www.bizkaia.eus/guregida
Ohiko galderak Identifikazio zenbakia: 900002636
Kontzertu ekonomikoaren arabera, noiz du eskumena Bizkaiko Foru Aldundiak lan-etekinengatiko atxikipenak eta konturako sarrerak eskatzeko?
- Bizkaian egiten diren lan edo zerbitzuetatik datozenak.
- Lanak edo zerbitzuak lurralde desberdinetan egiten badira, langilea adskribatuta dagoen lantokia Bizkaian badago.
- Telelanaren kasuan ere, eta lanak edo zerbitzuak atzerrian egiten direnean, edo itsasoko ontzi, itsasontzi, itsas artefaktu edo plataforma finkoetan egiten direnean, ulertuko da langilea adskribatuta dagoen lantokian egin direla.
- Gizarte Segurantzaren eta Klase Pasiboen araubide publikoetatik hartzen diren pentsioen, hartzeko pasiboen eta prestazioen etekinak, baita Enpleguko Institutu Nazionaletik, montepio eta mutualitateetatik, enplegua sustatzeko funtsetatik, pentsioplanetatik eta borondatezko gizarte-aurreikuspeneko erakundeetatik datozenak ere, eta enpresen eta beste erakunde batzuen prestazio pasiboak, baldin eta jasotzailearen ohiko bizilekua Bizkaian badago
- Administrazio-kontseiluetako, horien ordezko batzordeetako eta beste ordezkaritzaorgano batzuetako administratzaileek eta kideek zeregin horretatik hartutako ordainsariak, erakunde ordaintzailearen egoitza fiskala Bizkaian baldin badago.
- Erakundeak sozietateen gaineko zergaren subjektu pasiboak badira, bai Estatuak bai foru-aldundiek:
Aurreko arauen salbuespena: Estatuko Administrazioari dagozkio ordainsari aktiboei zein pasiboei dagozkien atxikipenak, hartzailea ez den beste pertsona batek sortutako pentsioak barne, hark Estatuko lan-kontratuko edo administrazio-kontratazioko araubideko funtzionario eta enplegatuei ordaintzen dizkienak, erakunde autonomoetako eta enpresa-erakunde publikoetako funtzionarioen eta enplegatuen kasuetan izan ezik.
12/2002 Legea, maiatzaren 23koa, Euskal Autonomia Erkidegoarekiko Ekonomi Ituna onetsi duena (EAO Maiatzaren 24koa) (215 KB)
Loturak
Oharra
Galdera/Erantzun honek ez du ondore loteslerik Bizkaiko Foru Ogasunarentzat; informazio hutsa besterik ez da.
Itzuli