www.bizkaia.eus/guregida

Ohiko galderak Identifikazio zenbakia: 900002674

Nortzuek aurkeztu behar dute 124 eredua eta zein da aurkezteko epea?



Baliozko erantzuna indarrean dagoen arautegia egun honetatik aurrera aplikatuz: 2014/01/01

Garrantzizkoa:
NAHITAEZ AURKEZTU BEHAR DA TELEMATIKOKIAREN BIDEZ

124 eredua erabili behar da besteren kapitalak jaso eta erabiltzearen adierazgarri diren edonolako aktiboak eskualdatu, amortizatu, ordaindu, trukatu edo bihurtzetik sortu diren kapital higigarriaren etekinen eta errenten gainean egindako atxikipen eta konturako sarreren aitorpen-likidazioa egiteko.

Nortzuek aurkeztu behar duten: atxikipena edo konturako sarrera egin beharra duten persona juridiko eta gainerako erakundeek, administrazio publikoak barne, baldin eta goian aipatutako errentak edo etekinak ordaintzen badituzte.

Aurkezteko epea
  • Enpresa handientzat: hilean behin. Otsailetik hasi eta hurrengo ekitaldiko urtarrilera arte, hil bakoitzaren 1etik 25era bitartean. Aitorpeneko bakoitzari aurreko hilean egindako atxikipenak aitortuko dira, uztaileko atxikipenak izan ezik; horien epea irailaren 25era arte luza daiteke.
  • Gainerakoentzat: hiru hilean behin. Apirilean, uztailean, urrian eta urtarrilean, hilaren 1etik 25era bitartean. Aipatutako hiletako bakoitzari aurreko hiruhilekoan egindako atxikipenak aitortuko dira.
  • 2023tik aurrera, 112/2009 Foru Dekretua aldatzen duen 153/2022 Foru Dekretuaren arabera, urtarrilean amaitzen den epea urtarrilaren 31ra arte luzatuko da.

Aurkezteko eta diru-sarrera egiteko lekua: Aurkezpen telematikoa, nahiz eta negatiboa izan


Oharra

Galdera/Erantzun honek ez du ondore loteslerik Bizkaiko Foru Ogasunarentzat; informazio hutsa besterik ez da.

Itzuli

 

e-mailez bidali