abeltzaintza, basogintza edo arrantza ustiapenaren titularraren sinadura.
Betekizun horiekin, konpentsazioa ordaindu duen enpresariak, kenkariak aplikatzeko gainerako baldintza komunak betetzen badira, bere aitorpen-likidazioan kendu ahalko du.
Oharra
Galdera/Erantzun honek ez du ondore loteslerik Bizkaiko Foru Ogasunarentzat; informazio hutsa besterik ez da.