Ohiko galderak Identifikazio zenbakia: 900002175
Zeintzuk dira egun baliogabeak?
Egun baliogabeen egutegia
Egun baliogabeen egutegia berbera da Bizkaiko Lurralde Historiko osorako, tokiko jaiegunak kontuan hartu gabe.
Egutegi hori, Bizkaiko Foru Aldundiaren eremuan, urtero argitaratzen da diputatu nagusiaren foru-dekretu bidez, Eusko Jaurlaritzako Justizia, Lan eta Gizarte Segurantza Sailak argitaratutako dekretuekin bat etorriz eta NPBren 39/2015 Legean ezarritakoarekin bat etorriz.
Egun baliogabeak:Administrazio Prozedurari buruzko Legea:
- Epealdiak orduen arabera zehazten badira.
Ordutan adierazitako epeak orduz ordu eta minutuz minutu zenbatuko dira dena delako egintza jakinarazten edo argitaratzen den ordu eta minututik aurrera, eta ezin izango dira izan hogeita lau ordu baino gehiagokoak, hala izanez gero egunetan adieraziko baitira.
- Epealdiak egunen arabera zehazten badira.
Egunen zenbaketan ez dira kontuan hartzen ez igandeak ez jaiegunak. Epealdiko egunak egutegikoak badira, horren berri eman behar da jakinarazpenean.
- Epealdiak hilen edo urteen arabera zehazten badira.
- Jakinarazpena edo argitalpena gertatzen den egunaren biharamunetik hasiko dira zenbatzen.
- Epealdiak egunetik egunera zenbatu behar dira. Epealdia amaitzen den hilean konputua hasi den egunaren baliokidea ez badago, hilaren azken eguna izango da mugaeguna.
- Epealdiko azken eguna baliogabea bada, hurrengo egun balioduna hartuko da mugaeguntzat.
Zerga-bilketako Araudia:
Ordaintzeko epealdia egun baliogabean amaitzen bada, mugaeguna hurrengo egun balioduna izango da.
Loturak
Oharra
Galdera/Erantzun honek ez du ondore loteslerik Bizkaiko Foru Ogasunarentzat; informazio hutsa besterik ez da.