- PFEZ (Errenta)
- Aurrezkia
- Produktu finantzarioak
- Lehentasunezko partaidetzak eta mendeko finantz
- Zergapena
Ohiko galderak Identifikazio zenbakia: 900004371
Lehentasuneko partaidetza batzuen trukean beste titulu batzuk jasotzen badira, nola zergapetzen da eragiketa?
Truke egiten denean kapital higigarriaren kapital-etekina sortzen da; ez zaio aplikatu behar atxikipenik. Lehentasuneko partaidetzek edo obligazioek sortutako korrituak kapital higigarriaren etekinak dira eta atxikipenak aplikatu behar zaizkie.
1. adibidea
Pertsona batek La Caixaren lehentasuneko partaidetza batzuk eskuratu zituen 2004. urtean; 10.000 € ordaindu zituen . 2012an obligazio bihurgarri batzuengatik trukatu zituen; obligazioen balorazioa 8.000 € zen. Trukea egin arte partaidetzek sortutako korrituak 120 € izan ziren eta obligazioek sortuak 80 €.
Trukeak sortutako kopuruak zein korrituak kapital higigarriaren etekinak dira: -2.000 + 120 + 80 = -1.800 €. Trukeari ez zaio aplikatu behar atxikipenik; korrituei, aldiz, bai.
2. adibidea
Pertsona batek lehentasuneko partaidetza batzuk eskuratu zituen 2006. urtean; 20.000 € ordaindu zituen. 2012an akzioengatik trukatu zituen; akzioen balorazioa 22.000 € zen. Trukea egin arte partaidetzek sortutako korrituak 120 € izan ziren. Gero, 2012an, akzioak saldu zituen 19.000 €-tan.
Partaidetzen trukeak sortutako kopurua eta haien korrituak kapital higigarriaren etekinak dira: 2.000 + 120 € = 2.120 €.
Akzioen salmentak ondare-galera ekarri du: 3.000 € (eskur.-balioa: 22.000 €; best.-balioa: 19.000 €).
Galera hori ezin da konpentsatu kapital higigarriaren etekin positiboarekin.
Informazio gehiago
Lotutako orrialdeak
Oharra
Galdera/Erantzun honek ez du ondore loteslerik Bizkaiko Foru Ogasunarentzat; informazio hutsa besterik ez da.