Ohiko galderak Identifikazio zenbakia: 900004403
Monetaren balio-galtzearen kalkulua eta, 11/2012 Foru Dekretu Arautzailearen bitartez onartu ostean, balantzeak eguneratzea erlazionatuak al daude?
11/2012 Foru Dekretu Arautzaileak hainbat erakundek eta zenbait aktibok balantzeak eguneratu ahal izatea onartu zuen.
Bestalde, 11/2013 Foru Arauak 40.9. artikuluan honakoa xedatzen du: “Ibilgetu materialaren eta ukiezinaren zein ibilgetukoin bertsioen ondare elementuak edo salmentarako mantendu diren aktibo ez korronte moduan sailkatu diren elementu horiek eskualdatzean lortu diren errenta positiboak zerga-oinarrian sartzeko, errenta horietatik honako hau kenduko da, eta betiere errenta horien mugarekin: eskualdatutako elementuei dagokienez, legez baimendutako azken egunerapenetik edo elementu hori eskuratu zen egunetik, gerokoa bada, gertatutako monetaren balio-galeraren zenbatekoa; zenbateko hori honako erregela hauen arabera kalkulatuko da:”
Beraz, 11/2012 Foru Dekretu Arauemailearen balantzeen eguneratzeaz baliatu ahal izan ziren entitateen aktibo guztien kasuan, nahiz eta horiek atxiki ez, 11/2013 Foru Arauaren 40.9 artikuluak aipatzen duen diruaren balio-galera ez da eguneratuko 2013ko ekitaldia baino lehenagotik, nahiz eta dagokion erosketa, ekoizpena, hobekuntza edo amortizazioa aldez aurretik egin.
Oharra
Galdera/Erantzun honek ez du ondore loteslerik Bizkaiko Foru Ogasunarentzat; informazio hutsa besterik ez da.