• BEZ
• Kanpoko eragiketak
• Europar Batasunean egindako eragiketak
• Ondasun-emateak Batasunaren barruan
• Ematea EBko norbanakoei

www.bizkaia.eus/guregida

Ohiko galderak Identifikazio zenbakia: 900004781

Egoitza Bizkaian daukan enpresaburuak ondasun batzuk eman dizkio egoitza EBn daukan pertsona bati. Salbuespenak tributazio-araubide orokorrean: urruneko salmenta.

Mikroenpresei laguntza emateko 2019ko urtarrilaren 1etik aurrera 10.000 EUROKO urteko negozio-bolumenaren atalase bat ezarri zen, eta zenbateko horren azpitik beste Estatu kide batean telekomunikazio-, irrati- eta telebista-zerbitzuak edo elektronikoki zerbitzuak emateko tokia hornitzailea ezarrita dagoen lekua dela jotzen zen.

2021eko uztailaren 1etik aurrera atalase horrek barne hartuko du beste Estatu kide bateko kontsumitzaileei egindako telekomunikazioen, irrati-difusioaren eta telebistaren mugaz gaindiko zerbitzuen eta ondasunen erkidego barruko salmenten guztizko balioa eta, gainditzearen edo ez gainditzearen arabera, honako eragin hauek izango lituzke urrutiko salmenten ondorioetarako ere:

• EB osoan, aurreko ekitaldian edo jarduneko urtean 10.000 €-ko atalasea gainditzen ez badute.
  • Ondasunen Batasunaren barruko urruneko salmentak hasiera batean BEZari lotuta egongo dira, zerbitzu horiek ematen dituen subjektu pasiboa kokatuta dagoen Estatu kidean edo ondasunak ematen edo garraiatzen hasten direnean dauden tokian.
  • Hala ere, arau orokorrak aplikatzea eta zergak ondasunen helmugako Estatu kidean ordaintzea erabaki daiteke. Azken kasu horretan, lehenik eta behin Ogasunari jakinarazi behar diote, 036 ereduaren bidez (4. eranskina). Ondoren, honako helbide honetan erregistratzea aukeratu ahal izango dute:
    • Leihatila bakarra (OSS) ezarrita dagoen Estatuan, Batasunaren araubidean, 035 formularioa bide elektronikoz aurkeztuz. Araubide horrek aukera ematen du BEZaren ondorioetarako Estatu kide batean erregistratzeko eta beste estatu batzuetan sortutako BEZa Estatu kide horretan aitortzeko. Araubide hori aplikatzea erabakitzen bada, urrutiko salmentak 369 ereduan deklaratu beharko dira, hiru hilean behin.
    • Edo, BEZaren ondorioetarako erregistroa Estatu kide bakoitzean egitea (bezeroarenean edo ondasunak eramaten diren estatuan).
• Aurreko ekitaldian edo jarduneko urtean zehar 10.000 €-ko atalasea gainditzen badute, garraioa iristen den Eslehenik eta behin Ogasunari jakinarazi behar diote, 036 ereduaren bidez (4. eranskina).
  • Garraioa iristen den estatu kideari dagokion BEZ tasa jasanarazi beharko dute.
  • Dagokion BEZa ordaintzeko, bide hauek aukeratu daitezke:
    • Ondasunen helmugako Estatu kidean erregistratzea eta BEZa ordaintzea.
    • Edo, Leihatila Bakarraren Batasunaren Erregimena (OSS) aplikatzea.
      • OSSn edozein unetan eska daiteke alta, 035 formularioa elektronikoki aurkeztuta.
      • OSS aplikatzea aukeratzen bada, 369 ereduan aitortu beharko dira, hiru hilean behin:
        • Urreneko salmenta guztiak, Espainiako BEZari lotuta dauden Europar Batasunaren barrukoak barne, baldin eta garraioaren hasierako tokia beste Estatu kide bat bada.
        • Establezimendu iraunkorrik eduki gabe Espainia ez den beste Estatu kide batean zergak ordaintzen dituzten zerbitzu guztiak.

Kontuan hartu behar duzu:

• 10.000 euroko muga ez zaie aplikatuko EBtik kanpo edo Estatu kide baten baino gehiagotan ezarritako hornitzaileei.
• Salgaia dagoeneko Batasuneko kontsumo-estatuan badago, azken bezeroari saldu aurretik beste Estatu kide batetik biltegi batera eramateagatik, Estatu kide horretan kokatutako barne-salmenta da, bere araudiarekin bat tributatuko duena, eta ezingo du OSS aplikatu.

Loturak

Itzuli