www.bizkaia.eus/guregida

Ohiko galderak Identifikazio zenbakia: 900002673

Nortzuek aurkeztu behar dute 123 eredua eta zein da aurkezteko epea?



Baliozko erantzuna indarrean dagoen arautegia egun honetatik aurrera aplikatuz: 2014/01/01

123 eredua erabili behar da kapital higigarriaren etekinen eta errenten gaineko atxikipenen eta konturako sarreren aitorpen-likidazioa egiteko.

Eredu honetan egingo da, arau orokor gisa, kapital higigarriaren etekinen eta errenten gaineko atxikipenen eta konturako sarreren aitorpen-likidazioa, baldin eta atxikipen edo konturako sarrera horiek 124, 126 edo 128 ereduetan aitortu behar ez badira.

Nortzuek aurkeztu behar duten: kapital higigarriaren etekinak ordaindu dituzten pertsona fisiko edo juridikoek, etekin horien gaineko atxikipena egin behar bada, PFEZaren zioz, goian aipatutako kontzeptuengatik.

Aurkezteko epea:

  • Enpresa handientzat: hilean behin. Otsailetik hasi eta hurrengo ekitaldiko urtarrilera arte, hil bakoitzaren 1etik 25era bitartean. Aitorpeneko bakoitzari aurreko hilean egindako atxikipenak aitortuko dira, uztaileko atxikipenak izan ezik; horien epea irailaren 25era arte luza daiteke.
  • Gainerakoentzat: hiru hilean behin. Apirilean, uztailean, urrian eta urtarrilean, hilaren 1etik 25era bitartean. Aipatutako hiletako bakoitzari aurreko hiruhilekoan egindako atxikipenak aitortuko dira.
  • 2023tik aurrera, 112/2009 Foru Dekretua aldatzen duen 153/2022 Foru Dekretuaren arabera, urtarrilean amaitzen den epea urtarrilaren 31ra arte luzatuko da.

Aurkezteko eta diru-sarrera egiteko lekua: Aurkezpen telematikoa, nahiz eta negatiboa izan.


Oharra

Galdera/Erantzun honek ez du ondore loteslerik Bizkaiko Foru Ogasunarentzat; informazio hutsa besterik ez da.

Itzuli

 

e-mailez bidali